Habakuke 2:3 - MUKANDA USANDU WA ZAMBI 1975

³ Mumu usolwelo unachitwaminyina mwaka wawo. Kuunatambuka ku songo liawo—kuushi mahuza. Chipwe mumona ngwe unashimbula shimbu hindu twaminyina. Muwiza kupwa; kuuchi kahona.

Mukanda Wa Zambi 1970

³ Usoneke, mumu tangwa lia kumanunuka chawo kanda lichiheta. Alioze tangwa lineza nikawashi. Yeswe yize ngunakulweze muyimanunuka. Muumona ngwe kuyichi kwiza nikawashi, chibwe chocho ushimbwila. Chamwenemwene kumuyikabwa, kuyichi kashimbula.

Habakuke 2:3 Iomraidhean Croise

1 MIANANGANA 6:33

Shimbu machihanjika no kumanyi mwe mukeji yamuheta. Aye yamba ngwenyi, Chipi chino kuli Yehova chinakatuka. Kuchi mungutwaminyina nawa Yehova?

Miaso (Masamu) 102:13

Kumukakatuka ukavwile keke Zaione, mumu mwaka wa kumuvwila vumbi, ewa, mwaka ausele, hiwaheta.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Kutuhuka 12:41

Mba ha kuhwa makulakaji awana a miaka ni makumi atatu a miaka, ha tangwa lize liene yizavu yeswe ya Yehova yakatuka ku chifuchi cha Engitu.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 7:4

Amba kuli iye ngwe, Panjika uhwime, kanda wivwa woma, ni mbunge ye kanda yilezumuka mumu ha yimbunji yino yiali ya kufwinda, chipwe ha utenu usasu wa Rezine ni Seria, ni mwe mwana Remalia.

Izaya 8:17

Mungutwaminyina Yehova, yoze unaswekela meso jenyi munyachi wa Yakomba. Muli iye mungutalatala.

Jeremia 27:7

Mavungu eswe mamulingila, ni mwanenyi, ni mujikulu wenyi ndo mwaka wa chifuchi chenyi hiwaheta, mba mavungu anji ni mianangana anene mamupwisa kapinji ko.

Ezekiel 12:25

Alioze yami Yehova munguhanjika liji lize munguhanjika, mba kumuchikapwa. Kuchichi kalaluka nawa, alioze ha matangwa a yenwene, akwa munyachi wa yihulia, munguhanjika lie liji, mungulilinga nawa. Chocho kanambe Mwene Yehova.

Ezekiel 30:9

Ha tangwa lize mikeji makakatuka kuli yami mu mato akavwise woma e A-Etiopia, akwa kulengelela. Kashika kupinda muchikaakwata ha tangwa lia kufwa Engitu; mumu nyingikenu, kulineza!

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 11:27

Ha kutwala kuli mianangana wano aali, mbunge jo mujikapwa ja kulinga chipi. Makahanjika mahuza ku mesa yimuwika; hindu kuchichi kakola, mumu songo liacho mulipwa ha mwaka wa kufunjika.

Daniel 11:35

Amwe akwa mana makalimbuka hanga akaeseke nikwapemesa ni kwatomesa chipwe ndo ku mwaka wa kusula. Hindu che chuma muchitwaminyina mwaka wa kufunjika.

Daniel 8:17

Chocho iye wakundamine kuze namanyine; mba ha kukundama, ami nevwile woma, nafulamanyine hashi. Alioze yamba kuli yami ngwenyi, Mwana mutu, nyingika ngwami, usolwelo uno watwala ku miaka ya ku songo.

Daniel 8:19

Yamba ngwenyi, Mungukulweza yize muyikapwa ha songo lia utenu, mumu chatwala ku miaka ya kufunjika ku songo.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Mika 7:7

Alioze ha kutwala kuli yami, mungutala kuli Yehova; mungutwaminyina Zambi ya ulamwino wami; Zambi yami mangwivwa.

Zefania 3:8

Kashika Yehova kanambe ngwenyi, Ngutwaminyine ndo tangwa lize mungumana ngwe chela. Mumu chize hinapatula mu mbunge ngwami, Kukunga mavungu nikukungulula mawanangana hanga ngukaazukwile ufwatulo wami; kusasaminya cheswe cha utenu wami. Mumu akwa hashi eswe makajimuka mu kahia ka ufwatulo wami wa ukwa.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Luka 2:25

Kumanyi, mwapwile umwe lunga mu Yerusaleme, jina lienyi Semone; yono lunga wapwile mukwa ululi, mukwa kuwayila Zambi, kanatatatata kulembejeka cha Izalele: ni Spiritu Musandu wapwile hali iye.

Yilinga 1:7

Iye wambile kuli ayo ngwenyi, Hi kuli yenu ko kunyingika mashimbu ni miaka, yize asele mwe Tata mu chiyulo chenyi mwene.

Yilinga 17:26

iye watangile ku manyinga amuwika mavungu eswe a atu mukutwama ha kuzazuluka cheswe cha hashi, se afunjikile miaka yo yize waselele kushi, ni manjiza ja yihela yo:

Galashia 4:2

alioze kushi lia tufufuchi ni tuselo ali, ndo ku mwaka uze aselele tato.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.

2 Petulu 3:9

Mwene keshi kuvumiwa ni chilakenyo chenyi, ngwe amwe akunyonga kupwa kuvuma; aiioze iye chihomboloji kuli yenu, se kazangile niumwe kutoka, aiioze eswe alikonyeke.