Habakuke 1:4 - MUKANDA USANDU WA ZAMBI 1975

⁴ Chocho shimbi yakokoloka ni upatwilo wa kulita kuushi kumoneka. Mumu yingulungulu kanaseleka akwa ululi; kashika kakuhengesa upatwilo.

Mukanda Wa Zambi 1970

⁴ Shimbi hijalela, jili jamokomoko, niumwe keshi kubatula kanawa, ululi kuushiko. Yingulungulu kaakubinjisa akwa ululi, ngaji kaakubatwila ni uhenge.

Habakuke 1:4 Iomraidhean Croise

1 Yitanga Ya Mianangana 21:13

mba e malunga aali amokomoko yanjila, yatwama kumeso jenyi. Malunga aze amokomoko yamushindakenya, ngwami Nabote, kumeso ja atu ngwo, Nabote hashililika Zambi ni mwe mwanangana. Yamutwala haze lia chihunda, yamwasa mawe, yafwa.

Jobe 21:7

Kuchi te yingulungulu kakutwama ni mwono? Kuchi te kakuheta ku ushinakaji nikwokesa tachi?

Miaso (Masamu) 11:3

Muze mupuzula manguji, mukwa ululi kuchi malinga?

Miaso (Masamu) 119:126

Mwaka wa Yehova hiweza wa kulinga milimo yenyi, mumu hanatenge shimbi ye yamokomoko.

Miaso (Masamu) 22:12

Makuji a ngombe anji hanangujingilika. Makuji a tachi a ku Mbashane hananguseleka.

Miaso (Masamu) 22:16

Mumu tuwa hanangujingilika. Chikungulwila cha yingulungulu hanangusela. Atuwile moko jami ni yiliato yami.

Miaso (Masamu) 59:2

Ngupulule kama kuli akwa kulinga uhenge. Ngulamwine kama kuli akwa kumwanga manyinga.

Miaso (Masamu) 59:4

Kakuzomboka nikulilulika, chitela chakuhi. Laula kama ungukwase, Uchitale kama.

Miaso (Masamu) 94:3

Yehova, ndo mwiji muka, ndo mwiji muka yingulungulu makumba?

Kutuhuka 23:2

Kanda ukakaula mbunga mukulinga chipi. Chipwe ha kusopa mutonga kanda ukashindakenya nikukaula mbunga mukuhengesa upatwilo.

Kutuhuka 23:6

Kanda ukahengesa upatwilo wa mukwenu chiswale ku chikuma chenyi.

Izaya 5:20

Lamba kuli waze akutongola chipi ngwo, chipema, ni chipema ngwo, Chipi; akusumbakenya milima ni pangu, ni pangu ni milima; akusumbakenya chisasu ni chiyema, ni chiyema ni chisasu.

Izaya 59:12

Mumu Utanguko wetu hiwoka kumeso je; milonga yetu kuyakutushindakenya. Utanguko wetu watwama hamwe ni yetu; tunanyingika uhenge wetu.

Jeremia 12:1

Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Jeremia 12:6

Mumu chipwe ayayenu ni munyachi wa tatenu, chipwe o halinga ni yena ni mafwefwe, kanakuhange ni kukolojoka. Chipwe mahanjika ni yena maliji apema kanda uafuliela.

Jeremia 26:8

Mba muze Jeremia hamana kuhanjika yize yeswe Yehova hamutuma kuhanjika ni atu eswe, henaho asasendote, ni aprofeta ni atu eswe yamukwata ngwo, Kumuofwa!

Jeremia 8:7

Chipwe chitwanjimbu mu malilu kananyingika tungonde twenyi; ni katele, ni kapiasa, ni chitokola kakufunga kakweji wo wa kuheta. Alioze atu jami kanyingikine upatwilo wa Yehova.

Ezekiel 9:9

Aye yamba kuli yami ngwenyi, Uhie wa munyachi wa Izalele ni wa Yunda unene Wahiana. Chifuchi chazala ni manyinga ni chihunda chazala ni uhenge, mumu kakwamba ngwo, Yehova hanakatuka mu chifuchi; Yehova kamweneko.

Hosea 10:4

Kakuhanjika maliji amokomoko; kakukolesa usendo ni mashingo keshi tachi, kashika upatwilo kuwakusoloka ngwe yiputa ya utende mu mihanga ya mu minda.

Amose 5:12

Mumu ngunanyingika kwalula cha milonga yenu ni kutoha cha shili yenu— enu nwakupinjisa akwa ululi, ni kutambula chindo, ni kupiangula mukwa kuhona mu chota.

Amose 5:7

Enu! Nwakwalumuna upatwilo wa kulita mu musase ni ululi nwakuumbila mu mavu.

Marku 7:9

Iye wambile kuli ayo ngwenyi, Pundu nwakulituna liji lia shimbi lia Zambi, hanga nukatange ndongo ja yenwene.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

Yilinga 7:59

O ashile mawe Eshetevau, iye te kanakololoka ngwenyi, Mwene Yesu, tambula kama Spiritu yami.

A-ROMA 3:31

Mba hinapwisa shimbi yamokomoko ku Ufulielo, nyi? Ka, pundu: Shinaho tunakolesa shimbi.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.