Galashia 1:4 - MUKANDA USANDU WA ZAMBI 1975

⁴ yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Mukanda Wa Zambi 1970

⁴ Kristu hanalikunjika iye mwene mu kutulamwina ku milonga yetu, hanga atupulule ku mwaka uno ubi, nikulita ni upale wa Zambi kanda Tata yetu.

Galashia 1:4 Iomraidhean Croise

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Izaya 65:17

Mungutanga lilu liaha ni hashi haha, ni yuma ya kushi kechi kayiwuluka nawa, chipwe kuyinyonga.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Mateu 26:28

mumu musenge uno manyinga jami a usendo waha waze anamwangana hali anji ha ukonekeno wa milonga.

Mateu 26:42

Cheka nawa chisuho chamuchiali wasosolokele, walembele ngwenyi, Tata, kachi musenge uno kuushi kuhasa kukatuka kuli yami, shina munguunwa, upale we ulingiwe.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Marku 10:45

Mumu mwe Mwana Mutu nawa kejileko akamuvumbike, alioze mukuvumbika, akahane mwono wenyi ndando ya ukule hali anji.

Luka 22:19

Iye wanjile mbolo, ni muze te hasakwila, wayipalwile, waaheleyo, ngwenyi, Yino mujimba wami auhanyine hali yenu: chino lingenu nukangwiwuluke.

Luka 22:42

Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Yoano 10:11

Mwe kafunga mupema yami; kafunga mupema matumbika mwono wenyi hali mapanga.

Yoano 12:31

Haliapwila upatwilo wa hashi hiweza; haliapwila kumambila haze mwata wa hashi.

Yoano 5:30

Chishi kuhasa kulinga nichimwe ukawami: ngwe nakwivwa, chocho nakupatula: ni upatwilo wami wa ululi; mumu chishi kufupa upale wami, alioze upale wa yoze wangutumine.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

A-ROMA 1:7

Kuli waze eswe ali mu Roma kanaazange chikolo kuli Zambi, hanaatambika asandu: Vumbi kuli yenu ni sambukila ya kuli Zambi Tata yetu ni Mwene Yesu Kristu.

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

A-ROMA 4:25

yoze amukunjikile mumu ha milonga yetu; amuhindwishile mumu ha usambiso wetu.

A-ROMA 8:27

alioze yoze wakuhengula mu mbunge, kakunyingika chize chapwa kunyonga cha Spiritu, mumu kakuhakwila asandu nikulita ni upale wa Zambi.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

1 Korintu 15:3

Mumu nanukunjikile hatangu chize nawa yami natambwile, ngwe Kristu wafwilile milonga yetu nikulita ni yisoneko;

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Galashia 6:14

Alioze kanda chikapwa kama kuli yami kulisamba shina mu kulusu ya Mwene Yesu Kristu, ku yenayo hanashihi yuma ya hashi kuli yami, ni yami hanangushihi ku yuma ya hashi.

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Efesu 2:2

mu yenayo ha miaka ya kunyima nwendele nikulita ni ndako ya hano hashi, nikulita ni mwata wa chiyulo cha mu tetela, Spiritu yoze haliapwila wakulinga muli akwa uhulia.

Efesu 5:16

Kulenu we mwaka, mumu matangwa ano api.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Efesu 6:12

Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu.

Filipu 4:20

Haliapwila uhenya ukapwe kuli Zambi yetu kanda Tata yetu ndo ku miaka yeswe ya mutolo. Amene.

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

1 Tesalonika 3:11

Haliapwila Zambi kanda Tata yetu, iye mwene ni Mwene wetu Yesu, akatondekeze jila yetu kuli yenu.

1 Tesalonika 3:13

hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

1 Timoteu 2:6

yoze waliechele ndando ya ukule hali eswe; Shindakenyo yawo akayambujole ha mwaka uze unalite.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 2:5

Mumu hi kuli angelo ko wazeyesele yifuchi ya hashi, yize muyizaho, yize tunambe.

Hebreu 6:5

apanjikile liji lipema lia Zambi, ni yipupu ya mwaka uze muwizaho,

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

1 Yoano 3:16

Ku chino tunanyingika zango, mumu iye watumbikile mwono wenyi hali yetu: chatutamba yetu kutumbika mwono wetu hali mandumbu.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,

Usolwelo 7:9

Kulutwe lia yino yuma, namwene, mbunga yinene, yize niumwe mahasa kwalula, a ku mavungu eswe, ni ku minyachi yeswe, ni kuli atu eswe, ni ku malimi eswe, kanamana kulutwe lia ngunja, ni kumeso ja mwe Mwana-panga, kanazala mahina a ngungu atoma, ni mitango ya mingaji mu moko jo;