Filipu 2:12 - MUKANDA USANDU WA ZAMBI 1975

¹² Chocho kashika, yenu akwetu a zango, chizechene ngwe nwakwononoka matangwa eswe, hi kumeso jami wika ko, alioze haliapwila Shinaho chikolo se yami chishiko, manununenu ulamwino wa yenwene ni woma ni kuchikima;

Mukanda Wa Zambi 1970

¹² Akwetu matangwa eswe nwangwononokenene muze nabwile hamwe nenu. Chibema nawa nungwononokene haliabwila muze yami chishiko. Senu tachi ni kumanununa ulamwino wenu ni woma ni kuchikima.

Filipu 2:12 Iomraidhean Croise

Ezra 10:3

Haliapwila tukolesenu usendo ni Zambi yetu tukalakule mapwo eswe ni ana jo eswe nikulita ni longeso lia yena mwata wami ni waze akuchikima ha shimbi ja Zambi yetu. Tulingenu chuma chino nikulita ni shimbi.

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 2:11

Vumbikenu Yehova ni woma. Wahililenu nikuchikima.

Yishima 10:16

Kuhondangana cha mukwa ululi chatwala ku mwono, alioze kufumbuka cha chingulungulu chatwala ku shili.

Yishima 13:4

Mbunge ya chileya kuyakuzanga, hindu keshi nichimwe; alioze mbunge ya chipalakata kumuyikatoha.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Mateu 11:12

Chize ku matangwa ja Yoano Chipapachisa ndo haliapwila kakutambula wanangana wa malilu ni tachi, ni akwa tachi kakuutambula ni tachi.

Mateu 11:29

Lilemenu ni kanga yami, lilongesenu kuli yami; mumu nguli mukwa kushimbika, mukwa kulilelesa mu mbunge; mba kumunukawana uhwimino ku mbunge jenu.

Yilinga 16:29

Iye wechile lutemo, wanjilile fuji, nikuchikima, wafulamanyine kumeso ja Paulu ni Saila,

Yilinga 9:6

Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

1 Korintu 2:3

Napwile hamwe ni yenu ni ulelu ni woma ni kuchikima chinji.

1 Korintu 4:14

Chasonekene yino yuma mukunukolesa sonyi, alioze mukunukanyamisa ngwe ana jami ngunanuzange chikolo.

2 Korintu 7:15

Ni kuzanga chenyi kuchalumbama chikolo kuli yenu, shimbu anewuluka kwononoka cha yenu eswe, ngwe ni woma nikuchikima nwamutambwile.

Efesu 6:5

Yenu ndungo, Ononokenu kuli waze nikulita ni musunya anapu akakenu, ni woma, ni kuchikima, ni kutuwika cha mbunge jenu, chizechene ngwe kuli Kristu.

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

Filipu 1:29

Mumu hananwehecho ni vumbi mumu hali Kristu hi kumufuliela wika ko, alioze kwivwa lamba nawa mumu hali iye.

Filipu 1:5

mumu ha kulikunda chenu ni yami mu sango lipema, chize ku tangwa litangu ndo haliapwila.

Filipu 1:6

Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu.

Filipu 2:19

Ngunatalatala kuli Mwene Yesu ngutume Timoteu kuli yenu kulutwe lia shimbu likepe, hanga ni yami nawa ngukahuzuluke muze mungunyingika ha kutwala kuli yenu.

Filipu 4:1

Kashika, mandumbu jami a zango, nakunuvwila usona, uwahililo wami ni chipangula chami, chocho manenu ngú muli Mwene, akwetu a zanga.

Filipu 4:15

Ni yenwene nawa nunanyingika, yenu A-Fwilipu, ngwe ha uputukilo wa sango lipema, muze nakatukile ku Masendoniya, chikunpilwila nichimwe kuchalianyinyine ni yami ha kutwala ku kuhana ni kutambula, shina yenu wika;

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

2 Timoteu 2:10

Ha chikuma chino nakunyongonona mu yuma yeswe, mumu hali waze hanaatongola, hanga akazuke ulamwino uze uli muli Kristu Yesu, hamwe ni uhenya wa mutolo.

Hebreu 12:1

Kashika, se kanatuseleka ni mbunga yinene yipwa haha ya yela, tumbilenu milalu yeswe ni shili yize ya kutulimbalimba chashi chichize, tunyongononenu kuzombokela jila yize hanase kulutwe lietu.

Hebreu 4:1

Twivwenu woma kashika, kuchina hanji, se hanatuhichikila chilakenyo cha kunjila mu uhwimino wenyi, umwe wa kuli yenu mamumona ngwe kanachihono.

Hebreu 4:11

Tulipupwisenu kashika kunjila mu uhwimino uze, hanga niumwe kechi kalimbuka ni cheseko chimuwika cha uhulia.

Hebreu 5:9

Mba se hanamupwisa mungunu iye kapwa mwe Kaputu ka ulamwino wa mutolo kuli waze eswe akumwononokena.

1 Petulu 2:11

Akwetu a zango, ngunaliumbu kuli yenu ngwe ngeji ni njize nukasúle ku usolo wa musunya uze wakwasa jita ni mbunge.

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.