Galashia 5:3 - MUKANDA USANDU WA ZAMBI 1975

³ Ewa, ngunashindakenya cheka nawa kuli mweswe matambula ungalami, ngwami, Kumapwa mukwa kongo mukulinga shimbi yeswe.

Mukanda Wa Zambi 1970

³ Ngunashindakenya nawa ngwami, mutu mweswe yoze malipwisa ngalami, chamutamba kumanununa Shimbi jeswe.

Galashia 5:3 Iomraidhean Croise

Nehemia 9:34

Chipwe mianangana jetu, ni alemu jetu, ni asasendote, ni tulamba twetu kafungile shimbi je, kapanjikile ku maliji je ni Shindakenyo ye yize waámbile.

Mateu 23:16

Lamba lienu, tusongo a kupuputa, yenu nwakwamba ngwenu, Mweswawo malishinga ni tembele, chamokomoko; alioze mweswawo malishinga ni oru ya tembele, iye kalikasa.

Mateu 23:18

Mweswawo malishinga ni chilumbilo, chamokomoko; alioze mweswawo malishinga ni mulambu uze uliho, iye kalikasa.

Luka 16:28

Mumu ana-akwetu atano nguli no; hanga akashindakenye chikolo kuli ayo, kuchina meza kuma kuno kwa kupinda.

Yilinga 15:1

Mba amwe atu a kukatuka ku Yundeya apalumukine kuze, o alongesele mandumbu ngwo, Kunwahashile kulilamwina shina manupwisa ngalami nikulita ni ndako ya Mose.

Yilinga 2:40

Iye ni maliji anji akwo washindakenyene chikolo, waashinjilile ngwenyi, Lilamwinenu ku chisemuko chino cha uhenge.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

A-ROMA 2:25

Mumu ungalami chamwenemwene muukafumbula, kachi yena wakulinga shimbi: alioze kachi muopwa chitanguke cha shimbi, ungalami we hiwapwa ulima.

Galashia 3:10

Mumu waze eswe a ku yitanga ya shimbi, kushi lia shingo ali: mumu chinasonewa ngwo, Kashingiwa mweswe keshi kunyongonona mu yuma yize yeswe yinasonewa mu mukanda wa shimbi mukuyilinga.

Galashia 5:2

Talenu, yami Paulu, ngunambe kuli yenu ngwami, Kachi munutambula ungalami, Kristu kechi kunufumbula nichimwe.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Shimbi 27:26

Kashingiwa mutu yoze keshi kukolesa maliji a shimbi yino mukwalinga. Atu eswe até ngwo, Amene.

Shimbi 31:21

Ha kwiza hali ayo yipi yinji ni lamba linji, mwaso uno muukashindakenya kumeso jo ukapwe chela; mumu kechi kauvulama ku makanwa ja ana jo; mumu ngunanyingika kutaka cho anatake haliapwila, shimbu kanda ngwahetesa mu chifuchi nalishingile kwaaha.

Shimbi 8:19

Kachi munuvulama Yehova Zambi yenu, nikukaula tuzambi tweka, ni kutuvumbika, ni kutuwayila, chamwenemwene ngunanushindakenya musono ngwami, Kumunukakuwa.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.