Filipu 3:3 - MUKANDA USANDU WA ZAMBI 1975

³ Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Mukanda Wa Zambi 1970

³ Mumu yetu, tuli ngalami amwenemwene, hi ngwe ayo ko, mumu twakuwayila Zambi ku tachi ja Mwiku wenyi, twakulisamba mu kulinunga chetu ni Kristu Yesu. Kutushi kufuliela ndako ya uutu.

Filipu 3:3 Iomraidhean Croise

Miaso (Masamu) 105:3

Lisambenu mu jina lienyi lisandu. Mbunge ja akwa kufupa Yehova jikawahilile.

Izaya 45:25

Muli Yehova ana eswe a Izalele makumba ni kulisamba.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 9:26

A-Engitu, ni A-Yunda, ni A-Endome, ni ana ja Amone, ni A-Moape, ni waze eswe atwama mu puya akupatula mbango ja kambu jo, mumu mavungu wano eswe yilima, ni akwa munyachi wa Izalele eswe kapwa yilima mu mbunge.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

A-ROMA 1:9

Mumu Zambi iye chela chami, yoze nakumulingila ni spiritu yami mu sango lipema lia Mwanenyi, ngwe nakunuvulwoka mu yilemba yami nikulitwamina nichimwe;

A-ROMA 15:17

Chize chakulisamba nacho kashika nguli nacho muli Kristu Yesu ni yuma ya kutwala kuli Zambi.

A-ROMA 7:6

Alioze haliapwila tunatusuka ku shimbi, se twafwile ku chize twakwachikilemo; chocho twakuvumbika mu yuma yaha ya Spiritu, hi mu yuma yikulo ko ya lusona.

A-ROMA 8:15

Mumu yenu kunwatambwile Spiritu ya undungo cheka nawa mukwivwa woma; alioze nwatambwile Spiritu ya kunupwisa ana, yoze twakuteta nenyi ngwetu, Ta-ta, Tata.

A-ROMA 8:39

chipwe usuku kwilu, chipwe usuku kushi, chipwe chuma chikwo chize atangile, nichimwe muchihasa kutuhandununa ku zango lia Zambi lize lili muli Kristu Yesu Mwene wetu.

A-ROMA 9:6

Alioze kuchapwile ngwe hanji liji lia Zambi Hahona. Mumu hi eswe ko apwa A-Izalele, waze a kuli Izalele:

2 Korintu 11:18

Se anji kakulisamba nikulita ni musunya, ni yami nawa mungulisamba.

Galashia 5:25

Kachi tuli ni mwono muli Spiritu twendenu nawa muli Spiritu.

Galashia 6:16

Ni waze eswe akwenda nikulita ni cheseko chino, sambukila yikapwe hali ayo, ni keke, ni hali akwa Izalele ja Zambi.

Efesu 6:18

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

Shimbi 10:16

Nulipwise ngalami, nuchize ulima wa mbunge jenu, kanda nupwa akwa kupangula nawa.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

Filipu 3:12

Kuchapwile ngwe hingunazuku kulu, hanji hingunapu mungunu, ka; alioze nakukaula, kachi nawa ngukazuke chuma chize ha chiyo anguzukile nawa kuli Kristu Yesu.

Filipu 3:14

Nakuhanga nikuhetula meso ku songo ha kwononona cha kutambika cha kwilu cha Zambi muli Kristu Yesu.

Kolosu 2:11

Muli iye hananupwisa ngalami, ni ungalami hi wa kulinga ni moko ko, ha kuzula mujimba wa musunya mu ungalami wa Kristu;

Yuda 1:20

Alioze yenu, akwetu a zango, lijikijilenu ha Ufulielo wenu usandu wahiana, nikulemba muli Spiritu Musandu.