Filipu 1:12 - MUKANDA USANDU WA ZAMBI 1975

¹² Alioze mandumbu, ngunazange nunyingike ngwe yuma yize yanguwanyine hiyinapu ya kusenyesa kulutwe lie sango lipema.

Mukanda Wa Zambi 1970

¹² Akwetu, ngunazange nunyingike ngwami, lamba lize lianguwanyine liasenyesene Sango Jibema kulutwe.

Filipu 1:12 Iomraidhean Croise

Estere 9:1

Ha kakweji kumi ni wamuchiali (Adare), ha tangwa kumi ni liamuchitatu muze liji lia mwanangana ni shimbi yenyi yakundama kuyilinga; ha tangwa akwa kole ja A-Yunda anyongene kwayula alioze chalumukine ayulile hali akwa kole jo,

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Kutuhuka 18:11

Haliapwila kungunanyingika ngwami, Yehova iye Wahiana tuzambi tweswe chipwe mu chuma chize alengumukine nacho.

Luka 21:13

Alioze Kumuchikapwa kuli yenu mukuhana Shindakenyo,

Yilinga 8:4

Waze kashika amwanganyine ayile kweswe nikwambujola lie liji.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

A-ROMA 8:37

Ngwetu, Ka, ha yino yuma yeswe twakuhiana kukumba ku tachi ja yoze waazangile.

Filipu 1:5

mumu ha kulikunda chenu ni yami mu sango lipema, chize ku tangwa litangu ndo haliapwila.

Filipu 1:7

Chizechene ngwe chinangutela kunyonga chino hali yenu eswe, mumu nguli ni yenu mu mbunge yami; mumu chipwe mu makana jami, ha kufunga ni kukolesa sango lipema, yenu eswe nuli akwa kulianyina ni yami ha vumbi.

Filipu 2:22

Alioze yenu nunanyingika chinyingi cha iye, ngwe mwana kuli tato, chocho iye walingile hamwe ni yami mukusenyesa kulutwe sango lipema.

Filipu 4:15

Ni yenwene nawa nunanyingika, yenu A-Fwilipu, ngwe ha uputukilo wa sango lipema, muze nakatukile ku Masendoniya, chikunpilwila nichimwe kuchalianyinyine ni yami ha kutwala ku kuhana ni kutambula, shina yenu wika;

Filipu 4:3

Ewa, ngunaliumbu kuli yena nawa, chikwashi-ni-mukwetu ngwami, Kwasa kama wano mapwo, mumu akilikichile hamwe ni yami mu sango lipema, ni Kelemente nawa, ni akwa milimo-ni-akwetu akwo, waze majina jo mwali mu mukanda wa mwono.

1 Timoteu 2:8

Ngunazange malunga akalembe kweswako, nikuzundula moko asandu, keshi utenu hanji kuyambashana.

2 Timoteu 2:9

Mu chuma chino nakwivwa lamba, nguli mu malenge ngwe mukwa kulinga yipi; alioze liji lia Zambi kuliakashiwile.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.