Filipu 1:16 - MUKANDA USANDU WA ZAMBI 1975

¹⁶ Wano chamwenemwene ni zango, nikunyingika ngwe hanangusela ha usambiso wa sango lipema;

Mukanda Wa Zambi 1970

¹⁶ Wano kaakuchilinga ha zango, mumu kaananyingika ngwo, Zambi hanangukunjika milimo yino ya kulongesa Sango Jibema.

Filipu 1:16 Iomraidhean Croise

Jobe 16:4

Nyi yami napwa ngwe yenu, munguhasa kuhanjika chocho nawa. Yami nawa munguhasa kununganunga maliji a kulimika ni yenu, nikunyikwona mutwe wami hali yenu nawa.

Jobe 6:14

Chatamba mutu kupwa ni utu kuli sepa lienyi yoze kanalezumuka; nyi ka kanambila woma wa Mukwa-Ndundo-Jeswe.

Miaso (Masamu) 69:26

Mumu kakuhungumiona yoze wamulamba yena. Kakwambulula chinyengo cha waze waalemeka yena.

1 Korintu 9:17

Mumu kachi mungulinga chino ku upale wa yami mwene, kachi mungupwa ni fweto: alioze kachi hi ku upale wa yami mwene ko, kanangukunjika uselo.

2 Korintu 2:17

Mumu yetu kutwapwile ngwe anji, nikusepa liji lia Zambi: alioze ngwe akwa kutuwika ku mbunge, alioze ngwe a kuli Zambi, kumeso ja Zambi, twakuhanjika muli Kristu.

Filipu 1:10

hanga nukasele Shindakenyo ha yuma yahiana kupema; hanga nukapwe akwa kutuwika ku mbunge, nukapwe kunushi chitalingiso ndo ku tangwa lia Kristu;

Filipu 1:12

Alioze mandumbu, ngunazange nunyingike ngwe yuma yize yanguwanyine hiyinapu ya kusenyesa kulutwe lie sango lipema.

Filipu 1:5

mumu ha kulikunda chenu ni yami mu sango lipema, chize ku tangwa litangu ndo haliapwila.

Filipu 1:7

Chizechene ngwe chinangutela kunyonga chino hali yenu eswe, mumu nguli ni yenu mu mbunge yami; mumu chipwe mu makana jami, ha kufunga ni kukolesa sango lipema, yenu eswe nuli akwa kulianyina ni yami ha vumbi.

Filipu 2:22

Alioze yenu nunanyingika chinyingi cha iye, ngwe mwana kuli tato, chocho iye walingile hamwe ni yami mukusenyesa kulutwe sango lipema.

Filipu 4:15

Ni yenwene nawa nunanyingika, yenu A-Fwilipu, ngwe ha uputukilo wa sango lipema, muze nakatukile ku Masendoniya, chikunpilwila nichimwe kuchalianyinyine ni yami ha kutwala ku kuhana ni kutambula, shina yenu wika;

Filipu 4:3

Ewa, ngunaliumbu kuli yena nawa, chikwashi-ni-mukwetu ngwami, Kwasa kama wano mapwo, mumu akilikichile hamwe ni yami mu sango lipema, ni Kelemente nawa, ni akwa milimo-ni-akwetu akwo, waze majina jo mwali mu mukanda wa mwono.