Hagai 1:6 - MUKANDA USANDU WA ZAMBI 1975

⁶ Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.

Mukanda Wa Zambi 1970

⁶ Hinwalima mbuto yinji, alioze hinwabatula yikepe wika. Nuli ni yakulia, alioze kuyahashile kunukuchisa. Nuli ni vinyu ya kunwa, alioze pwila kuyichi kuhwa! Nuli ni mahina, hindu nunevu chishika.

Hagai 1:6 Iomraidhean Croise

2 Samuel 21:1

Kwapwile kapunga ha matangwa a David miaka yitatu mwaka ha mwaka. David wahulile kuli Yehova. Yehova yamba ngwenyi, Chino chuma chapwa mumu hali Saulu ni munyachi wenyi wa kumwanga manyinga, mumu washihile A-Ngibeone.

1 Yitanga Ya Mianangana 17:12

Pwo yamba ngwenyi, Ni mwono wa Yehova Zambi ye chishi ni mbolo. Kwoko limuwika lia wunga nguli nalio mu chisoka ni tumwe tumaji mu mulondo. Tala ngunande tutete twaali mba munguya nguhikile mwanami wa lunga ni yami, mutulia mba tufwe lume.

Nehemia 5:2

Mumu amwe yamba ngwo, Etu ni ana jetu a malunga ni a mapwo tuli anji; tufupenu mbuto tulie tumone mwono.

Jobe 20:22

Shimbu yikumba yenyi muyilumbama, iye mayindama; tachi jeswe ja luyinda mujimulundumukina.

Jobe 20:28

Upite wa mu zuwo lienyi makaumbata wa kupupa ha tangwa lia ufwatulo wa Zambi.

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Yishima 11:24

Kwali chihanyi kakuliwezela upite; kwali mukwa kumina chize chamutamba kuhana, hindu chatwala ku uswale wika.

Izaya 5:10

Mumu munda wa uva wa kulima ni kumi lia kanga ja ngombe muwima *mbate yimuwika, ni njongo ya *homere yimuwika muyima *efa wika.

Jeremia 12:13

Hakuwa tiliku alioze hacha mbimbo, halivwisa yikola alioze kufumbuka chakuhi, mihuko yenu munuyivwila sonyi, mumu ha utenu usasu wa Yehova.

Jeremia 14:4

Se vula wakuhi mu chifuchi, njimi kanevu sonyi, ni kufuka mitwe yo, mumu ha mavu a chinyengo.

Jeremia 44:18

Alioze muze twalitwaminyine kwochela insensu mwanangana wa pwo wa malilu ni kumuzujila milambu ya kunwa twahona yeswe; tunakuwu ni katana ni kapunga.

Hosea 4:10

Malia alioze kechi kukuta; malinga ukoi, alioze kechi kuliokesa, mumu hanehuka Yehova akalalaminye ku ukoi.

Hosea 8:7

Kakukuwa fuji, mba kumakacha chijimbi. Tiliku mu minda kuyishi mitwe, kuyichi kuhana wunga. Chipwe kachi muyikahana, hindu yilambala makayilia.

Alevi 26:20

Munuhwisa tachi jenu mokomoko mumu mavu kechi kuhana tachi jo, ni mitondo ya chifuchi kuyichi kuhana mihuko yayo.

Alevi 26:26

Muze mungunuhonesa kulia chize nwafuliela, kumi lia mapwo mocha mbolo jenu mu forno yimuwika. Manuzongelajo ha pezu hindu munulia kunuchi kukuta.

Hagai 1:10

Kashika malilu helu lienu kanuhele mume, ni mavu hanumina mbuto.

Hagai 1:5

Kashika Yehova-wa-Tujita kanambe ngwenyi, Nyongenu ha majila jenu!

Hagai 1:7

Yehova-wa-Tujita kanambe ngwenyi, Nyongenu majila jenu!

Hagai 1:9

Nwataliletalile chinji, alioze chapwile chikehe, ni muze nwachinehene ku zuwo nachifujile—opu! Yehova-wa-Tujita kanahula ngwenyi, Kuchi te? Mumu ha zuwo liami lize Unatwama lia kupuzula shimbu yenu nunahondangana mutu mweswe ni zuwo Henyi mwene.

Hagai 2:16

ha kuheta umwe ku mulumba wa makumi aali a njongo ja mbuto, yawana kumi wika; muze umwe maya ku chikwachilo cha vinyu akachize makumi atano a misenge, mawana makumi aali wika.

Hagai 2:17

Nanulambile ni yenu ni milimo yenu ni mbongola, ni mbundu, ni chiwe, hindu kunwahilukile kuli yami. Chocho kanambe Yehova.

Zakaria 5:4

Yehova-wa-Tujita kanambe ngwenyi, Munguutuma mba muunjila mu zuwo lia mwiji, ni mu zuwo lia mukwa kulishinga ni mahuza ni jina liami, mba muutwama mu zuwo lienyi nikulilia lieswe, ni mitondo ni mawe.

Zakaria 8:10

Mumu shimbu matangwa aze kanda achiheta kukwapwile fweto ya mutu hanji fweto ya chimuna chipwe kutusuka kuli mukwa kole hali yoze matuhuka hanji yoze manjila, mumu navundwile mutu mweswe kulimika ni mukwo.

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

Shimbi 28:17

Mitonga yenu muyikashingiwa, ni mboke jenu ja kuchikilamo.