Filipu 1:21 - MUKANDA USANDU WA ZAMBI 1975

²¹ Mumu kuli yami i kupwa ni mwono, Kristu, kufwa chapwa i kufumbuka.

Mukanda Wa Zambi 1970

²¹ Mu manyonga jami ngwami, mwono uli Kristu; kufwa chili kuyuka.

Filipu 1:21 Iomraidhean Croise

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

1 Korintu 3:22

chipwe Paulu, hanji Apolu, hanji Sefwa, hanji hano hashi, hanji mwono, hanji kufwa, hanji yuma ya haliapwila, hanji yuma yize muyizaho; yeswe niyenu;

2 Korintu 5:1

Mumu tunanyingika kachi zuwo lietu lia hano hashi, mbalaka yino, mulijindwoka, zuwo tuli nalio lia kuli Zambi, zuwo kalitungile ni moko, lia mutolo mu malilu:

2 Korintu 5:6

Kashika twakuhamuka matangwa eswe, se tunanyingika shimbu tuli muno mu mujimba, kutushiko ku mahietu hamwe ni Mwene:

2 Korintu 5:8

twakuhamuka ngwetu, Tunawaha Shinaho kuhichika mujimba, tukapwe ku mahietu hamwe ni Mwene.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Galashia 6:14

Alioze kanda chikapwa kama kuli yami kulisamba shina mu kulusu ya Mwene Yesu Kristu, ku yenayo hanashihi yuma ya hashi kuli yami, ni yami hanangushihi ku yuma ya hashi.

Filipu 1:20

Nikulita ni usona wami, ni kutalatala chami, ngwami, Ku nichimwe chichi kevwa sonyi, alioze ni hamu lieswe, chizechene ngwe matangwa eswe, haliapwila nawa Kristu mamutomesa mu mujimba wami, chipwe ku mwono, chipwe ku kufwa.

Filipu 1:22

Alioze kachi kupwa ni mwono mu mujimba, kachi chino muchipwa mihuko ya ku milimo yami, kachi chize mungutongola Chanyingikine.

Filipu 1:23

Yino yeswe yiali yinangushinjika, se usona nguli nawo wa kukatuka, ngukaye kuli Kristu; mumu chize chipema chikolo chahiana.

Filipu 2:21

Mumu o eswe kakufupa yuma ya ayo ene, hi yuma ya Yesu Kristu ko.

Kolosu 3:4

Muze makasolola Kristu, iye mwono wetu, hohene ni yenu nawa makanusolola hamwe nenyi mu uhenya.

Usolwelo 14:13

Mba nevwile liji lia kukatuka mwilu ngwo, Soneka ngwe, Kawaha afu aze akufwa muli Mwene, chize ku haliapwila ndo kulutwe: ewa, chocho anambe Spiritu ngwenyi, hanga akahwime ku yikilikita yo; mumu yitanga yo kuyakukaula hamwe no.