Filipu 3:8 - MUKANDA USANDU WA ZAMBI 1975

⁸ Ewa, chamwenemwene nakunyonga nawa yuma yeswe kupwa ngwe kufulwa ha ulemu wa yinyingi ya Kristu Yesu, Mwene wami; hali iye natokesele yuma yeswe, nakuyinyonga yiswaswa lume, hanga ngukazuke Kristu,

Mukanda Wa Zambi 1970

⁸ Alioze hi yino wika ko; nakunyonga nawa ngwami, yuma yeswe yili yamokomoko, mumu ha Chuma chize chinahiana, chinyingi cha Yesu Kristu Mwene wami. Mumu hali iye hingunambila yuma yeswe. Nakuyinyonga ngwe yiswaswa hanga nguzuke Kristu,

Filipu 3:8 Iomraidhean Croise

1 Yitanga Ya Mianangana 14:10

Kashika munguneha yipi ha munyachi wa Jeroboame. Mungusutula kuli Jeroboame mwana mweswe wa lunga, ni wa kukasa, ni wa kutusula mu Izalele. Mungukomba munyachi wa Jeroboame ngwe mutu kakukomba pinga ndo yeswe hiyahwa.

1 MIANANGANA 9:37

mba mujimba wa Jezebele kumuukapwa ngwe pinga mu munda wa Yezerele, chocho kechi kuhasa kwamba ngwo, Au Jezebele.

Jobe 20:7

hindu kumakakuwa lume ngwe tuji twenyi ni waze amumwene mamba ngwo, Kuli ali?

Miaso (Masamu) 126:6

Yoze maya nikumbata mbuto ya kukuwa ni kulila, kumeza nawa ni uwahililo nikuneha yichita yenyi.

Miaso (Masamu) 73:25

Iya nguli nenyi mwilu shina yena wika? Chipwe hashi niumwe keshiho yoze namuzanga shina yena.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Malaki 2:3

Mungukánjisa mbuto ye, mungukwita tuji ha meso jenu, tuji ja milambu yenu, ni yenu manumbata hamwe nayo.

Kwalula 14:30

chamwenemwene kunuchi kaheta ku che chifuchi, ha kutwala ku chenacho nalakenyene ni shingo ngwami, Mungukanutwamisamo, shina Kalemba, mwana wa Yefune, ni Yoshua, mwana wa Nune.

Luka 1:43

Kuchi te hangwaha chino, te naye ya Mwene wami meza kuli yami?

Luka 11:20

Alioze kachi ni munwe wa Zambi yami nakutuhwisa andemoniu, kachi wanangana wa Zambi hiuneza hali yenu.

Yoano 14:20

Ha tangwa lize kumunukanyingika, yami nguli muli Tata, ni yenu muli yami, ni yami muli yenu.

Yoano 14:7

Kachi nwangunyingika kachi nwanyingika Tata nawa: chize ku haliapwila ndo kulutwe nunamunyingika, hinunamumono.

Yoano 16:3

Yino yuma makalinga, mumu kanyingikine Tata, chipwe yami, ka.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 20:13

O yamba kuli iye ngwo, Pwo, kuchi te unalili? Iye yamba kuli ayo ngwenyi, Mumu hachiza Mwene wami, Chanyingikine kuze hamusa.

Yoano 20:28

Tomase wamukumbulwile ngwenyi, Mwene wami kanda Zambi yami.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

A-ROMA 8:18

Mumu nakunyonga ngwami, Lamba lia mwakono kuliatelele kulieseka ni uhenya uze makausolola muli yetu.

A-ROMA 8:39

chipwe usuku kwilu, chipwe usuku kushi, chipwe chuma chikwo chize atangile, nichimwe muchihasa kutuhandununa ku zango lia Zambi lize lili muli Kristu Yesu Mwene wetu.

1 Korintu 2:2

Mumu napatwile ngwami, chichi kunyingika nichimwe hakachi kenu shina Yesu Kristu, wa kuliachila ha kulusu.

1 Korintu 9:10

Shina kanachambe mumu hali yetu? Ewa, mumu hali yetu chasonewene: mumu yoze machipa chamutamba kuchipa nikutalatala, ni yoze meta mbuto, meta nikutalatala kutambula chihanda chayo.

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

Galashia 1:16

mukusolola Mwanenyi muli yami, hanga ngukamwambujole hakachi ka akwa mavungu; haze hene chahanjikile ni atu a musunya ni manyinga,

Efesu 4:13

ndo yetu eswe mutuheta ku kununga cha Ufulielo, ni ku chinyingi cha mwe Mwana Zambi, kuli mutu mungunu, ku cheseko cha Chizundamo cha kuzala tò cha Kristu:

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

Filipu 3:10

hanga ngukamunyingike, ni tachi ja Uhindukilo wenyi, ni kulikunda cha lamba lienyi, nikulifwa ni kufwa chenyi;

Filipu 3:12

Kuchapwile ngwe hingunazuku kulu, hanji hingunapu mungunu, ka; alioze nakukaula, kachi nawa ngukazuke chuma chize ha chiyo anguzukile nawa kuli Kristu Yesu.

Filipu 3:7

Alioze yuma yize yapwile kuli yami ngwe kufumbuka, yino nanyongene kupwa kutokesa mumu hali Kristu.

2 Timoteu 4:6

Mumu himungutehuka, mwaka wa kutusuka chami hiweza.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

1 Petulu 2:7

Kuli yenu kashika, nwakufuliela, iye mulemu: alioze kuli waze keshi kwononoka, liwe lia lutwe lia mbango.

2 Petulu 1:2

Vumbi ni sambukila yikalumbame kuli yenu, mu yinyingi ya Zambi ni ya Yesu Mwene wetu.

2 Petulu 1:3

Se tachi jenyi ja Uzambi hijinatwehe chawana yuma yeswe ya kutwala ku mwono ni uwayilo, ku chinyingi cha yoze watutambikile ni uhenya wenyi mwene ni kuhiana chenyi mwene.

2 Petulu 1:8

Mumu kachi yuma yino yili muli yenu ya kulumbama, kuyakunupwisa hanga kunuchi kulelumioka chipwe kunuchi kuseka ha kutwala ku yinyingi ya Mwene wetu Yesu Kristu.

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.

1 Yoano 1:3

yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu:

1 Yoano 2:19

Atuhukile mukachi ketu, aiioze kapwile a kuli yetu; mumu kachi apwile a kuli yetu, kachi atwamine hamwe ni yetu, aiioze hanga akaasolole ngwo, O eswe hi a kuli yetu ko.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.