Galashia 1:9 - MUKANDA USANDU WA ZAMBI 1975

⁹ Chizechene ngwe hitwamba kulu, chocho ngunambe haliapwila cheka nawa ngwami, Kachi umwe manwambulwila sango lipema likwo lialipwila ni lize twanwambulwilile, ngwetu, Akashingiwe.

Mukanda Wa Zambi 1970

⁹ Hitwanwambulwila kulu, ni haliabwila ngunambe nawa ngwami, nyi umwe manwambujolela sango jibema jeka jize jinalise ni jize nwevwile, ngwetu, mutu yoze Zambi amushinge!

Galashia 1:9 Iomraidhean Croise

Yishima 30:6

Kanda uweza ku maliji jenyi kuchina makukanjisa mba makumona uli mukwa mahuza.

Jeremia 23:16

Yehova-wa-Tujita kanambe ngwenyi, Kanda nupanjika ku maliji ja aprofeta waze akuprofeteza kuli yenu nikunuzalisa ni kutalatala chamokomoko. Kakuhanjika yilota ya mu manyonga jo ene; kahanjikile ni kanwa lia Yehova.

Yilinga 18:23

Muze hatwamako shimbu, wakatukile, wayile ndusu mu chifuchi cha Ngalashia ni Fwijia, limbo ni limbo, nikutakamisa tumbaji.

A-ROMA 16:17

Haliapwila ngunaliumbu kuli yenu, mandumbu, nukase chinyingi waze akuuhandununa, ni waze akutalingisa, cha kulimika ni longeso lize nwalilongesele, nukaakondoloke.

A-ROMA 9:3

Mumu ngunahase kulemba yami mwene ngushingiwe kuli Kristu mumu hali mandumbu jami, usoko wami nikulita ni musunya;

2 Korintu 1:17

Kashika muze nahalile chocho, nalingile ni lwelia, nyi? Hanji yuma yize mungupala, munguyipala nikulita ni musunya, hanga kuli yami yikapwe ewa, ewa, ni ka, ka, nyi?

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 4:2

Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

Filipu 3:1

Ha yize yinasala, mandumbu jami, wahililenu muli Mwene. Kusoneka yuma yimuwika kuli yenu, chamwenemwene kuchishi kunguvwisa yikatalo, alioze hali yenu muchinufunga kawape.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.