Hagai 1:1 - MUKANDA USANDU WA ZAMBI 1975

¹ Ha mwaka wamuchiali wa mwanangana Dariu, ha kakweji wamuchisambano ni tangwa litangu lia kakweji liji lia Yehova liejile mu kanwa lia profeta Hagaia kuli Zorobabele mwana Salatiele nguvulu wa Yunda, ni kuli sasendote mukwa lutwe Yoshua mwana Jehozadake ngwenyi,

Mukanda Wa Zambi 1970

¹ Ha mwaka wa muchaali wa kuyula cha Dariuse mwanangana wa Persia, ha tangwa litangu lia kakweji wa muchisambano, mukwa munanyi wa Zambi Hagai yalongesa atu nikulita ni liji lia Mwene Zambi. Lie liji liabwile mumu hali mukwa kuyula wa Yuda, Zerubabele mwana wa Shaltiele, ni mumu hali mwata wa mahako ja Zambi, Yoshua mwana wa Jehozadeke.

Hagai 1:1 Iomraidhean Croise

1 Yitanga Ya Mianangana 10:15

kuweza helu lia oru yize anehene akwa kusumbakenya, ni akwa kusepa, ni mianangana a Arabia, ni akwa kuyula yifuchi.

1 Yitanga Ya Mianangana 14:18

A-Izalele eswe yamufunda nikumulila nikulita ni liji lia Yehova lize ambile ku kanwa lia kavumbi kenyi Ahija mwe profeta.

1 MIANANGANA 14:25

Yahilwisa njiza ya Izalele chize ku unjililo wa Hamate ndo ku kalunga-lwiji wa Arapa nikulita ni liji lia Yehova Zambi ya Izalele. Liji lize aliambile kuli kavumbi kenyi Yona mwana Amitai mwe profeta wa ku Ngate-Hefere.

1 Sango Ja Mianangana 3:17

Ana ja mwe funge Jekonia a malunga wano: mwanenyi Salatiele,

1 Sango Ja Mianangana 3:19

Ana ja Pedaia a malunga wano: Zorobabele ni Shimei. Ana ja Zorobabele a malunga wano: Mesulame, ni Hanania, ni ndumbwo Shelomite.

Ezra 1:8

Yenayo Sira mwanangana wa Persia yachiza nawa ku kwoko lia Miteredate, mukwa kufunga upite, ni kuyalwila kuli Sheshabazare mukwa lutwe wa Yunda.

Ezra 10:18

Hakachi ka ana ja asasendote yawana amwe hambata mapwo yilambala, majina jo wano: a kuli ana ja Yeshua, mwana Jozadake ni asongo jenyi, Maseia, ni Elieza, ni Jaripe, ni Gedalia.

Ezra 2:2

Ejile hamwe ni Zorobabele, ni Yeshua, ni Nehemia, ni Seraia, ni Relaia, ni Mordekai, ni Bilesane, ni Mizepare, ni Bikavaia, ni Rehume, ni Bana. Kwalula cha malunga A-Izalele chino:

Ezra 2:63

Mwe mukwa kuyula yamba kuli ayo ngwenyi, Kanda nulia ya yuma yisandu yahiana, ndo masoloka umwe sasendote ni Urimi ni Tumimi.

Ezra 3:2

Henaho kwakatukile Yeshua mwana Jozadake ni asasendote ni akwo, ni Zorobabele mwana Salatiele ni usoko wenyi. Yatunga chilumbilo cha Zambi ya Izalele akalambwileho milambu ya kulumba ngwe chinasonewa mu shimbi ja Mose mwe mutu wa Zambi.

Ezra 3:8

Ha mwaka wamuchiali wa kwiza cho ku zuwo lia Zambi ku Yerusaleme, ha kakweji wamuchiali aputukile Zorobabele mwana Salatiele ni Yeshua mwana Jozadake ni usoko wo asasendote ni A-Levi, ni waze eswe akatukile ku ufunge heza ku Yerusaleme. Yatongola A-Levi, waze hanahete ku makumi aali a miaka akalayile milimo ya mu zuwo lia Yehova.

Ezra 4:2

o yeza kuli Zorobabele ni kuli akwa lutwe a minyachi ya atato ngwo, Tutayizenu kutunga hamwe ni yenu; mumu ni yetu nawa tunafupu Zambi yenu chimuwika ni yenu. Ni yetu nawa twakumulambula yitapo chize ku matangwa a Ezare-Hadone mwanangana wa Asuria yoze watunehene kuno.

Ezra 4:24

Henaho kwaholele milimo ya zuwo lia Zambi ku Yerusaleme. Yaholele ndo ku mwaka wamuchiali wa Dariu mwanangana wa Persia.

Ezra 5:1

Mba aprofeta Hagaia ni Zekaria mwana Ido yaprofeteza kuli A-Yunda aze apwile mu Yunda ni mu Yerusaleme. Yaprofeteza kuli ayo mu jina lia Zambi ya Izalele.

Ezra 5:3

Ha matangwa aze kwejile kuli ayo Tatenaia mukwa kuyula sali lize lia Lwiji, ni Shetare-bozena ni masepa jo. Yamba kuli ayo ngwo, Iya wanuhele chiyulo kutunga zuwo lino nikumanuna chipanga chino cha mawe?

Ezra 6:14

Ni makulwana ja A-Yunda yatunga nikusenya kulutwe mumu ha kuprofeteza cha profeta Hagaia ni Zekaria mwana Ido. Yatunga, yamanununa nikulita ni shimbi ya Zambi ya Izalele, nikulita ni chiyulo cha Siru, ni Dariu, ni Artasherke, mwanangana wa Persia.

Nehemia 12:1

Asasendote ni A-Levi ayile ni Zorobabele mwana Salatiele, ni Yeshua: Seraia, ni Jeremia, ni Ezera;

Nehemia 12:10

Yeshua yasema Joiakime; Joiakime yasema Eliashipe; Eliashipe yasema Joiada;

Nehemia 5:14

Chuma chikwo nawa, chize ku tangwa lize angutongwele kupwa mukwa kwayula mu chifuchi cha Yunda, chize ku mwaka makumi aali wa Artasherke ndo ku mwaka wenyi makumi atatu ni wamuchiali (ngwami, kumi lia miaka ni miaka yiali), chipwe yami, chipwe usoko wami kutwahle mbolo ya nguvulu.

Nehemia 7:7

Ejile ni Zorobabele, ni Yeshua, ni Nehemia, ni Azaria, ni Ramia, ni Nahamani, ni Mordekai, ni Bilesane, ni Mizepare, ni Bikavaia, ni Nehume, ni Bana. Kwalula cha malunga A-Izalele chino:

Nehemia 8:9

Nehemia mukwa kuyula, ni sasendote Ezera mukwa kusonyeka, ni A-Levi waze alongesele atu, yamba kuli atu eswe ngwo, Tangwa lino lisandu kuli Yehova Zambi yenu, kanda nulinyenga chipwe kulila. Mumu atu eswe alilile ha kwivwa maliji a shimbi.

Kutuhuka 4:13

Mose yamba ngwenyi Mwene, utume kama mutu weka.

Hagai 1:12

Henaho Zorobabele mwana Salatiele, ni Yoshua mwana Jehozadake mwe sasendote mukwa lutwe, ni masalila eswe ja atu ononokene ku liji lia Yehova Zambi yo, ni maliji ja profeta Hagaia, chize Yehova Zambi yo hamutuma; mba e atu evwilile woma Yehova.

Hagai 1:14

Mba Yehova yashinjila Spiritu ya Zorobabele mwana Salatiele, nguvulu wa Yunda, ni Spiritu ya sasendote mukwa lutwe Yoshua mwana Jehozadake, ni Spiritu ya masalila eswe ja atu. Yeza; yahondangana milimo ku zuwo lia Yehova-wa-Tujita, Zambi yo,

Hagai 1:15

ha tangwa makumi aali ni liamuchiwana lia kakweji wamuchisambano.

Hagai 1:2

Yehova-wa-Tujita kanambe ngwenyi, Wano atu kanambe ngwo, Matangwa a kutungulula zuwo lia Yehova kanda achiheta.

Hagai 1:3

Henaho liji lia Yehova yiliza kuli profeta Hagaia ngwenyi,

Hagai 2:10

Ha tangwa makumi aali ni liamuchiwana lia kakweji wamuchilivwa, ha mwaka wamuchiali wa Dariu, liji lia Yehova yiliza kuli profeta Hagaia ngwenyi,

Hagai 2:20

Liji lia Yehova yiliza chisuho chamuchiali kuli Hagaia ha tangwa makumi aali ni liamuchiwana lia kakweji ngwenyi,

Hagai 2:21

Hanjika kuli Zorobabele nguvulu wa Yunda ngwe, Mungunyika malilu ni hashi,

Hagai 2:4

Alioze Yehova kanambe ngwenyi, Ena Zorobabele, hamuka! Ni yena sasendote mukwa kutwe Yoshua mwana Jehozadake, hamuka! Ni yenu atu eswe a chifuchi, hamukenu! Chocho kanambe Yehova. Yehova-wa-Tujita kanambe ngwenyi, Hondanganenu! Mumu kunguli hamwe ni yenu,

Zakaria 1:1

Ha kakweji wamuchinake mu mwaka wamuchiali wa Dariu, liji lia Yehova yiliza kuli profeta Zekaria mwana Mberekia, mwana Ido ngwenyi,

Zakaria 3:1

Mba yangulweza Yoshua, sasendote mukwa lutwe, kanamana kumeso ja mungelo wa Yehova, ni Satana kanamana ku chindume chenyi amusume.

Malaki 1:8

Ha kulambula yimuna afwa-meso, achi hi chipi ko? Ha kulambula waze apwa yitonji, ni akwa misongo, achi hi chipi ko? Hanenu milambu yino kuli nguvulu yenu. Mawaha ni yenu? Manuvwila vumbi? Chocho kanambe Yehova-wa-Tujita.

Luka 3:27

mwana Yoanane, mwana Resa, mwana Zorobabele, mwana Salatiele, mwana Neri,