Filipu 4:6 - MUKANDA USANDU WA ZAMBI 1975

⁶ Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

Mukanda Wa Zambi 1970

⁶ Kanda nulibikala ha Chuma nichimwe, alioze ha yuma yeswe liumbenu kuli Zambi ha kumwita yize nunahono. Mwitenu ni mbunge yakusakwila.

Filipu 4:6 Iomraidhean Croise

1 Yitanga Ya Mianangana 8:28

Alioze panjika kama ku kulemba cha yami kavumbi ke, ni ku kuliumba chami, Yehova Zambi yami. Panjika ku muteto wa kulemba cha yami kavumbi ke musono.

2 Sango Ja Mianangana 32:20

Mba mwanangana Hezekia ni profeta Izaia mwana Amoze yalemba ni kuteta kwilu mumu ha chuma chino.

Miaso (Masamu) 51:15

Mwene, pakula kama mivumbo yami, mba kanwa liami mulikambulula uhaliso we.

Miaso (Masamu) 55:17

Ha chingoloshi, ni ha chimene, ni ha mwalwa mungulinyenga ni mikuma, mba iye mevwa liji liami.

Miaso (Masamu) 55:22

Mbila chiteli che hali Yehova, iye makakukolesa. Kechi kutayiza akwa ululi kukokoloka nilimwe tangwa.

Miaso (Masamu) 62:8

Enu atu, fulielenu iye miaka yeswe. Zukwilenu mbunge jenu kumeso jenyi. Zambi iye uchinyino wetu.(Litulike.)

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Yishima 16:3

Kunjika yilinga ye kuli Yehova mba kuhala che muchikakola.

Mwaso Ubema Wahiana 2:14

Katele kami mu yivwenge ya mu mawe mu mena a mu mbongo, ngutale meso je! Ngwivwe liji lie! Mumu liji lie liawaha, meso je kanapeme.

Jeremia 32:16

Muze hinahana we mukanda wa kulanda kuli Baruke mwana Neria yingulemba kuli Yehova ngwami,

Jeremia 33:3

Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Daniel 3:16

Shadrake, ni Meshake, ni Abedenego yakumbulula kuli mwanangana ngwo, Nabukanezore, ha kutwala ku chikuma chino, kuchatutambile kukumbulula nichimwe.

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Mateu 10:19

Alioze muze munukunjika, kanda nukalipikala ngwe chize munukahanjika: mumu kumakanwahacho ha ola yize chize munukahanjika.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 6:34

Kanda nulipikala kashika ha tangwa lia hamene: mumu tangwa lia hamene ni yipikalo yalio. Yipi ya tangwa lieswe muyilita ni lie tangwa.

Mateu 6:8

Kashika kanda nukalifwa no: mumu Tatenu kananyingika yuma yize nwakufupafupa, shimbu kanda nwita kuli iye.

Luka 10:41

Alioze Yesu wamukumbulwile ngwenyi, Marta, Marta, kuwakulipikala nikulipinjisa ha yuma yinji.

Luka 12:22

Iye wambile kuli tumbaji twenyi ngwenyi, Kashika ngwami, Kanda nulipikala ha mwono wenu, chize munulia; chipwe ha mujimba, chize munuzala.

Luka 12:29

Kanda nufupa chize munulia, hanji chize mununwa, chipwe kanda nulipikala.

Luka 18:1

Iye wahanjikile nawa chishima kuli ayo, ngwe chaatamba kulemba matangwa eswe, kanda akalezumuka;

Luka 18:7

Ni Zambi kechi kukala waze hanaatongola, waze akukololoka kuli iye mwalwa ni ufuku, chipwe kakupwa ni uhomboloji hali ayo shimbu linene, nyi?

1 Korintu 7:21

Akutambikile mu undungo, nyi? Kanda uchinyonga, alioze kachi muhasa kutusuka, Shinaho linga nacho.

1 Korintu 7:32

Alioze ngunazange nukapwe kunushi yipikalo. Yoze kambachile mazanga yuma ya Mwene ngwe mahasa kupemena kuli Mwene:

2 Korintu 1:11

ni yenu nawa nikulikwasa hamwe ni yetu ha kuliumba chenu; hanga ha chawana cha vumbi chize atuhelecho mumu ha mukunda wa anji, atu anji akasakwile mumu hali yetu.

Efesu 5:20

nikusakwila matangwa eswe ha yuma yeswe mu jina lia Mwene wetu Yesu Kristu kuli Zambi kanda mwe Tata.

Efesu 6:18

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

Kolosu 3:15

Sambukila ya Kristu yikayule mu mbunge jenu, ku yenayo hananutambika mu mujimba umuwika; pwenu nikusakwila.

Kolosu 3:17

Cheswacho munulinga, chipwe ha liji, chipwe ha chitanga, lingenu yuma yeswe mu jina lia Mwene Yesu, muli iye Sakwilenu kuli Zambi kanda mwe Tata.

Kolosu 4:2

Nyongononenu ni kulemba, ni kulámo hamwe nikusakwila.

1 Timoteu 2:1

Ngunashinjila kashika, kuhiana yeswe, akaliumbe, akalembe, akahakwile, akasakwile hali atu eswe:

1 Timoteu 5:5

Achi, yoze chamwenemwene mapwa twamishi, hanamuhichika ukawenyi, kakutalatala hali Zambi, nikunyongonona mu kuliumba ni kulemba ufuku ni mwalwa.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.

1 Petulu 5:7

Mbilenu yipikalo yenu yeswe hali iye, mumu kakunufunga.

1 Samuel 1:15

Hana yakumbulula ngwenyi, Ka mwata. Nguli pwo wa chinyengo. Chanwine vinyu, chipwe kunwa chikwo chisasu, alioze hinazukwila mbunge yami kumeso ja Yehova.

1 Samuel 30:6

David walifwichile chikolo mu mbunge mumu e atu ambile kumwasa mawe, se atu eswe evwile kupiha mu mbunge mumu hali ana jo a malunga ni a mapwo. Alioze David walitakamishine muli Yehova Zambi yenyi.

1 Samuel 7:12

Henaho Samuel yanda liwe, yalimikina hakachi ka Mizepa ni Shene, yaliluka jina ngwenyi, Ebenezere, mumu ngwenyi, Ndo ku kuno Yehova hatukwasa.