Filipu 4:8 - MUKANDA USANDU WA ZAMBI 1975

⁸ Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

Mukanda Wa Zambi 1970

⁸ Akwetu, haliabwila bukunenu yuma yize yibema ni yize yinatela uhaliso: yuma yamwenemwene, ni ya vumbi, ni ya ululi, ni yitoma, ni yakubemena, ni ya lufuma mubema.

Filipu 4:8 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

2 Samuel 1:23

Saulu ni Jonatas aazangile, apwile apema mu mwono wo, ni mu kufwa kaahandunwine. Tambu jo jahianyine ja pupa, tachi jo jahianyine ja ndumba.

2 Samuel 23:3

Zambi ya Izalele wambile, Liwe lia Izalele wambile kuli yami ngwenyi, Yoze mayula atu ni ululi, mayula ni woma wa Zambi.

Miaso (Masamu) 82:2

Ndo mwiji muka munupatula ni uhenge nikulemesa mijimba ya yingulungulu?(Litulike.)

Yishima 11:1

Mbalansa ya kwonga yapwa chizelwokeso kuli Yehova; alioze pezu ya ululi yamuwahila chinji.

Yishima 12:4

Pwo wa kushishika kapwa ngwe chipangula kuli mukwo-lunga; alioze pwo yoze makolesa sonyi kapwa ngwe kupola mu yifwaha ya mukwo-lunga.

Yishima 16:11

Pezu ja ululi ni mbalansa ja ululi ja kuli Yehova; pezu jeswe ja mu njeke japwa chitanga chenyi.

Yishima 20:7

Mukwa ululi yoze anende ni kutuwika cha mbunge yenyi, ana jenyi mamukaula mawaha.

Yishima 31:10

Pwo wamwenemwene iya mahasa kumuwana? Ndando yenyi yahiana chikolo ndando ya rubi.

Yishima 31:29

Mapwo anji halinga kanawa alioze yena waahiana eswe.

Yishima 31:31

Hana kuli iye mihuko ya moko jenyi; yitanga yenyi mwene yikamuhalise mu yikolo ya limbo.

Mwaso Ubema Wahiana 5:16

Kuhanjika chenyi chinawaha chikolo, ni mwene mweswe te wa kuzanga. Mwenawo mukwa zango liami, mwe mukwetu, enu ana-mapwo a Yerusaleme.

Izaya 26:7

Jila ya mukwa ululi yinasalama; yena wakusalamisa jila ya mukwa ululi.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Marku 6:20

Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Luka 2:25

Kumanyi, mwapwile umwe lunga mu Yerusaleme, jina lienyi Semone; yono lunga wapwile mukwa ululi, mukwa kuwayila Zambi, kanatatatata kulembejeka cha Izalele: ni Spiritu Musandu wapwile hali iye.

Luka 23:50

Mba umwe lunga, jina lienyi José, mwenawo wapwile mukwa kuyula, iye lunga mupema, mukwa ululi.

Yoano 7:18

Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

Yilinga 10:22

O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

Yilinga 22:12

Mba umwe Ananiya, mukwa kuwayila Zambi nikulita ni shimbi, mukwa Shindakenyo kuli A-Yunda eswe, atwamineko,

Yilinga 6:3

Kashika mandumbu, fupenu hakachi kenu malunga shimbiali, akwa Shindakenyo, a tò ni Spiritu Musandu ni mana, aze mutwasela ku milimo yino.

A-ROMA 13:13

Twendenu ngwe chinalite, ngwe mu mwalwa; hi mu chimbangwinya ko, hi ni kuzengewa ko, hi ni ukoi ko, hi ni ujila ko, hi ni vunda ko, hi ni ukwa ko.

A-ROMA 13:3

Mumu akwa kuyula keshi kwavwila woma ha kulinga yitanga yipema, alioze ha kulinga yipi. Mba unazange kupwa kushi woma kuli mukwa kuyula, nyi? Linga yipema, mba mukapwa ni uhaliso kuli iye.

A-ROMA 14:18

Mumu yoze malingila Kristu ni yino yuma mapemena chikolo kuli Zambi, mamusela Shindakenyo yipema kuli atu.

A-ROMA 2:29

alioze iye Ka-Yunda yoze wapwa chocho ku yuma ya muchima; ni ungalami wa mbunge, mu spiritu, hi mu lusona ko; uhaliso wenyi hi wa kuli atu ko, alioze wa kuli Zambi.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Korintu 13:7

Achi, twakulemba kuli Zambi ngwetu, Kanda nulinga chipi nichimwe; kuchapwile ngwe tukasoloke akwa Shindakenyo, ka, alioze hanga yenu nukalinge chize Chinalulama, chipwe yetu tukapwe ngwe yisáshili.

2 Korintu 6:8

Ha kulemesa ni ha kulelesa, ku lufuma mupema ni lufuma mupi; ngwe akwa kwonga, hindu amwenemwene.

2 Korintu 8:18

Hitwatuma hamwe nenyi ndumbu yoze uhaliso wenyi mu sango lipema unafumana ku yikungulwila yeswe.

2 Korintu 8:21

mumu twakufupa kusolola yuma yipema, hi kumeso ja Mwene wika ko, alioze nawa kumeso ja atu.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Efesu 4:25

Kashika nikumbila mahuza, hanjikenu umwenemwene mweswe ni mwenyembo wenyi; mumu tuli yihanda yimwe ya mukwo.

Efesu 5:9

(mumu mihuko ya pangu yinasoloka ni upeme weswe ni ululi ni umwenemwene);

Efesu 6:14

Manenu kashika ngú, se hinunalijichika mu zalilo jenu muya wa umwenemwene, se hinunazala chipwiko cha utale cha ululi,

Shimbi 16:20

Nukaule we ululi lume, nupwe ni mwono ni kuzuka chifuchi Yehova Zambi yenu ananwehecho.

Filipu 3:1

Ha yize yinasala, mandumbu jami, wahililenu muli Mwene. Kusoneka yuma yimuwika kuli yenu, chamwenemwene kuchishi kunguvwisa yikatalo, alioze hali yenu muchinufunga kawape.

Kolosu 4:5

Endenu ni mana kuli waze ali haze, nikukuta mwaka.

1 Tesalonika 4:12

hanga nukende ngwe chinalite kuli waze ali haze, hanga kunuchi kahona nichimwe.

1 Timoteu 2:2

hali mianangana ni hali waze eswe ali mu yitwamo ya ulemu; hanga tukatwame nikuhwima ni sambukila, ni uwayilo weswe, kukushi lwelia.

1 Timoteu 3:11

Mapwo chizechene hi akwa levelia ko, hi yilamikiji ko, akwa kukeyela, amwenemwene ha yuma yeswe.

1 Timoteu 3:4

mukwa kuyula zuwo lienyi kanawa, ni ana jenyi akumuzeyela, keshi lwelia;

1 Timoteu 4:12

Niumwe kanda alelesa ukweze we; alioze pwako chilweza kuli akwa kufuliela, ha liji, ha yilinga, ha zango, ha Ufulielo, ha kulinanga.

1 Timoteu 5:10

kanamushindakenya ha yitanga yipema; kachi hanalele ana kachi hanazumbula ngeji, kachi hanasanyisa yiliato ya asandu, kachi hanakwasa akwa kuyindama, kachi hanakaula yitanga yeswe yipema.

1 Timoteu 5:2

makulwana ja mapwo ngwe amama; mapwo ni miaka yikepe ngwe mapangi, ni kulinanga cheswe; kuli akweze ngwe anaakwenu.

Titu 1:8

aiioze mukwa kuzumbula ngeji, mukwa kufwila yipema, mukwa mana, mukwa ululi, musandu, mukwa kusúla;

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Titu 2:2

Makulwana ja malunga akakeyele, keshi lwelia, akwa mana, angunu mu Ufulielo, mu zango, mu uhumikizo.

Titu 2:7

Ha yuma yeswe nikulilweza yena mwene ngwe chilweza cha yitanga yipema; ha kulongesa che ni kulweza ungunu, kushi lwelia,

Titu 3:14

Atu jetu nawa, akalilongese kulalaminya ku yitanga yipema, akahase kukwasa ni yuma yize yinatambe, hanga kechi kapwa ngwe keshi mihuko.

Hebreu 11:2

Mumu makulwana azukile nawo Shindakenyo yipema.

Hebreu 13:18

Tulembelenu; mumu tunakunuka mbunge yipema tuli nayo ha yuma yeswe, tunazange kwenda kanawa ha kutwala ku yuma yeswe.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

Tiangu (Jake) 3:17

Alioze mana a kwilu hatangu atoma, kulutwe a sambukila, ambovu, ashi, a tò ni keke ni mihuko yipema, keshi katonde, keshi ulembekese.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 4:8

Kuhiana yuma yeswe pwenu nikulizanga umwe ni mukwo ni mukwo ni mbunge yeswe: mumu zango kuliakufuka milonga yinji:

2 Petulu 3:1

Akwetu a zango, uno mukanda wamuchiali ngunasoneka kuli yenu; mu yeswe yiali ngunakasumuna kunyonga chenu cha kutuwika ha kunwiwulula.

1 Yoano 3:18

Anami akepe, kanda tuzanga ni liji, chipwe ni limi; aiioze ni yitanga ni umwenemwene.

1 Yoano 3:3

Ni mweswe uli ni kutalatala chino muli iye, kakulitomesa chizechene ngwe iye mutoma.

1 Yoano 4:1

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.

Rute 3:11

Haliapwila mwanami, kanda wivwa woma, mungukulingila yeswe unechi mumu akwetu eswe ananyingika ngwo, Uli pwo wamwenemwene.