Hagai 1:5 - MUKANDA USANDU WA ZAMBI 1975

⁵ Kashika Yehova-wa-Tujita kanambe ngwenyi, Nyongenu ha majila jenu!

Mukanda Wa Zambi 1970

⁵ Nyongenu ha mwono wenu.

Hagai 1:5 Iomraidhean Croise

Miaso (Masamu) 48:13

Nutale kanawa yipanga yamo; nuzewule mazuwo jamo ja mianangana hanga nukachambulule ku chisemuko muchizaho.

Kutuhuka 7:23

Falau yatewuluka, yanjila mu zuwo lienyi, chipwe mbunge kayiseleko, ka.

Kutuhuka 9:21

Yoze walengulwile liji lia Yehova, yahichika mu yambu ngamba jenyi ni yimuna jenyi.

Lungungu 3:40

Twesekenu majila jetu nikwahengula tukahiluke kuli Yehova!

Ezekiel 18:28

Mumu hanyonga, hahichika Utanguko uze weswe halinga, kashika kumakatwama ni mwono; kechi kafwa.

Ezekiel 40:4

Mwe lunga yamba kuli yami ngwenyi, Mwana mutu, tala ni meso je, ivwa ni matwi je, sako mbunge ha yize yeswe mungukulweza, mumu hakuneha kuno hanga ngukulwezecho. Mba cheswe mumona mulumbununa kuli akwa munyachi wa Izalele.

Daniel 10:12

Aye yamba kuli yami ngwenyi, Daniel kanda wivwa woma, mumu chize ku tangwa litangu lize wasele manyonga je yino yuma yikulumbunuke, ni kulikehesa kumeso ja Zambi ye, hapanjika ku maliji je, mba yami hineza ha mukunda wa maliji je.

Daniel 6:14

Mwanangana ha kwivwa maliji wano walifwichile chikolo mu mbunge. Wasele manyonga jenyi kupulula Daniel, ni kuhondangana ndo kunjila cha tangwa akamulamwine.

Hagai 1:4

Kumanyi matangwa hanahete a kutwama mu mazuwo jenu a kululika kanawa ni mitondo shimbu zuwo lino Unatwama lia kupuzula?

Hagai 1:6

Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.

Hagai 1:7

Yehova-wa-Tujita kanambe ngwenyi, Nyongenu majila jenu!

Luka 15:17

Muze akwachile mana, wambile ngwenyi, Ngamba apwa haha a tata, ali ni mbolo ja kulumbama, ni yami ngunafu kuno ni zala.

2 Korintu 13:5

Liesekenu yenwene kachi nuli mu Ufulielo; sololenu chinyingi hali yenwene. Kuma, kunwanyingikine yenwene, Yesu Kristu mwali muli yenu shina chamwenemwene nwapwa yisáshili, nyi?

Galashia 6:4

Alioze mutu ni mutu akeseke chitanga chenyi mwene, chocho makapwa ni kulisamba chenyi ha kutwala kuli iye mwene wika, hi ha kutwala ku yuma ya mbala ko.