Filipu 1:9 - MUKANDA USANDU WA ZAMBI 1975

⁹ Chino nakulemba, hanga zango lienu likalumbame nikuliwezela mu yinyingi yeswe ni mana;

Mukanda Wa Zambi 1970

⁹ Nakunulembela Zambi hanga zango lienu likalumbame hamwe ni chinyingi chamwenemwene ni mana.

Filipu 1:9 Iomraidhean Croise

Jobe 17:9

Mukwa ululi kanalikoleza mu jila yenyi; mukwa kupema ku moko kanayi nikuliwezela tachi.

Miaso (Masamu) 119:66

Ungulongese upatwilo upema ni mana, mumu kunafuliela shimbi je.

Yishima 4:18

Alioze jila ya mukwa ululi yapwa ngwe kutemuka cha kucha; chakuliwezela tachi ndo tangwa ha muchima.

1 Korintu 14:20

Mandumbu, kanda nupwa ana mu kunyonga chenu: hindu mu uhuka pwenu ana-akemba, alioze mu kunyonga pwenu makulwana.

2 Korintu 8:7

Alioze chizechene ngwe nunalumbama mu yuma yeswe, ni mu Ufulielo, ni mu liji, ni mu yinyingi, ni mu kulipupwisa cheswe, ni mu zango lienu kuli yetu, hanga nukalumbame mu vumbi lino nawa.

Efesu 5:17

Kashika kanda nukazuzuka, alioze nyingikenu chize wapwa upale wa Mwene.

Kolosu 1:9

Ha chikuma chino, ni yetu nawa, chize ku tangwa lize twachivwile, kutushi kulitwamina kunulembela ni kunwichila, hanga nukazale tò ni yinyingi yeswe ya upale wenyi ni mana eswe ni malinjekela ja uspiritu;

Kolosu 3:10

nunazala mutu mwaha, yoze kanamupwisa mwaha ha yinyingi yeswe, nikulita ni kulifwa cha yoze wamutangile:

1 Tesalonika 3:12

Ni Mwene akanuwezele zango lia kulumbama umwe kuli mukwo, ni kuli atu eswe, chizechene ngwe yetu twakulinga kuli yenu;

1 Tesalonika 4:1

Ha yize yinasala, mandumbu, tunaliumbu, nikunushinjila muli Mwene Yesu, chizechene ngwe nwatambwile kuli yetu, ngwe chize Chanutamba kwenda ni kupemena kuli Zambi, chizechene ngwe nwakwenda, hanga nukalumbamemo nawa ni nawa.

2 A-TESALONIKA 1:3

Chatutamba kusakwila kuli Zambi matangwa eswe hali yenu, mandumbu, ngwe chinalite, mumu Ufulielo wenu kuwakutatuka kuhiana, ni zango umwe kuli mukwo ni mukwo hakachi ka yenu eswe kuliakuiumbama.

Filemu 1:6

hanga kuliendela cha Ufulielo we chikalinge mukutayiza yuma yeswe yipema yize tuli nayo muli Kristu.

Hebreu 5:14

Alioze kulia cha tachi kuchapwa hali waze hakola, waze mumu ha mukunda wa kulijilila, mana jo akwete a kulifumba, akase chinyingi hakachi ka chize chipema ni chipi.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.