Galashia 2:16 - MUKANDA USANDU WA ZAMBI 1975

¹⁶ hindu nikunyingika ngwetu, Mutu keshi kumusambisa ku yitanga ya shimbi, alioze ha kufuliela Yesu Kristu, chipwe yetu twafulielele Kristu Yesu, hanga akatusambise kuufulielo kuli Kristu; hi ku yitanga ya shimbi ko: mumu ku yitanga ya shimbi kechi kasambisa niumwe.

Mukanda Wa Zambi 1970

¹⁶ Tunanyingika ngwetu, Zambi kakupwisa mutu mukwa ululi shina ha kufuliela Yesu Kristu, hi ha kumanununa Shimbi ko. Ni yetu nawa, hitunafuliela Kristu Yesu hanga Zambi atupwise akwa ululi mumu twafuliela Kristu, hi mumu twamanununa Shimbi ko. Mumu Zambi keshi kupwisa mutu mukwa ululi ha kumanununa Shimbi.

Galashia 2:16 Iomraidhean Croise

Jobe 25:4

Mba mutu kuchi mahasa kusamba kumeso ja Zambi? Yoze unasemuka kuli pwo kuchi mahasa kupema?

Jobe 9:29

Mukanguhisa, kashika kuchi te mungulifwita mokomoko?

Miaso (Masamu) 143:2

Kanda uputuka kusopesa yami kavumbi ke, mumu kumeso je niumwe mutu wa mwono masamba.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yilinga 4:12

Ulamwino wakuhi muli mukwo niumwe: mumu chipwe jina lieka liakuhi kushi lia lilu, nilimwe, lize hanalihana hakachi ka atu, chatutamba kulilamwina nalio.

A-ROMA 1:17

Mumu ululi wa Zambi kanausololamo wa kukatuka ku Ufulielo, wa kutwala ku Ufulielo: ngwe chinasonewa ngwo, Alioze mukwa ululi kumakenda ku Ufulielo.

A-ROMA 3:30

se iye Zambi umuwika, yoze makasambisa ngalami ku Ufulielo, masambisa yilima ku Ufulielo.

A-ROMA 4:2

Mumu kachi asambishile Apalahama ku yitanga, kachi kali ni chimwe cha kulisamba nacho; alioze hi kumeso ja Zambi ko;

A-ROMA 4:24

alioze mumu hali yetu nawa, kumawalula kuli yetu twakufuliela kuli yoze wahindwishile Yesu Mwene wetu hakachi ka afu;

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

A-ROMA 9:30

Mba twambe kuchi? Ngwetu, akwa mavungu waze kakawile ululi, hanazuku ululi, te ululi uze wa ku Ufulielo:

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

Galashia 4:5

hanga akakule waze apwile kushi lia shimbi, akatupwise ana jenyi.

Galashia 5:4

Hinwaliteta kuli Kristu, yenu nunazange akanusambise ni shimbi; hinwakatuka ku vumbi.

Filipu 3:9

hanga akanguwane muli iye, hi ni ululi wa yami mwene ko, uze wa ku shimbi, alioze uze wa ku Ufulielo kuli Kristu, ululi uze wa kuli Zambi ku Ufulielo,

1 Petulu 1:2

waze hanaatongola nikulita ni chinyingi cha kulutwe cha Zambi Tata, nikulita ni tachi ja Spiritu, ha kutusela ku usandu hanga twononoke, atusapwile ni manyinga a Yesu Kristu: Vumbi kuli yenu ni sambukila yikalumbame.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.

Usolwelo 7:9

Kulutwe lia yino yuma, namwene, mbunga yinene, yize niumwe mahasa kwalula, a ku mavungu eswe, ni ku minyachi yeswe, ni kuli atu eswe, ni ku malimi eswe, kanamana kulutwe lia ngunja, ni kumeso ja mwe Mwana-panga, kanazala mahina a ngungu atoma, ni mitango ya mingaji mu moko jo;