Filipu 1:7 - MUKANDA USANDU WA ZAMBI 1975

⁷ Chizechene ngwe chinangutela kunyonga chino hali yenu eswe, mumu nguli ni yenu mu mbunge yami; mumu chipwe mu makana jami, ha kufunga ni kukolesa sango lipema, yenu eswe nuli akwa kulianyina ni yami ha vumbi.

Mukanda Wa Zambi 1970

⁷ Chinalite ngubwe ni manyonga wano hakutwala kuli yenu eswe, mumu nakununyonga mu mbunge yami matangwa eswe. Mumu eswe hinunatambula Chihanda cha utu uze angulwezele Zambi, chibwe haliabwila muze nguli mu zuwo lia lamba, ni muze nabwile mukwa kutusuka. Nwakufunga ni kukolesa Sango Jibema hamwe ni yami.

Filipu 1:7 Iomraidhean Croise

Yilinga 20:23

shina Spiritu Musandu kakungushindakenya chikolo mu membo eswe, ngwenyi, Malenge ni luyinda yinakutwaminyina.

Yilinga 21:33

Hohene manjolo wakundamine, wamukwachile, wambile amukase ni malenge aali; iye wahulile jina lienyi, ni chize alinga,

1 Korintu 13:7

kuliakufuka yuma yeswe, kuliakufuliela yuma yeswe, kuliakutalatala yuma yeswe, kuliakunyongonona mu yuma yeswe.

1 Korintu 9:23

Nakulinga yuma yeswe mumu ha sango lipema, hanga nalio ngukapwe mukwa kuliangana-ni-mukwo.

2 Korintu 3:2

Yenu nunapu mukanda wetu, kuunasonewa mu mbunge jetu, kanaunyingika, kanautange kuli atu eswe;

2 Korintu 7:3

Chambile chino kunuhisa: mumu hingunambe kulu ngwami, Yenu nuli mu mbunge jetu tukafwe hamuwika, tukatwame ni mwono hamuwika.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Efesu 3:1

Ha chikuma chino yami Paulu, funge ya Kristu Yesu mumu hali yenu akwa mavungu,

Efesu 4:1

Yami kashika, funge muli Mwene, ngunaliumbu kuli yenu, nukende ngwe chinatela kutambika chize hananutambika nacho,

Efesu 6:20

ha liyo nguli kanganda mu malenge; hanga ngukahanjike ni hamu, chizechene ngwe changutamba kuhanjika.

Filipu 1:12

Alioze mandumbu, ngunazange nunyingike ngwe yuma yize yanguwanyine hiyinapu ya kusenyesa kulutwe lie sango lipema.

Filipu 1:13

Chocho makana jami asotokele muli Kristu hakachi ka maswalale a Sesare, ni kuli akwo eswe.

Filipu 1:14

Ni anji ahiana a kuli mandumbu nikulikolela kuli Mwene ha makana jami, kanahiana kuhamuka mukuhanjika liji lia Zambi ni woma wakuhi.

Filipu 1:5

mumu ha kulikunda chenu ni yami mu sango lipema, chize ku tangwa litangu ndo haliapwila.

Filipu 2:22

Alioze yenu nunanyingika chinyingi cha iye, ngwe mwana kuli tato, chocho iye walingile hamwe ni yami mukusenyesa kulutwe sango lipema.

Filipu 4:14

Hindu nwalingile kanawa nwalianyinyine ni luyinda wami.

Filipu 4:15

Ni yenwene nawa nunanyingika, yenu A-Fwilipu, ngwe ha uputukilo wa sango lipema, muze nakatukile ku Masendoniya, chikunpilwila nichimwe kuchalianyinyine ni yami ha kutwala ku kuhana ni kutambula, shina yenu wika;

Filipu 4:3

Ewa, ngunaliumbu kuli yena nawa, chikwashi-ni-mukwetu ngwami, Kwasa kama wano mapwo, mumu akilikichile hamwe ni yami mu sango lipema, ni Kelemente nawa, ni akwa milimo-ni-akwetu akwo, waze majina jo mwali mu mukanda wa mwono.

Kolosu 4:18

Kumeneka cha yami Paulu, ni kwoko lia yami mwene. Iwulukenu makana jami. Vumbi likapwe ni yenu.

Kolosu 4:3

Lembenu ha shimbu lize liene hali yetu nawa, hanga Zambi akatwazulwile pito ha liji, mukuhanjika chijimbikilo cha Kristu, mumu ha chenacho nawa nguli mu makana;

1 Tesalonika 5:5

Mumu yenu eswe nuli akwa pangu, akwa mwalwa: hi tuli akwa ufuku ko, chipwe akwa milima, ka.

2 Timoteu 1:8

Kashika kanda ukevwa sonyi ha Shindakenyo ya Mwene wetu, chipwe hali yami funge yenyi: alioze nyongonona ni utunu ndusu mu yipi hamwe ni sango lipema, nikulita ni tachi ja Zambi;

2 Timoteu 2:9

Mu chuma chino nakwivwa lamba, nguli mu malenge ngwe mukwa kulinga yipi; alioze liji lia Zambi kuliakashiwile.

Filemu 1:13

Nazangile kachi asale hamwe ni yami, hanga akakusalakane ha kunguvumbika mu makana ja sango lipema.

Hebreu 3:1

Kashika, mandumbu asandu, akwa! kulianyina ha kutambika cha mwilu, Zewulenu mwe Postolo kanda mwe Sasendote mukwa lutwe wa kutayiza chetu, iye Yesu.

1 Petulu 4:13

Alioze se nuli akwa kuhangana ni lamba lia Kristu, wahililenu; hanga ha usolwelo wa uhenya wenyi nawa nukawahilile nikulikwiza.

1 Petulu 5:1

Makulwana hakachi kenu, ngunaashinjila, yami nguli mukulwana-ni-mukwo, ni chela cha lamba lia Kristu, yami nawa nguli mukwa kulianyina ha uhenya uze himuusoloka:

2 Petulu 1:13

Nakuchinyonga chipema, shimbu lieswe mungupwa mu mbalaka yino, kunukasumuna ha kunwiwulula;

1 Yoano 3:14

Tunanyingika hitunakatuka ku kufwa ndo ku mwono, mumu twakuzanga mandumbu. Yoze keshi kuzanga, kanatwama mu kufwa.