Filipu 2:9 - MUKANDA USANDU WA ZAMBI 1975

⁹ Kashika Zambi hanamunangamisa chikolo, hanamwehe jina lize lili helu lia majina eswe;

Mukanda Wa Zambi 1970

⁹ Kashika Zambi hanamunangamisa kuhiana, hanamwehe jina lize liahiana majina eswe,

Filipu 2:9 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Miaso (Masamu) 110:1

Yehova kanambe kuli Mwene wami, ngwenyi, Twama ku chindume chami ndo mungupwisa akwa kole je chitwamo cha yiliato ye.

Miaso (Masamu) 110:5

Mwene kwali ku chindume che, kumakalokola ndusu mianangana ha tangwa lia ufwatulo wenyi.

Miaso (Masamu) 89:27

Kumungumupwisa mwanami mutangu, yoze wanangama kuhiana mianangana a hashi.

Miaso (Masamu) 91:14

Mumu hangusela zango lienyi kashika mungumupulula. Mungumutwamisa kwilu mumu hanyingika jina liami.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 13:3

Yesu, nikunyingika ngwe mwe Tata hanamwehe yuma yeswe mu moko jenyi, ngwe kuli Zambi wakatukile, ni kuli Zambi maya.

Yoano 17:11

Ni yami chishi nawa hano hashi, ni wano hwali hano hashi, yami mungwiza kuli yena. Tata Musandu, uafunge kama mu jina lia yena mwene, waze hiunangwehe, hanga akapwe umuwika, chizechene ngwe yetu.

Yoano 17:12

Muze napwile hamwe no hashi, naatangile mu jina lie waze hiunangwehe: naalayile, mba niumwe wa kuli ayo watokele, shina mwe mukwa utoke; hanga chisoneko chikamanunuke.

Yoano 17:5

Haliapwila, nguchichimieke, Tata, hamwe ni yena ni uhenya uze napwile nawo hamwe ni yena, muze te hashi kanda hapwa.

Yilinga 5:31

Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga.

Efesu 1:10

ndo ku kuyula cha kumanunuka cha miaka, hanga akaswise yuma yeswe muli Kristu, yuma yize yili mu malilu, ni yuma yize yili hano hashi, muli iye ngwami.

Kolosu 1:18

Iye we mutwe wa mujimba, che chikungulwila: iye we uputukilo, mutangu kusemuka hakachi ka afu; hanga akapwe ni muhela utangu helu lia yuma yeswe.

2 A-TESALONIKA 1:12

hanga akachichimieke jina lia Mwene wetu Yesu muli yenu, ni yenu muli iye, nikulita ni vumbi lia Zambi yetu ni lia Mwene Yesu Kristu.

Hebreu 1:4

Se yahiana chikolo angelo, chizechene ngwe hanahingi jina lia kwahiana.

Hebreu 1:9

Hiunazange ululi, ni ungulungulu wakukupihila; kashika Zambi, iye Zambi ye, hanakuwayisa ni maji a kulikwiza kuhiana akwenu.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Hebreu 2:9

Alioze tunamono Yesu, yoze amupwishile ha shimbu likepe kushi lia angelo, mumu ha lamba lia kufwa, hanamuse chipangula cha uhenya ni ulemu, hanga ku vumbi lia Zambi akamone kufwa hali atu eswe.

1 Petulu 3:22

yoze kwali ku kwoko lia chindume lia Zambi, se hanayi mwilu; angelo ni akwa kuyula ni tachi nikuzeyela kuli iye.

2 Petulu 1:17

Mumu watambwile kuli Zambi mwe Tata ulemu ni uhenya, muze ahanjikile liji lino kuli iye ku uhenya wa ulamba ngwo, Yono mwe Mwanami, ngunamuzange chikolo, muli iye ngunawahilila.

3 Yoano 1:7

Mumu ha jina lienyi hanatuhuka, katambwile nichimwe kuli akwa mavungu.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.

Usolwelo 5:12

Kanambe ni liji linene ngwo, Mwe Mwana-panga yoze hanamushihi katela kutambula tachi, ni upite, ni mana, ni ngolo, ni ulemu, ni uhenya, ni lufuma.