Galashia 4:4 - MUKANDA USANDU WA ZAMBI 1975

⁴ Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi

Mukanda Wa Zambi 1970

⁴ Alioze muze tangwa lize atongwele hiliaheta, Zambi yatuma Mwanenyi. Yasemuka kuli umwe pwo, mu chiyulo cha Shimbi ja Ayuda,

Galashia 4:4 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Izaya 48:16

Kundamenu kuli yami nwivwe chino chuma. Chize ku uputukilo chahanjikile ku tenga. Chize ku miaka ya chino chuma, ni yami kunguli. Haliapwila Mwene Yehova hangutuma hamwe ni Spiritu yenyi.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 31:22

Ndo mwiji muka mukakashana, ena mwanami wa pwo mukwa mafwefwe? Mumu Yehova hatanga chuma chaha hano hashi. Pwo majingilika lunga.

Zakaria 6:12

ukambe kuli iye ngwe, Yehova-wa-Tujita kanambe ngwenyi, Talenu mwe lunga jina lienyi Mutango; mumu makatatuka muma mwenyi; makatungisa tembele ya Yehova.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Kwalula 28:22

Kuji ya pembe umuwika akapwe mulambu ha shili, wa kunufukila yenu.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 3:15

Alioze Yesu wamukumbulwile ngwenyi, Chitayize haliapwila: mumu chocho chatutamba kumanununa ululi weswe. Hohene yamutayiza.

Mateu 5:17

Kanda nushinginyeka ngwe nejile mukwonwona shimbi hanji mikanda ya aprofeta; chejile mukwonwona, alioze mukumanununa.

Marku 1:15

Ngwenyi, Mwaka unamanunuka, ni wanangana wa Zambi hiunakundama: likonyekenu, nufuliele lie sango lipema.

Luka 1:31

mba museseka mu jimo, mukasema mwanalunga, munumuluka jina ngwe, Yesu.

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Luka 2:7

Iye wasemene mwanenyi wa lunga mutangu, wamuvungile mu mahina, wamupombesele mu chililo; mumu kumwapwile muhela hali ayo mu zuwo lia kuzeka ngeji.

Luka 20:44

David kashika kanamuvuluka ngwenyi, Mwene; ngwe kuchi mapwa mwanenyi?

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 10:36

nunambe hali yoze Tata hanamusela ku lisandu, hanamutumu hano hashi ngwenu, Yena unashililika Zambi, mumu hinamba ngwami, Mwe Mwana Zambi yami, nyi?

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yoano 8:42

Yesu wambile kuli ayo ngwenyi, Kachi Zambi kapwa Tatenu, kachi nwanguzanga: mumu natuhukile kuli Zambi; ngunakatuka kuli iye; mumu chipwe chalijilile yami mwene, alioze iye wangutumine.

Yilinga 1:7

Iye wambile kuli ayo ngwenyi, Hi kuli yenu ko kunyingika mashimbu ni miaka, yize asele mwe Tata mu chiyulo chenyi mwene.

A-ROMA 1:3

Lia kutwala kuli Mwanenyi, yoze wasemukine ku munyachi wa David nikulita ni musunya,

A-ROMA 15:8

Mumu ngunambe ngwami, Kristu wapwile kavumbi ka ungalami mukusolola umwenemwene wa Zambi, hanga akakolese yilakenyo kuli tulamba,

A-ROMA 5:6

Mumu shimbu te kutushi tachi, ha mwaka wa kulita Kristu wafwilile yitanganyanyi.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

A-ROMA 9:5

ni e tulamba, a kuli ayo, ni kuli ayo nikulita ni musunya Kristu wasemukine, Mwenawo kapwa helu lia eswe, Zambi kafumana ndo ku miaka ya mutolo.

Efesu 1:10

ndo ku kuyula cha kumanunuka cha miaka, hanga akaswise yuma yeswe muli Kristu, yuma yize yili mu malilu, ni yuma yize yili hano hashi, muli iye ngwami.

Kolosu 2:14

se hanajimuna chisoneko cha shimbi ja kutuhisa, chize chalimikine ni yetu: iye hanachichiza lume, nikuchihachila ha kulusu.

1 Timoteu 2:6

yoze waliechele ndando ya ukule hali eswe; Shindakenyo yawo akayambujole ha mwaka uze unalite.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

Hebreu 2:14

Kashika se ana anapu akwa kulianyina ni musunya ni manyinga, iye nawa chizechene i walianyinyine ni chisemewa chimuwika; hanga ku kutwa, akapupe yoze uli ni ndundo ja kutwa, iye Ndiapu;

Hebreu 9:10

Se yatwala wika ku yuma ya kulia ni kunwa ni kusana cheka ni cheka, maliji a yiyulo ya musunya, aatwikile ndo mwaka wa kululika yuma yeswe.

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.

1 Yoano 4:2

Ku chino nunanyingika Spiritu ya Zambi: Spiritu mweswawo matayiza ngwo, Yesu Kristu haneza mu musunya, iye wa kuli Zambi.