Filipu 1:11 - MUKANDA USANDU WA ZAMBI 1975

¹¹ nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.

Mukanda Wa Zambi 1970

¹¹ Munukabwa ni mihuko yinji ya ululi ku tachi ja Yesu Kristu, ya kuhalisa ni kuchichimieka nayo Zambi.

Filipu 1:11 Iomraidhean Croise

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Izaya 5:2

Yauchipa ni kuchizamo mawe eswe, yatumbamo mitondo yipema ya uva. Yatunga kaposhi wa kalayi ha muchima wawo, yafulamo ukamino wa uva. Yatalatala ukeme uva alioze wemine uva ja mu yambu wika.

Izaya 60:21

Atu jenu eswe makapwa akwa ululi; kumakazuka chifuchi ndo ku miaka ya mutolo nikupwa mutondo uze natumbile, chitanga cha moko jami, hanga akangwehe uhenya.

Izaya 61:11

Mumu chizechene ngwe mavu kakusokesa mafwo, ni munda wakusokesa yize akuwilemo, chocho Mwene Yehova masokesa ululi ni uhaliso kumeso ja mavungu eswe.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 15:2

Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana.

Yoano 15:8

Mu chino machichimieka Tata, nyi munwima mihuko yinji; ni chocho kumunukapwa tumbaji twami.

A-ROMA 15:28

Muze kashika kunamanununa chino nikuhana kuli ayo mihuko yino, kumungukakatuka nikupalikila kuli yenu kuya ku Hesepanya.

A-ROMA 6:22

Alioze haliapwila se hinunatusuka ku shili, hinunapu ndungo ja Zambi, mihuko nuli nayo ndo ku usandu, ni songo liawo, mwono wa mutolo.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

2 Korintu 9:10

Achi, yoze wakumwesa mbuto chikuwa, ni mbolo ha kulia, kumakanumwesa mbuto yenu ya kukuwa, makayokesa, makatatwisa mihuko ya ululi wenu.

Efesu 1:12

hanga tukapwe ku uhaliso wa uhenya wenyi, yetu, twaliangile kutalatala kuli Kristu.

Efesu 1:14

Iye che chifungo cha chihinga chetu ndo ku ukule wa upite wa Zambi mwene, ku uhaliso wa uhenya wenyi.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Efesu 5:9

(mumu mihuko ya pangu yinasoloka ni upeme weswe ni ululi ni umwenemwene);

Filipu 4:17

Kuchapwile ngwe ngunafupu chawana, alioze ngunafupu chikolo mihuko yize yakulumbama kuli yenu.

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

Kolosu 1:6

Lienalio hilineza kuli yenu, chizechene ngwe hilineza hano hashi heswe mukwima mihuko, nikutatuka chizechene ngwe muli yenu nawa, chize ku tangwa lize nwaliangile kwivwa ni kunyingika liakulu vumbi lia Zambi;

2 A-TESALONIKA 1:12

hanga akachichimieke jina lia Mwene wetu Yesu muli yenu, ni yenu muli iye, nikulita ni vumbi lia Zambi yetu ni lia Mwene Yesu Kristu.

Titu 3:14

Atu jetu nawa, akalilongese kulalaminya ku yitanga yipema, akahase kukwasa ni yuma yize yinatambe, hanga kechi kapwa ngwe keshi mihuko.

Hebreu 12:11

Achi, lamba lieswe lia kufumba Unasoloka haliapwila ngwe kulishi uwahililo, aiioze lia chinyengo, hindu kulutwe mulima mihuko ya ululi wa sambukila kuli waze akulifumba nalio.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

1 Petulu 4:14

Kachi manuchoka mumu ha jina lia Kristu, kunwawaha; mumu Spiritu ya uhenya, kanda ya Zambi, kanatwama hali yenu; ha kutwala kuli ayo kanamushililika, aiioze ha kutwala kuli yenu, kanamuchichimieka.