Filipu 3:9 - MUKANDA USANDU WA ZAMBI 1975

⁹ hanga akanguwane muli iye, hi ni ululi wa yami mwene ko, uze wa ku shimbi, alioze uze wa ku Ufulielo kuli Kristu, ululi uze wa kuli Zambi ku Ufulielo,

Mukanda Wa Zambi 1970

⁹ ni kulinunga nenyi liakulu. Chishi nawa ni ululi wa yami mwene, uze wakwiza ha kufunga Shimbi. Alioze haliabwila nguli ni ululi uze wakwiza ha kusa mbunge kuli Kristu. Ululi uno wakukatuka kuli Zambi mumu ha ufulielo.

Filipu 3:9 Iomraidhean Croise

Ubutukilo 7:23

Anongesene eswe a mwono ha kuzazuluka cha mavu, ni atu, ni yimuna, ni akwa kukalala, ni tujila a mwilu, waanongesene hashi, Noe wika wasalile ni waze apwile nenyi mu ulungu.

1 Yitanga Ya Mianangana 8:46

Nyi makuvulumuna (mumu kukushi mutu yoze kavulumwine) ni yena mukatenuka no nikwakunjika kuli akwa kole jo akaatwale funge ku chifuchi cha akwa kole jo chipwe kusuku chipwe hakamwihi,

2 Sango Ja Mianangana 32:25

Alioze Hezekia kakundulwile kuli Zambi nawa nikulita ni chipema chize hamulinga. Mbunge yenyi yiyilifuza, kashika ufwatulo wejile hali iye ni ha Yunda ni Yerusaleme.

2 Sango Ja Mianangana 32:31

Alioze ha chikuma cha mikeji a kuli alemu a Babilonia waze atumine kuhula ha yipupu yize alingile mu chifuchi, Zambi yamwecha akamweseke akanyingike yize yeswe ya mu mbunge yenyi.

Miaso (Masamu) 14:3

Eswe hanapianguka; hanapiha. Kukushi niumwe yoze wakulinga chipema, chipwe umuwika ka.

Miaso (Masamu) 143:2

Kanda uputuka kusopesa yami kavumbi ke, mumu kumeso je niumwe mutu wa mwono masamba.

Miaso (Masamu) 19:12

Iya manyingika kupianguka chenyi? Ngupemese kama ku tupalia twa kusweka.

Longeshi 7:20

Pundu kuheshi mutu niumwe hano hashi yoze kakulinga chipema ni kuvulumuna ka.

Izaya 46:13

Mungukundamisa ululi wami, kuwapwile kusuku ka. Ulamwino wami kuuchi kalaluka. Mungusa ulamwino mu Zaione, hali Izalele uhenya wami.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Jeremia 23:6

Ha matangwa jenyi malamwina Yunda, ni Izalele matwama ni sambukila. Jina lize mamwaha ngwo, Yehova ululi wetu.

Jeremia 33:16

Ha matangwa aze A-Yunda makaalamwina ni Yerusaleme matwama ni sambukila. Jina liako mulikapwa—Yehova ululi wetu.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Mateu 9:13

Alioze yénu, nukalilongese chize muchilumbunuka ngwo, Ngunazange keke, hi chitapo ko; mumu chejile mukutambika akwa ululi, alioze mukutambika yivulumunyi alikonyeke.

A-ROMA 1:17

Mumu ululi wa Zambi kanausololamo wa kukatuka ku Ufulielo, wa kutwala ku Ufulielo: ngwe chinasonewa ngwo, Alioze mukwa ululi kumakenda ku Ufulielo.

A-ROMA 10:10

mumu ni mbunge mutu mafuliela akatambule ululi; mba ni kanwa matayiza akatambule ulamwino.

A-ROMA 16:7

Menekenu Androniku ni Yuniya usoko wami, ni funge-ni-akwetu, waze ali ni lufuma hakachi ka apostolo, waze nawa apwile muli Kristu shimbu yami te kanda ngupwamo.

A-ROMA 5:21

Hanga chizechene ngwe shili yayulile mu kufwa, chocho nawa vumbi likayule ku ululi ndo ku mwono wa mutolo mumu hali Yesu Kristu Mwene wetu.

A-ROMA 8:1

Kashika uhiso wakuhi niumwe haliapwila kuli waze ali muli Kristu Yesu.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

2 Korintu 5:17

Kashika kachi umwe mapwa muli Kristu, kachi iye chitanga chaha; yuma yikulu hiyinahu; yuma yeswe yinapu yaha.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 2:16

hindu nikunyingika ngwetu, Mutu keshi kumusambisa ku yitanga ya shimbi, alioze ha kufuliela Yesu Kristu, chipwe yetu twafulielele Kristu Yesu, hanga akatusambise kuufulielo kuli Kristu; hi ku yitanga ya shimbi ko: mumu ku yitanga ya shimbi kechi kasambisa niumwe.

Shimbi 27:26

Kashingiwa mutu yoze keshi kukolesa maliji a shimbi yino mukwalinga. Atu eswe até ngwo, Amene.

Filipu 3:6

Ha kutwala ku kulinga ni mbunge yeswe nahungumionene chikungulwila; ha kutwala ku ululi uze uli mu shimbi, te chishi chitela.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

Titu 3:5

hi ku yitanga ya ululi ko, yize twalingile yetwene, aiioze nikulita ni keke yenyi yinene watulamwinyine, ku kusanyisa cha kusema chaha, ni kupwisa chaha cha Spiritu Musandu.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

Tiangu (Jake) 3:2

Mumu yetu eswe twakutalinga kanji, kachi umwe keshi kutalinga ha liji, iye mutu mungunu, kanahase kuhombola mujimba weswe nawa.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

1 Yoano 3:4

Mweswawo mavulumiona, iye chihulia nawa; ni shili we uhulia.