Filipu 4:5 - MUKANDA USANDU WA ZAMBI 1975

⁵ Umbovu wenu ukamoneke kuli atu eswe. Mwene hakamwihi ali.

Mukanda Wa Zambi 1970

⁵ Lwezenu umbovu kuli atu eswe. Mwene Yesu kumeza ha shimbu likepe.

Filipu 4:5 Iomraidhean Croise

Mateu 6:25

Kashika ngunambe kuli yenu ngwami, Kanda nulipikala ha mwono wenu, chize munulia, ni chize mununwa, chipwe ha mujimba wenu, chize munuzala. Mwono kuwahianyine kulia, nyi? Mujimba kuwahianyine mazalo, nyi?

Mateu 6:34

Kanda nulipikala kashika ha tangwa lia hamene: mumu tangwa lia hamene ni yipikalo yalio. Yipi ya tangwa lieswe muyilita ni lie tangwa.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

1 Korintu 16:22

Kachi umwe keshi kufwila Mwene, akashingiwe. Mwe Mwene kaneza.

1 Korintu 6:7

Ka, hichinapu kapalia muli yenu, nwakulisopesa umwe ni mukwo ni mukwo. Kuchi te ngwe Shinaho kunushi kuliecha akanulinge chipi? Kuchi te ngwe Shinaho kunushi kuliecha akanulake?

1 Korintu 8:13

Kashika kachi kulia muchitalingisa ndumbwami, chichi kalia nawa yifwo niyimwe ndo ku miaka ya mutolo, hanga chichi katalingisa ndumbwami.

1 Korintu 9:25

Waze malitachika ha kuheha, masúla ku yuma yeswe. Achi, o machilinga mukutambula chipangula cha kupola, alioze yetu chize kuchishi kupola.

2 Korintu 10:1

Achi, yami mwene Paulu, ngunaliumbu kuli yenu ku kushimbika ni ku umbovu wa Kristu, yami kumeso jenu nguli mukwa kulikehesa hakachi kenu, alioze muze chishiko ngunahamuka kuli yenu.

2 A-TESALONIKA 2:2

kanda nukalihiza nikawashi mu kunyonga chenu, chipwe kanda nukasungalala, chipwe ku Spiritu, chipwe ku liji, chipwe ku mukanda ngwe unakatuka kuli yetu, ngwe tangwa lia Mwene hiliaheta.

Titu 3:2

Kanda ahanjika yipi hali niumwe, kanda apwa akwa ndombo, akapwe yimbovu, nikulweza kushimbika cheswe kuli atu eswe.

Hebreu 10:25

Kanda twehuka kulikungulula cha yetwene, ngwe ndako ya amwe, aiioze nikulishinjila, ni kuhiana chikolo shimbu munumona lie tangwa linakundama.

Hebreu 10:37

Mumu hindu kashimbu kakepekepe ni yoze meza kumakeza, kechi kashimbula.

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.

Usolwelo 22:20

Yoze wakushindakenya yino yuma kanambe ngwenyi, Ewa, nguneza nikawashi. Amene; tweya, Mwene Yesu.

Usolwelo 22:7

Talenu, nguneza nikawashi. Kawaha yoze mafunga maliji a uprofeto wa mukanda uno.