Filipu 3:1 - MUKANDA USANDU WA ZAMBI 1975

¹ Ha yize yinasala, mandumbu jami, wahililenu muli Mwene. Kusoneka yuma yimuwika kuli yenu, chamwenemwene kuchishi kunguvwisa yikatalo, alioze hali yenu muchinufunga kawape.

Mukanda Wa Zambi 1970

¹ Ni haliabwila, akwetu, wahililenu mu kuliendela ni Mwene. Chishi kwivwa yikatalo mu kunusonekena nawa yuma yize hingunanusonekena kulu. Kuli yenu yili shindakenyo.

Filipu 3:1 Iomraidhean Croise

1 Sango Ja Mianangana 15:28

Chocho A-Izalele eswe anehene mushete wa usendo wa Yehova ni kulikwiza chinji, ni liji lia njalamina, ni yitavwi, ni sembalu, nikwimba ni tachi ni yisaji ya kusa ni tulialia.

1 Sango Ja Mianangana 16:10

Lisambenu mu jina lienyi lisandu. Mbunge ja akwa kufupa Yehova jika-wahilile.

1 Sango Ja Mianangana 29:22

Yalia, yanwa kumeso ja Yehova ha tangwa lize ni uwahililo wunji. Mba yaswanyisa Solomone mwana David wanangana chisuho chamuchiali nikumuzu jila maji kuli Yehova akapwe mwanangana, ni Zadoke aye akapwe sasendote.

Nehemia 8:10

Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Jobe 22:26

mba muwahilila muli Mukwa-Ndundo-Jeswe nikuhetula meso je kuli Zambi.

Miaso (Masamu) 149:2

Izalele akawahilile muli yoze wamutangile. Ana ja Zaione akawahilile muli mwanangana wo.

Miaso (Masamu) 32:11

Ivwenu chiseke muli Yehova, wahililenu yenu akwa ululi; likwizenu, wahililenu yenu eswe nwalulama mu mbunge.

Miaso (Masamu) 33:1

Wahililenu muli Yehova yenu akwa ululi. Uhaliso kuwatela hali akwa kululama.

Miaso (Masamu) 37:4

Wahilila nawa muli Yehova, iye kumakwaha cheswe unazange mu mbunge ye.

Miaso (Masamu) 42:4

Yuma yino nakuyiwuluka nikutehuna mbunge yami muchima liami, chize nayile ni mbunga nikwatetekela ku zuwo lia Zambi ni liji lia uwahililo ni uhaliso; te chendo cha atu analingi chiwanyino.

Miaso (Masamu) 5:11

Waze eswe akuswama muli yena akawahilile, ku miaka yeswe akalikwize, mumu yena wakwafunga. Waze eswe akuzanga Jina lie awahilile muli yena.

Miaso (Masamu) 97:1

Yehova kanayulu, hashi hakalikwize, ni mbunga ya matungu akawahilile.

Izaya 41:16

Munukayifuza ni fuji muyikayihehula. Kangonga makaamwanga. Mba munukawahilila muli Yehova; munukalisamba muli mwe Musandu wa Izalele.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Izaya 65:14

Tuvumbi twami makemba ni chiseke mu mbunge, alioze yenu munuteta ni yikola mu mbunge, munulila mbimbi mumu ha chikulikuli mu Spiritu jenu.

Joele 2:23

Enu ana ja Zaione, Wahililenu. Likwizenu muli Yehova Zambi yenu, mumu kakunwaha vula musazu nikulita. Kakunutuma vula, ni vula musazu, ni vula wa samakwasa ha kakweji mutangu.

Zefania 3:14

Ena mwana-pwo Zaione, imba ni liji linene. Ena Izalele, kololoka! Ena mwana-pwo Yerusaleme wahilila ni kulikwiza ni mbunge ye yeswe.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Zakaria 10:7

Henaho Eframe malumuka ngwe kajita wa ndundo, ni mbunge jo mujikapwa ni chiseke ngwe cha vinyu. Ana jo makachimona; makawahilila, ni mbunge jo mujikalikwiza muli Yehova.

Mateu 5:12

Wahililenu, likwizenu, mumu kwononona chenu chinene mu malilu: mumu chocho ahungumionene aprofeta waze aliangilile.

Luka 1:47

Spiritu yami hiyinalikwiza muli Zambi Chilamwina chami.

A-ROMA 5:11

hi chize wika ko, alioze twakulisamba muli Zambi kuli Mwene wetu Yesu Kristu, kuli iye haliapwila hitunatambula uwanyino.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

Efesu 6:10

Ha yize yinasala, mandumbu jami, ngwami, Likolezenu muli Mwene, ni mu ngolo ja ndundo jenyi.

Shimbi 12:18

Alioze nukayilile kumeso ja Yehova Zambi yenu kuze makatongola Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, nukawahilile kumeso ja Yehova Zambi yenu ni yeswe munulinga ni moko jenu.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.

Filipu 4:8

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

1 Tesalonika 4:1

Ha yize yinasala, mandumbu, tunaliumbu, nikunushinjila muli Mwene Yesu, chizechene ngwe nwatambwile kuli yetu, ngwe chize Chanutamba kwenda ni kupemena kuli Zambi, chizechene ngwe nwakwenda, hanga nukalumbamemo nawa ni nawa.

1 Tesalonika 5:16

Wahililenu matangwa eswe.

Tiangu (Jake) 1:2

Mandumbu jami, muze yeseko yeka ni yeka muyinuwana, chinyongenu kupwa uwahililo weswe;

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.

1 Petulu 4:13

Alioze se nuli akwa kuhangana ni lamba lia Kristu, wahililenu; hanga ha usolwelo wa uhenya wenyi nawa nukawahilile nikulikwiza.

2 Petulu 3:1

Akwetu a zango, uno mukanda wamuchiali ngunasoneka kuli yenu; mu yeswe yiali ngunakasumuna kunyonga chenu cha kutuwika ha kunwiwulula.

1 Samuel 2:1

Mba Hana walembele ngwenyi, Mbunge yami yinawahilila muli Yehova, mbinga yami yazunduka muli Yehova. Kanwa liami hiliatoha helu lia akwa kole jami, mumu ngunawahilila mu ulamwino we.