Filipu 1:6 - MUKANDA USANDU WA ZAMBI 1975

⁶ Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu.

Mukanda Wa Zambi 1970

⁶ Ngunanyingika pundu ngwami, Zambi yoze wabutwile milimo yibema muli yenu, makanyongonona kuyilinga ndoo muze makayimanununa ha Tangwa lia Kristu Yesu.

Filipu 1:6 Iomraidhean Croise

Miaso (Masamu) 138:8

Yehova kumakapwisa chingunu chize cheswe chatwala kuli yami. Yehova, utu wa zango lie wa mutolo. Kanda wehuka yitanga ya moko je. Kuli Njimba mukwa lutwe. Samu lia David.

Yoano 6:29

Yesu waakumbulwile, ngwenyi, Chino che chitanga cha Zambi, hanga nukafuliele yoze hanamutumu iye.

Yilinga 11:18

O muze evwile yino yuma, aholele kulungunga, achichimiekene Zambi, ngwo, Kashika Zambi hanahana kuli akwa mavungu nawa kulikonyekena akatambule mwono.

Yilinga 16:14

Mba umwe pwo, jina lienyi Lindia, mukwa kutalikila mahina a ufungo, wa ku limbo lia Taiatira, mukwa kuwayila Zambi watuvwile: Mwene wazulwile mbunge yenyi kupanjika ku yuma yize ahanjikile Paulu.

1 Korintu 1:8

Yoze nawa kumakanukolesa ndo ku songo, hanga nukasambe ha tangwa lia Mwene wetu Yesu Kristu.

2 Korintu 1:15

Mumu ha ukolelo uno nambile kwiza kuli yenu kulu, hanga nukapwe ni uwape wamuchiali;

2 Korintu 2:3

Nasonekene chino chene, kuchina, muze mungwiza, manguvwisa chinyengo kuli waze chaatamba kunguvwisa kuwahilila; mba nikulikolela kuli yenu eswe ngwami, Uwahililo wami we uwahililo wa yenu eswe.

2 Korintu 7:16

Ngunawahilila mumu ni yuma yeswe ukolelo nguli nawo ha kutwala kuli yenu.

2 Korintu 9:4

kuchina hanji kachi meza hamwe ni yami A-Masendoniya amwe, manuwana kanda nutulika, yetu matukolesa sonyi ha ukolelo uno, hi yenu ko.

Galashia 5:10

Ngunalikolela kuli yenu muli Mwene, ngwami, Kunuchi kapwa ni kunyonga chikwo nichimwe: ni yoze wakunupikala kumakambata uhiso wenyi, apwe mweswawo.

Efesu 4:12

kululika asandu ha milimo ya uvumbiko, mukukolesa mujimba wa Kristu,

Filipu 1:10

hanga nukasele Shindakenyo ha yuma yahiana kupema; hanga nukapwe akwa kutuwika ku mbunge, nukapwe kunushi chitalingiso ndo ku tangwa lia Kristu;

Filipu 1:29

Mumu hananwehecho ni vumbi mumu hali Kristu hi kumufuliela wika ko, alioze kwivwa lamba nawa mumu hali iye.

Filipu 2:12

Chocho kashika, yenu akwetu a zango, chizechene ngwe nwakwononoka matangwa eswe, hi kumeso jami wika ko, alioze haliapwila Shinaho chikolo se yami chishiko, manununenu ulamwino wa yenwene ni woma ni kuchikima;

Filipu 2:13

mumu yoze wakulinga muli kuyenu iye Zambi, kupala ni kulinga ha kuwaha chenyi.

Filipu 2:16

Nukaminyike liji lia mwono; hanga ngukapwe ni chize cha kulisamba nacho ha tangwa lia Kristu, ngwe chazombokele chamokomoko, chipwe chakilikichile chamokomoko.

Kolosu 2:12

se hananufundu hamwe nenyi mu upapachiso, mu wenawo hananuhindwisa nawa hamwe nenyi ku Ufulielo ku kulinga cha Zambi, yoze wamuhindwishile hakachi ka afu.

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

2 A-TESALONIKA 1:11

Kashika twakunulembela matangwa eswe, Zambi yetu akanumone akwa kutela kutambika chenyi, hanga akamanunune kuwaha cheswe cha upeme, ni yitanga yeswe ya Ufulielo, ni tachi;

2 A-TESALONIKA 3:4

Tunalikolela kuli Mwene ha kutwala kuli yenu, ngwetu, Nwakulinga, hindu munukalinga yuma yize tunanwambe.

Filemu 1:21

Se ukolelo nguli nawo ha kwononoka che, ngunasoneka kuli yena, nikunyingika ngwami, Mukalinga kuhiana chize ngunambe.

Hebreu 10:35

Kanda nukambila kashika hamu lienu, lienalio kukundulula chinene likwete.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

2 Petulu 3:10

Alioze tangwa lia Mwene kumulikeza ngwe mwiji ha ufuku: muze malilu makahwa ni lundunjila, ni yuma ya mwilu muyikasangunuka ni chivukuminya cha kahia, ni hashi ni yitanga yize yiliho muyikawema wupu.