Habakuke 3:2 - MUKANDA USANDU WA ZAMBI 1975

² Yehova, hinevwa lufuma we; ngunavwila woma chitanga che! Yehova, huzulula milimo ye hakachi ka miaka. Hakachi ka miaka uyisolole. Hakachi ka ufwatulo iwuluka keke.

Mukanda Wa Zambi 1970

² Aa Mwene Zambi, hingunevu lufuma we; nakulishimwoka. Haliabwila ha matangwa jetu linga nawa yitanga yinene yize te wakulinga ku shakulu. Tuvwile kama keke, chibwe muze Unevu ufwatulo.

Habakuke 3:2 Iomraidhean Croise

Ezra 9:8

Haliapwila ha kamwe kashimbu hatwaha vumbi kuli Yehova Zambi yetu akatwehe amwe masalila akwomboka, akatwehe ngwe lumbambo muma mwenyi musandu, hanga Zambi yetu akatupangulwise meso jetu, akatwehe kuhuzuluka hakehe mu undungo wetu.

Jobe 42:5

Nevwile ni matwi jami lufuma we, alioze haliapwila ngunakumono zwalala;

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 25:6

Yehova, iwuluka keke ye, ni utu wa zango lie, mumu hihapwa chize ku shakulu.

Miaso (Masamu) 38:1

Yehova, kanda ungwambila ni ufwatulo we; kanda ungufumba ni kusasaminya cha wuli we.

Miaso (Masamu) 44:1

Zambi, hitunevu ni matwi jetu, akaka hanatwambulwila yitanga yize walingile ha matangwa jo, ha matangwa a shakulu.

Miaso (Masamu) 71:20

Yena watulweza lamba linji likalu mukatuhuzulula nawa. Mukatuchiza cheka nawa kushi lia mavu.

Miaso (Masamu) 78:38

Alioze iye nikwivwa keke, waakonekenene uhenge wo, kaajimine. Ewa, kanji kanji watewulwile utenu wenyi; kasungile ufwatulo wenyi weswe.

Miaso (Masamu) 85:6

Kushi kutuhuzulula nawa hanga atu je akawahilile muli yena, nyi?

Izaya 53:1

Iya hanafuliela lusango wetu? Kuli iya hanasolola kwoko lia Yehova?

Izaya 54:8

Ha kashimbu kakepekepe nakuswekelele meso jami ni ufwatulo umwe wa kuhungumuna, alioze ni zango lia mutolo mungukakuvwila keke. Chocho kanambe Yehova, Mukwa-Kukukula.

Izaya 63:15

Ku zuwo lie lisandu lia uhenya kwilu tala hashi umone. Tachi je ja mbunge, ni ndundo je jilihijo? Usona we ni keke ye wanguminayo.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Jeremia 10:24

Yehova, ungufumbe, alioze ni kulita. Kanda uchilinga ni utenu we kuchina mukangumanununa.

Jeremia 10:7

Iya kechi kukuvwila woma, ena Mwanangana wa mavungu? Chino chinakute mumu hakachi ka akwa mana a mavungu ni mu yifuchi yo kukushi umwe walita ni yena.

Jeremia 29:10

Mumu Yehova kanambe ngwenyi, Muze makumi shimbiali a miaka hamanunuka ku Babilonia mungununangisa; mungumanununa kuli yenu chize nalakenyene. Mungunuhilwisa ku chifuchi chino.

Jeremia 46:28

Yehova kanambe ngwenyi, Yena kavumbi kami Yakomba kanda wivwa woma, mumu yami hamuwika ni yena nguli. Mungumanununa wupu mavungu aze eswe kuze hinanuhumina, alioze yenu chichi kunumanununa liakulu. Mungunufumba ni kulita. Chichi kunuhichika chizechene ni kastigu yakuhi.

Lungungu 3:32

Chipwe mavwisa chinyengo, hindu mapwa ni keke nikulita ni kulumbama cha utu wenyi wa zango.

Daniel 8:17

Chocho iye wakundamine kuze namanyine; mba ha kukundama, ami nevwile woma, nafulamanyine hashi. Alioze yamba kuli yami ngwenyi, Mwana mutu, nyingika ngwami, usolwelo uno watwala ku miaka ya ku songo.

Daniel 9:2

ha mwaka wenyi utangu wa kuyula, yami Daniel nasele chinyingi mu mikanda, nikulita ni liji lia Yehova kuli profeta Jeremia, kwalula cha miaka yize muyipalika ndo ku songo lia kupwa Yerusaleme ya hululu—chinalumbunuka, makumi shimbiali a miaka.

Habakuke 3:1

Kulemba cha profeta Habakuke, nikulita ni laka lia Shigionote.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Zakaria 1:12

Henaho mungelo wa Yehova yamba ngwenyi, Yehova-wa-Tujita, ndo mwiji muka kuchi kapwa ni keke ha Yerusaleme ni ha yihunda ya Yunda hiwapwa ni ufwatulo wa kulimika nayo miaka yino makumi shimbiali?

Yoano 10:10

Mwiji keshi kwiza shina ha kwiya, akashihe, akonwone: yami nejile hanga akapwe ni mwono, hanga akapwe nawo wa kulumbama.

A-ROMA 10:16

Alioze kononokene eswe ku sango lipema. Mumu Izaia kanambe ngwenyi, Iya hanafuliela sango lietu?

Filipu 1:6

Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu.

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

Hebreu 12:21

Ni usolwelo uze wahiana woma, kashika Mose wambile ngwenyi, Ngunevu woma kuhiana ngunachikima.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.