Filipu 4:7 - MUKANDA USANDU WA ZAMBI 1975

⁷ Ni sambukila ya Zambi, yize yakuhiana kunyonga cheswe, muyikafunga mbunge jenu ni kunyonga chenu muli Kristu Yesu.

Mukanda Wa Zambi 1970

⁷ Mba uhwimino wa Zambi muukafunga mbunge jenu ni manyonga jenu mu kuliendela ni Kristu. Uhwimino uze unahiana yize mutu mahasa kunyingika.

Filipu 4:7 Iomraidhean Croise

Nehemia 8:10

Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Jobe 22:21

Wana ni Zambi ukawane sambukila; chocho yipema muyiza kuli yena.

Jobe 34:29

Nyi mahola iya mamuhisa? Nyi mafuka meso jenyi iya mamumona? Chipwe vungu chipwe mutu, iya?—

Miaso (Masamu) 29:11

Yehova mahana tachi kuli atu jenyi. Yehova mawahisa atu jenyi ni sambukila. Samu lia David, mwaso awimbile ha kusela ku usandu lie zuwo.

Miaso (Masamu) 85:8

Kumungwivwa chize Zambi Yehova mamba, mumu kumamba sambukila kuli atu jenyi ni kuli asandu jenyi. Alioze kanda atewulukila nawa ku uhepuke.

Yishima 2:11

Maseliekela makulayila, ni malinjekela makakufunga,

Yishima 4:6

Kanda wehuka mana mba makufunga; ukaazange mba makulayila.

Yishima 6:22

Muze muwenda muyikusongwela. Muze mupomba tulo muyikulayila. Muze mulaula muyihanjika ni yena.

Izaya 26:12

Yehova, kumukatupalila uhwimino, hiwatulingila yitanga yetu yeswe.

Izaya 26:3

Yoze majikijisa manyonga jenyi hali yena, mumufunga mu uhwimino wika, mumu kanakufuliela.

Izaya 45:7

Nakulinga pangu, nakutanga milima, nakulinga yipema, nakutanga lamba, yami nakulinga yuma yino yeswe, mwe Yehova.

Izaya 48:18

Mala! Nyi kachi nwevwile shimbi jami! Kachi uhwimino wenu wapwa ngwe lwiji, kachi ululi wenu wapwa ngwe mikanya ya kalunga-lwiji.

Izaya 48:22

Yehova kanambe ngwenyi, Uhwimino kuushiko kuli yingulungulu.

Jeremia 32:16

Muze hinahana we mukanda wa kulanda kuli Baruke mwana Neria yingulemba kuli Yehova ngwami,

Jeremia 33:6

Kumungukanehako kuhinduka ni kuwuka; mungwawuka nikwasolwela kulumbama cha kuwaha ni kujikiza.

Kwalula 6:26

Yehova akanuhetwile meso jenyi, aka-nuhwimise.

Luka 1:79

Mukupanguka hali waze akutwama mu milima ni mu Chizulie cha kufwa; mukutemwina molu jetu mu jila ya sambukila.

Luka 2:14

Uhenya kuli Zambi mwilu mwahiana, Hano hashi sambukila hakachi ka atu akumuwahila.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

A-ROMA 1:7

Kuli waze eswe ali mu Roma kanaazange chikolo kuli Zambi, hanaatambika asandu: Vumbi kuli yenu ni sambukila ya kuli Zambi Tata yetu ni Mwene Yesu Kristu.

A-ROMA 14:17

mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu.

A-ROMA 15:13

Zambi ya kutalatala akanuzalise ni uwahililo weswe ni sambukila yeswe ha kufuliela, hanga nukalumbame mu kutalatala ku tachi ja Spiritu Musandu.

A-ROMA 5:1

Kashika, se ku Ufulielo hanatusambisa, sambukila tuli nayo ni Zambi kuli Mwene wetu Yesu Kristu;

A-ROMA 8:6

Mumu kunyonga cha musunya, kufwa; alioze kunyonga cha Spiritu, mwono ni uhwimino.

2 Korintu 10:5

twakupupa malinjekela ni yuma yeswe ya kwilu, yize yakulinangamisa kulimika ni chinyingi cha Zambi, twakutwala manyonga eswe ku ufunge akononoke kuli Kristu;

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Efesu 3:19

nikunyingika zango lia Kristu, lize Kakuhiana yinyingi, hanga nukazale tò ndo ku kuzala cheswe cha Zambi.

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

Filipu 1:2

Vumbi kuli yenu ni sambukila ya kuli Zambi Tata yetu ni Mwene Yesu Kristu.

Filipu 4:19

Chocho Zambi yami kumakanwaha yize yeswe munuhona nikulita ni upite wenyi mu uhenya muli Kristu Yesu.

Filipu 4:21

Menekenu asandu muli Kristu Yesu. Mandumbu waze ali hamwe ni yami kananumeneka.

Filipu 4:9

Yuma yize anulongesele, yize nwatambwile, yize nwevwile, yize nwamwene muli yami, yino yuma lingenu; ni Zambi ya sambukila makapwa hamwe ni yenu.

Kolosu 3:15

Sambukila ya Kristu yikayule mu mbunge jenu, ku yenayo hananutambika mu mujimba umuwika; pwenu nikusakwila.

2 A-TESALONIKA 3:16

Haliapwila Mwene wa sambukila iye mwene akanwehe sambukila matangwa eswe mu majila eswe. Mwene apwe hamwe ni yenu eswe.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Usolwelo 1:4

Yami. Yoano ngunasoneka ku yikungulwila shimbiali yize yili mu Eshia: Vumbi kuli yenu ni sambukila ya kuli yoze kwali, yoze wapwile, yoze meza kupwa: ni ya kuli Maspiritu shimbiali waze ali kulutwe lia ngunja yenyi;

Usolwelo 2:17

Yoze uli ni matwi, evwe chize anambe Spiritu ku yikungulwila. Yoze makumba, mungukamwaha yimwe ya ku maná ya kuhengama: mungukamwaha lukumbo mutoma, ni ha lukumbo jina liaha linasonewa, lize niumwe manyingika shina yoze malitambula.