Filipu 2:3 - MUKANDA USANDU WA ZAMBI 1975

³ Kanda nulinga nichimwe ku Spiritu ya kulitachika, hanji ya uhenya wamokomoko, alioze ni mbunge ya kulikehesa, mweswe anyonge ngwenyi, Mukwetu wanguhiana.

Mukanda Wa Zambi 1970

³ Kanda nulinga nichimwe ni kulitachika, chibwe kulisuta, chibwe kulichichimieka. Alioze likehesenu ku meso ja akwenu; mutu mweswe anyonge ngwenyi, mukwetu kananguhiana.

Filipu 2:3 Iomraidhean Croise

Yishima 13:10

Ku kulengumuka wika kuneza kulitachika; alioze mana kwali kuli mukwa kulongoloka.

Luka 18:14

Ngunambe kuli yenu ngwami, Yono wapalumukine ku zuwo lienyi mukwa kusamba, hi mukwo ko. Ni mweswe malinangamisa makanuhetesa; alioze yoze malilelesa kumakamunangamisa.

A-ROMA 12:10

Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo.

A-ROMA 13:13

Twendenu ngwe chinalite, ngwe mu mwalwa; hi mu chimbangwinya ko, hi ni kuzengewa ko, hi ni ukoi ko, hi ni ujila ko, hi ni vunda ko, hi ni ukwa ko.

A-ROMA 2:8

alioze kuli akwa pami, ni waze keshi kwononoka ku umwenemwene, alioze akwononoka ku uhenge, kumukukapwa utenu ni ufwatulo,

1 Korintu 15:9

Mumu ami nguli mukepe Wahiana eswe a kuli apostolo, chatelele akanguvuluke ngwo, Postolo, mumu nahungumionene chikungulwila cha Zambi.

1 Korintu 3:3

Mumu nuchili akwa musunya: mumu se kuyili hakachi kenu, ni ukwa, ni vunda, ni kuhangujola, hi nuli akwa musunya ko, nyi? Kunwendele nikulita ni atu, nyi?

2 Korintu 12:20

Mumu ngunevu woma kuchina hanji muze mungwiza mungunuwana ngwe chize chazangile, ni yami mwene mununguwana ngwe chize yenu kunwazangile; kuchina hanji mukukapwa vunda, ni ukwa, ni ufwatulo, ni kulimanangana, ni kakowelo, ni kalundanganyishi, ni kulifuza ni yizungozungo.

Galashia 5:15

Alioze kachi munulisuma nikuliwumbula umwe ni mukwo, kanyamenu kuchina munuluka.

Galashia 5:26

Kanda tuzanga uhenya wamokomoko, kanda tulihia umwe ni mukwo, kanda tupwa ni lufwachinda umwe kuli mukwo.

Efesu 4:2

ni mbunge yeswe ya kulikehesa, ni umbovu, hamwe ni uhomboloji, nikulihumikiza umwe kuli mukwo mu zango,

Efesu 5:21

Lizeyelenu umwe kuli mukwo mu woma wa Kristu.

Filipu 2:14

Lingenu yuma yeswe ni kulinyenyeta nichimwe, ni kuhangulula nichimwe;

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

Kolosu 3:8

Alioze haliapwila mbilenu yino yuma yeswe; ni utenu, ni ufwatulo, ni uhuka, ni kushililika, ni kuhanjika cha sonyi mu makanwa jenu.

1 Timoteu 6:4

kanalifuzu, kanyingikine nichimwe, alioze kanahazwoka ha kutwala ku yihula ni kuhangujola cha maliji, kwenako kwakukatuka lufwachinda, ni vunda, ni kushililika, ni yishinginyeka ya ungulungulu,

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.