Filipu 4:9 - MUKANDA USANDU WA ZAMBI 1975

⁹ Yuma yize anulongesele, yize nwatambwile, yize nwevwile, yize nwamwene muli yami, yino yuma lingenu; ni Zambi ya sambukila makapwa hamwe ni yenu.

Mukanda Wa Zambi 1970

⁹ Lingenu yuma yize nwalilongesele ni nwatambwile kuli yami, yize nambile ni yize nalingile. Mba Zambi, yoze wakutwaha uhwimino, makabwa hamwe ni yenu.

Filipu 4:9 Iomraidhean Croise

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 8:10

Twamenu punga hamuwika, alioze muchikafuwa; hanjikenu liji, alioze kulichi kakola, mumu Zambi tuli nenyi hamwe ni yetu.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Mateu 7:21

Hi mweswe ko mamba kuli yami ngwenyi, Mwene, Mwene, makanjila mu wanangana wa malilu, alioze yoze wakulinga upale wa Tata yoze uli mu malilu.

Luka 6:46

Kuchi te nunanguvuluka ngwenu, Mwene, Mwene, alioze kunushi kulinga yuma yize ngunambe?

Luka 8:21

Iye waakumbulwile ngwenyi, Mama ni ana-akwetu wano ha kwivwa liji lia Zambi kakulilinga.

Yoano 13:17

Kachi nunanyingika yino yuma, kachi nunawaha nyi munuyilinga.

Yoano 15:14

Yenu nuli tusendo twami, kachi munulinga cheswacho mungunwamba.

Yoano 2:5

Naye yamba kuli tuvumbi ngwenyi, Cheswacho mamba kuli yenu, chilingenu.

Yilinga 9:6

Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga.

A-ROMA 15:33

Zambi ya sambukila akapwe hamwe ni yenu eswe.

A-ROMA 16:20

Alioze Zambi ya sambukila kumakafwenya Satana kushi lia yiliato yenu kamunomuno. Vumbi lia Mwene wetu Yesu Kristu likapwe hamwe ni yenu eswe. Amene.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

1 Korintu 14:33

Mumu Zambi hi Zambi ya Chizungozungo ko, alioze ya sambukila. Chizechene ngwe mu yikungulwila yeswe ya asandu.

1 Korintu 4:16

Ngunaliumbu kuli yenu kashika, nukapwe akwa kungwimbulula.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

Shimbi 5:1

Mose watambikile kuli A-Izalele eswe ngwenyi, Enu A-Izalele, ivwenu yiyulo ni upatwilo ngunambe mu matwi jenu musono, nulilongeseyo, nukayifunge, nuyilinge.

Filipu 3:17

Mandumbu, pwenu hamuwika akwa kungwimbulula, senu chinyingi waze akwenda chocho, chizechene ngwe yetu tuli cheseko chenu.

Filipu 4:7

Ni sambukila ya Zambi, yize yakuhiana kunyonga cheswe, muyikafunga mbunge jenu ni kunyonga chenu muli Kristu Yesu.

1 Tesalonika 1:6

Ni yenu nwalumukine akwa kutwimbulula, ni akwa kwimbulula Mwene, se nwatambwile liji lia Mwene mu luyinda munji hamwe ni uwahililo wa Spiritu Musandu.

1 Tesalonika 2:14

Mumu yenu, mandumbu, nwalumukine akwa kwimbulula yikungulwila ya Zambi yize yili mu Yundeya muli Kristu Yesu: mumu ni yenu nawa nwevwile lamba lia yuma yimuwika kuli akwa vungu lia yenwene, chizechene ngwe ayo nawa evwile kuli A-Yunda:

1 Tesalonika 5:23

Haliapwila Zambi ya sambukila iye mwene akanusele ku usandu liakulu; akafunge maspiritu jenu ni alma jenu ni mijimba yenu ya muwundu, yikapwe kuyishi chitela ha kuheta cha Mwene wetu Yesu Kristu.

2 A-TESALONIKA 3:4

Tunalikolela kuli Mwene ha kutwala kuli yenu, ngwetu, Nwakulinga, hindu munukalinga yuma yize tunanwambe.

2 Timoteu 4:22

Mwene Yesu Kristu akapwe hamwe ni Spiritu ye. Vumbi likapwe hamwe ni yena. Amene.

Tiangu (Jake) 1:22

Alioze pwenu akwa kulinga lie liji, hi akwa kwivwa wika ko, ngwe nunaliongo yenwene.

2 Petulu 1:10

Kashika, mandumbu, lipupwisenu kukolesa chinyingi cha kwamba ngwenu, Hanatutambika, hanatutongola; mumu kachi munulinga yino yuma kachi kunuchi kalimbuka nilimwe tangwa.

1 Yoano 3:22

ni cheswacho mutwita, mutuchitambula kuli iye, mumu twakufunga shimbi jenyi, twakulinga yuma yize ya kupemena kumeso jenyi.