Filipu 4:4 - MUKANDA USANDU WA ZAMBI 1975

⁴ Wahililenu muli Mwene matangwa eswe: cheka nawa mungwamba ngwami, Wahililenu.

Mukanda Wa Zambi 1970

⁴ Wahililenu matangwa eswe mu kuliendela ni Mwene Yesu. Ngunambe nawa ngwami, wahililenu!

Filipu 4:4 Iomraidhean Croise

Miaso (Masamu) 146:2

Shimbu nguli ni mwono munguhalisa Yehova. Shimbu nguchiliho mungwimba uhaliso kuli Zambi yami.

Miaso (Masamu) 33:1

Wahililenu muli Yehova yenu akwa ululi. Uhaliso kuwatela hali akwa kululama.

Habakuke 3:18

hindu munguwahilila muli Yehova; mungulikwiza muli Zambi ya ulamwino wami.

Mateu 5:12

Wahililenu, likwizenu, mumu kwononona chenu chinene mu malilu: mumu chocho ahungumionene aprofeta waze aliangilile.

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

A-ROMA 12:12

Ha kutalatala, nukawahilile; ha luyinda, nukanyongonone; ha kulemba, nukalikoleze.

2 Korintu 6:10

Ngwe akwa yinyengo, hindu nikuwahilila matangwa eswe; ngwe yiswale, hindu nikupwisa anji pichi; ngwe kutushi chuma nichimwe, hindu twapita yuma yeswe.

Galashia 1:8

Alioze kachi yetu, chipwe mungelo wa mwilu, manwambulwila sango lipema likwo, lialipwila ni lize twanwambulwilile, ngwetu, Akashingiwe.

Filipu 2:18

Chizechene wahililenu, likwizenu hamwe ni yami.

Filipu 3:1

Ha yize yinasala, mandumbu jami, wahililenu muli Mwene. Kusoneka yuma yimuwika kuli yenu, chamwenemwene kuchishi kunguvwisa yikatalo, alioze hali yenu muchinufunga kawape.

1 Petulu 4:13

Alioze se nuli akwa kuhangana ni lamba lia Kristu, wahililenu; hanga ha usolwelo wa uhenya wenyi nawa nukawahilile nikulikwiza.