Filipu 4:1 - MUKANDA USANDU WA ZAMBI 1975

¹ Kashika, mandumbu jami a zango, nakunuvwila usona, uwahililo wami ni chipangula chami, chocho manenu ngú muli Mwene, akwetu a zanga.

Mukanda Wa Zambi 1970

¹ Kashika akwetu akwa Kristu, manenu chizechene nguu, mu kuliendela chenu ni Mwene Yesu. Akwetu ngunanuzange, ngunanuvwila usona, ngunalisambe ni yenu, nunanguwahisa.

Filipu 4:1 Iomraidhean Croise

Jobe 31:36

Kachi nachimbata ha chipaya chami; nachikashila ha mutwe ngwe chipangula.

Miaso (Masamu) 125:1

Waze akufuliela Yehova kapwa ngwe mulundu wa Zaione uze kuushi kututuluka; walinduluka wa mutolo.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Mateu 10:22

Kumakanuvwila kole kuli eswe mumu ha jina liami: alioze yoze manyongonona ndo ku songo kumakamulamwina.

Yoano 8:31

Yesu kashika wambile kuli A-Yunda waze amufulielele ngwenyi, Kachi munutwama mu maliji jami, kachi munupwa chamwenemwene tumbaji twami.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

Yilinga 2:42

O anyongonwene mu longeso lia apostolo, nikuliendela, ni upatwilo wa mbolo, ni kulemba.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

1 Korintu 16:13

Lenu, jikizenu mu Ufulielo, lingenu ngwe malunga, fundulenu.

2 Korintu 1:14

chizechene nawa ngwe nwaatayijile hakehe, ngwe yetu tunapu kulisamba chenu, chizechene ngwe yenu nawa nunapu kulisamba chetu ha tangwa lia Mwene wetu Yesu.

Galashia 5:1

Manenu ngú kashika mu utuswilo uze Kristu hanatutusula nawo, kanda nukakwachika cheka nawa ni kanga ya undungo.

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

Filipu 1:8

Mumu Zambi iye chela chami, chize nakunuvwila eswe usona mu zango lia Yesu Kristu.

Filipu 2:16

Nukaminyike liji lia mwono; hanga ngukapwe ni chize cha kulisamba nacho ha tangwa lia Kristu, ngwe chazombokele chamokomoko, chipwe chakilikichile chamokomoko.

Filipu 2:26

se wanuvwilile usona yenu eswe, wevwile chikolo kulema mu mbunge, mumu nwevwile ngwo, Kanayiji.

Kolosu 4:12

Mukwenu Epafwa, ndungo ya Kristu Yesu, kananumeneka, matangwa eswe nikulitachika chikolo hali yenu mu yilemba yenyi, hanga nukamane ngú, angunu, akwa kulisela chinyingi liakulu mu upale wa Zambi.

1 Tesalonika 3:13

hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.

2 A-TESALONIKA 2:15

Chocho mandumbu, manenu ngú, kakaminyenu ku ndongo jize anulongesele, chipwe ku liji, chipwe ku mukanda wetu.

2 Timoteu 2:1

Kashika yena, mwanami, takama mu vumbi lize lili muli Kristu Yesu.

Hebreu 10:23

Tulalaminyenu ku kutayiza cha kutalatala chetu, nikulihiza ka; mumu yoze walakenyene iye mukwa jika.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

Hebreu 4:14

Kashika se sasendote mukwa lutwe munene tuli nenyi, yoze hanapalika ndusu mu malilu, Yesu mwe Mwana Zambi, tulalaminyenu ku kutayiza chetu.

2 Petulu 3:17

Yenu kashika, akwetu a zango, nikunyingika yino yuma shimbu kanda, keyelenu kuchina manutwala ni maliji a kupiangula a yingulungulu, munulimbuka ku kujikiza cha yenwene.