Hagai 1:8 - MUKANDA USANDU WA ZAMBI 1975

⁸ Kandukenu ku milundu, nukasake mitondo, nukatunge lie zuwo hanga ngukawahilile nalio, uhenya wami usoloke. Chocho kanambe Yehova.

Mukanda Wa Zambi 1970

⁸ Hikandukenu ku milundu, nubatule yishimi, nutungulule zuwo lia Zambi; mba ngwivwe kuwaha hanga nunguwayile ngwe chize chinalite.

Hagai 1:8 Iomraidhean Croise

1 Yitanga Ya Mianangana 6:1

Ha mwaka kulakaji awana ni makumi nake chize ku kukatuka cha A-Izalele ku Engitu; ha mwaka wamuchiwana wa kuyula cha Solomone hali A-Izalele; ha kakweji ka Zivi (mwe kakweji wamuchiali awo) yaputuka kutunga zuwo lia Yehova.

1 Yitanga Ya Mianangana 9:3

Yehova yamba kuli iye ngwenyi, Hinapanjika ku kulemba che ni ku kuliumba che chize hiwalemba kumeso jami. Hinasela ku usandu zuwo lino hiwatunga kusako jina liami ndo j ku miaka ya mutolo, mba meso jami ni i mbunge yami kumuyikapwako ndusu miaka yeswe.

1 Sango Ja Mianangana 22:19

Senu mbunge jenu ni mwono wenu kukaula Yehova Zambi yenu. Katukenu kashika, nutunge zuwo lisandu lia Yehova Zambi, nukanehe nawa mushete wa usendo wa Yehova, ni yikwachilo yisandu ya Zambi mu zuwo lize matunga ha jina lia Yehova.

2 Sango Ja Mianangana 7:16

Mumu haliapwila binatongola zuwo lino nikulisela ku usandu hanga jina liami Ukapweko ndo ku miaka. Ni meso jami ni mbunge yami muyikapwako matangwa eswe.

Ezra 3:7

Yahana nawa mbongo kuli akwa kululika mawe, ni kuli akarpinteru; ni kulia ni kunwa ni maji kuli A-Sendone ni A-Teru akachize mitondo ya sedru ku Lebano nikuyineha ku kalungalwiji ku Yopa, nikulita ni shimbi yize Siru mwanangana wa Persia waahele.

Ezra 6:4

Alitunge ni mikala yitatu ya mawe anene ni mukala umuwika wa mitondo yaha. Ndando yalio ayichize ku upite wa zuwo lia mwanangana.

Kutuhuka 29:43

Kuze mungukatakana ni A-Izalele. Ulemu wami muukapwisa yisandu ye mbalaka.

Izaya 60:13

Uhenya wa Lebano muwiza kuli yenu, we kupresu, ni muzunge, ni mupinyu, ya kupemesa nayo kuma kwami kusandu. Mungukasa uhenya kuma kwa yiliato yami.

Izaya 60:7

Mbunga jeswe ja mapanga ja Keta mujikakungulukila kuli yenu, ni kuji a mapanga a Nepayote kumakanuvumbika. Kumakeza ku chilumbilo chami mba mungukaatambula. Mungukahana uhenya ku zuwo liami lia uhenya.

Izaya 66:11

hanga nukamwe ku mele jenyi a kuhwimisa nukayuke; nukanwe kanawa ni chiseke ku kulumbama cha uhenya wenyi.

Hagai 1:7

Yehova-wa-Tujita kanambe ngwenyi, Nyongenu majila jenu!

Hagai 2:7

Mungunyika mavungu eswe, hanga upite wa mavungu eswe ukeze, mba munguzalisa zuwo lino ni uhenya. Chocho kanambe Yehova-wa-Tujita.

Hagai 2:9

Mba uhenya wa kusula wa zuwo lino muuhiana uze wa shakulu. Chocho kanambe Yehova-wa-Tujita. Ni muno mwene mungukahana kuwaha. Chocho kanambe Yehova-wa-Tujita.