Hagai 1:12 - MUKANDA USANDU WA ZAMBI 1975

¹² Henaho Zorobabele mwana Salatiele, ni Yoshua mwana Jehozadake mwe sasendote mukwa lutwe, ni masalila eswe ja atu ononokene ku liji lia Yehova Zambi yo, ni maliji ja profeta Hagaia, chize Yehova Zambi yo hamutuma; mba e atu evwilile woma Yehova.

Mukanda Wa Zambi 1970

¹² Hohene Zerubabele, ni Yoshua, ni atu eswe waze akatukile mu undungo mu chifuchi cha Babilonia, yaalinga yeswe yize Mwene Zambi aalwezele kulinga. Yeevwa woma, yoononoka ku liji lia mukwa munanyi Hagai, kanganda ka Mwene Zambi.

Hagai 1:12 Iomraidhean Croise

Ubutukilo 22:12

Yamba ngwenyi, Kanda usa kwoko lie hali mwana, chipwe kumulinga chimwe chuma, ka, mumu haliapwila ngunanyingika ngwami, Wakuvwila woma Zambi se kwanguminyine mwané, mwe mwané wa wika.

Ezra 10:18

Hakachi ka ana ja asasendote yawana amwe hambata mapwo yilambala, majina jo wano: a kuli ana ja Yeshua, mwana Jozadake ni asongo jenyi, Maseia, ni Elieza, ni Jaripe, ni Gedalia.

Ezra 5:2

Mba Zorobabele mwana Salatiele ni Yeshua mwana Jozadake yakatuka, yaputuka kutunga zuwo lia Zambi lize lili mu Yerusaleme; ni aprofeta a Zambi apwile hamwe no nikwakwasa.

Miaso (Masamu) 112:1

Halisenu Yehova! Kawaha yoze wakuvwila woma Yehova; yoze wakuwahilila chikolo mu shimbi jenyi.

Yishima 1:7

Woma wa Yehova we uputukilo wa yinyingi, ahoze yihepuke kakulelesa mana ni kufumba.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Izaya 1:19

Nyi munwononoka ni mbunge munukalia yipema ya chifuchi;

Izaya 50:10

Iya hakachi kenu kakuvwila woma Yehova, kakwononoka ku liji lia kavumbi kenyi, kakwenda mu milima, keshi pangu, hindu kakufuliela jina lia Yehova, kakujikijila hali Zambi yenyi?

Hagai 1:1

Ha mwaka wamuchiali wa mwanangana Dariu, ha kakweji wamuchisambano ni tangwa litangu lia kakweji liji lia Yehova liejile mu kanwa lia profeta Hagaia kuli Zorobabele mwana Salatiele nguvulu wa Yunda, ni kuli sasendote mukwa lutwe Yoshua mwana Jehozadake ngwenyi,

Hagai 1:14

Mba Yehova yashinjila Spiritu ya Zorobabele mwana Salatiele, nguvulu wa Yunda, ni Spiritu ya sasendote mukwa lutwe Yoshua mwana Jehozadake, ni Spiritu ya masalila eswe ja atu. Yeza; yahondangana milimo ku zuwo lia Yehova-wa-Tujita, Zambi yo,

Hagai 2:2

Amba haliapwila kuli Zorobabele mwana Salatiele, nguvulu wa Yunda, ni kuli mwe sasendote mukwa lutwe Yoshua mwana Jehozadake ni ku masalila eswe ja atu ngwe,

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

Shimbi 31:12

Ukungulule atu, ni malunga, ni mapwo, ni ana akepe, ni njize ali mu yihunda yenu, hanga akevwe, akalilongese, akavwile woma Yehova Zambi yenu, akakanyame kulinga maliji eswe a shimbi yino,

Shimbi 31:13

ni ana jo waze kayinyingikine, akevwe, akalilongese kuvwila woma Yehova Zambi yenu, matangwa eswe munukatwama mu chifuchi nunazauka Yordau kuchizuka.

Kolosu 1:6

Lienalio hilineza kuli yenu, chizechene ngwe hilineza hano hashi heswe mukwima mihuko, nikutatuka chizechene ngwe muli yenu nawa, chize ku tangwa lize nwaliangile kwivwa ni kunyingika liakulu vumbi lia Zambi;

Hebreu 12:28

Kashika, ha kutambula wanangana uze kuushi kuhasa kunyika, tupwenu ni vumbi, ku lize tukavumbike Zambi ni uvumbiko wa kupemena chikolo, ni ulemeso ni woma.