Filipu 4:3 - MUKANDA USANDU WA ZAMBI 1975

³ Ewa, ngunaliumbu kuli yena nawa, chikwashi-ni-mukwetu ngwami, Kwasa kama wano mapwo, mumu akilikichile hamwe ni yami mu sango lipema, ni Kelemente nawa, ni akwa milimo-ni-akwetu akwo, waze majina jo mwali mu mukanda wa mwono.

Mukanda Wa Zambi 1970

³ Ni yena nawa, mukwetu wa kushishika, ngunakulembe kwasa kama mapwo wano, mumu ahondanganyine hamwe ni yami ha kumwanga Sango Jibema. Chenacho alingile nawa Klemente ni akwetu akwo eswe a milimo, waze majina jo ali mu mukanda wa akwa mwono.

Filipu 4:3 Iomraidhean Croise

Miaso (Masamu) 69:28

Akajimuke ku mukanda wa mwono. Kanda aasoneka hamwe ni akwa ululi.

Kutuhuka 32:32

Chipwe chocho, nyi muhasa kukonekena mulonga wo—alioze nyi ka, ngunakulembe ngwami, Ungujimune kama ku mukanda we wasonekene.

Izaya 4:3

Yoze malisalaho mu Zaione matwama mu Yerusaleme mamutongola ngwo, Musandu, te waze eswe hanaasonekena mwono mu Yerusaleme.

Ezekiel 13:9

Kwoko liami mulikalimika ni aprofeta aze akumona usolwelo wa kulionga ni waze akutaha ni mahuza. Kechi katwama mu punga ya atu jami; kechi kaasoneka mu mukanda wa munyachi wa A-Izalele, chipwe kunjila mu chifuchi cha A-Izalele; mba munukanyingika yami nguli Mwene Yehova.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Luka 10:20

Hindu kanda nukawahilila ha chino ngwe maspiritu kakunuzeyela; alioze Shinaho wahililenu mumu majina jenu kanasonewa mwilu.

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

A-ROMA 16:12

Menekenu Trifwema ni Trifwosa, waze akukilikita muli Mwene. Menekenu Perese, mukwetu wa zango, yoze wakilikichile chikolo muli Mwene.

A-ROMA 16:9

Menekenu Urepanu, mukwa milimo-ni-mukwetu muli Kristu, ni Setachi, mukwetu wa zango.

Filipu 1:12

Alioze mandumbu, ngunazange nunyingike ngwe yuma yize yanguwanyine hiyinapu ya kusenyesa kulutwe lie sango lipema.

Filipu 1:16

Wano chamwenemwene ni zango, nikunyingika ngwe hanangusela ha usambiso wa sango lipema;

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

Filipu 1:5

mumu ha kulikunda chenu ni yami mu sango lipema, chize ku tangwa litangu ndo haliapwila.

Filipu 1:7

Chizechene ngwe chinangutela kunyonga chino hali yenu eswe, mumu nguli ni yenu mu mbunge yami; mumu chipwe mu makana jami, ha kufunga ni kukolesa sango lipema, yenu eswe nuli akwa kulianyina ni yami ha vumbi.

Filipu 4:2

Ngunaliumbu kuli Evotia ni Sentiki, akapwe ni kunyonga chimuwika muli Mwene.

Kolosu 1:7

chizechene ngwe nwalilongesele kuli Epafwa, mukwa kulingila-ni-mukwetu, tunamuzange chikolo, yoze wapwa kavumbi wamwenemwene wa Kristu hali yenu.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 17:8

Ngongo yoze hiwamona, wapwile, keshiho; himakanduka mu jondo, maya ku kwonwona. Ni akwa hashi, waze majina jo kasonewene chize ku kusela cha fundamentu ya hashi mu mukanda wa mwono, makakomoka muze mamona ngongo yoze wapwile, keshiho, makeza.

Usolwelo 20:12

Namwene afu, anene ni akepe, kanamana kulutwe lia ngunja; apakwile mikanda, mba apakwile mukanda ukwo, uze wa mwono: apatwilile afu ku yuma yize yasonewene mu mikanda, nikulita ni yitanga yo.

Usolwelo 20:15

Nyi kachi umwe kamuwanyine wa kusoneka mu mukanda wa mwono, amunyashine mu Chitende cha kahia.

Usolwelo 21:27

Ni chuma cha luchisa, chipwe yoze wakulinga chizelwokeso, chipwe yoze wamutomba mahuza, kechi kanjilamo nichimwe: aiioze waze wika anaasoneka mu mukanda wa mwono wa mwe Mwana-panga.

Usolwelo 3:5

Yoze makumba, chocho kumamujika mazalo atoma. Chichi kajimuna nichimwe jina lienyi mu mukanda wa mwono, aiioze mungukatayiza jina lienyi kumeso ja Tata, ni kumeso ja angelo jenyi.