Filipu 1:10 - MUKANDA USANDU WA ZAMBI 1975

¹⁰ hanga nukasele Shindakenyo ha yuma yahiana kupema; hanga nukapwe akwa kutuwika ku mbunge, nukapwe kunushi chitalingiso ndo ku tangwa lia Kristu;

Mukanda Wa Zambi 1970

¹⁰ Ha chino munuhasa kutongola chize chinalite. Mba munukabwa kunushi kapalia, kechi kanuhisa ha Tangwa lia Kristu.

Filipu 1:10 Iomraidhean Croise

Ubutukilo 20:5

Te kambile kuli yami ngwenyi, Iye ndumbwami, nyi? Ni mwe pwo nawa mwene te kambile kuli yami ngwenyi, Iye ndumbwami nyi? Mu kutuwika cha mbunge yami ni kusamba cha moko jami nachilinga.

Jobe 12:11

Twitwi kuliakweseka maliji chizechene ngwe limi Kakupanjika kulia.

Jobe 34:3

Mumu twitwi kuliakupanjika maliji chizechene ngwe limi kuliakupanjika kulia.

Mika 3:2

Enu, chipema chanupihila; nwakuzanga chipi. Nwakuzununa kowa lia atu jami, ni musunya ha yifwaha yo.

Mateu 16:23

Alioze watewulukilile kuli Petulu ngwenyi, Sosolokako kunyima yami, Satana: uli chitalingiso kuli yami: mumu kushi kunyonga yuma ya Zambi alioze yuma ya atu.

Mateu 26:33

Alioze Petulu wakumbulwile ngwenyi, Chipwe kachi eswe matalinga hali yena, yami chichi kutalinga nilimwe tangwa.

Yoano 1:47

Yesu wamwene Natanele kaneza kuli iye, yamba ha kutwala kuli iye ngwenyi, Talenu Ka-Izalele wamwenemwene, muli iye wakuhi kalimbalimba niumwe!

Yoano 3:20

Mumu mweswe wakulinga yipi keshi kuzanga pangu, keshi kwiza ku pangu, kuchina mamukumika ha yitanga yenyi.

Yilinga 24:16

Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

A-ROMA 12:9

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

A-ROMA 16:17

Haliapwila ngunaliumbu kuli yenu, mandumbu, nukase chinyingi waze akuuhandununa, ni waze akutalingisa, cha kulimika ni longeso lize nwalilongesele, nukaakondoloke.

A-ROMA 2:18

wakunyingika upale wenyi, wakusela Shindakenyo yipema ha yuma yahiana, wakufumbiwa ku shimbi.

A-ROMA 7:16

Alioze kachi nakulinga chize chapalile, kachi nakutá ku shimbi ngwami, Yinapeme,

A-ROMA 7:22

Mumu nakuwaha mu shimbi ya Zambi nikulita ni mutu wa muchima:

A-ROMA 8:7

Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela;

1 Korintu 1:8

Yoze nawa kumakanukolesa ndo ku songo, hanga nukasambe ha tangwa lia Mwene wetu Yesu Kristu.

1 Korintu 10:32

Kanda nukapwa chitalingiso chipwe kuli A-Yunda, chipwe kuli A-Ngresia, chipwe ku chikungulwila cha Zambi, ka:

1 Korintu 8:13

Kashika kachi kulia muchitalingisa ndumbwami, chichi kalia nawa yifwo niyimwe ndo ku miaka ya mutolo, hanga chichi katalingisa ndumbwami.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Korintu 2:17

Mumu yetu kutwapwile ngwe anji, nikusepa liji lia Zambi: alioze ngwe akwa kutuwika ku mbunge, alioze ngwe a kuli Zambi, kumeso ja Zambi, twakuhanjika muli Kristu.

2 Korintu 6:3

kanda tusa chitalingiso nichimwe ha chuma nichimwe, kuchina masuma chitela uvumbiko wetu;

2 Korintu 8:8

Chachambile ngwe shimbi, alioze hanga ngukeseke, ku kulipupwisa cha akwo, umwenemwene wa zango lienu.

Galashia 5:11

Alioze yami, mandumbu, kachi nguchili nikwambujola ungalami, kuchi te nguchili nikumona yihungumiona? Kachi chocho kevwe, chitalingiso cha kulusu ya Kristu chinahu.

Efesu 4:15

alioze nikukakaminya ku umwenemwene mu zango, tukatatuke ni yuma yeswe kuli mwe mutwe, iye Kristu.

Efesu 5:10

esekenu chize chakupemena chikolo kuli Mwene.

Efesu 5:27

hanga akatumbikile chikungulwila kuli iye mwene, cha uhenya, kuchishi chipeka, hanji mukanya, hanji chuma chimwe ngwe chino; alioze hanga chikapwe chisandu, kuchishi kapalia.

Efesu 6:24

Vumbi likapwe hamwe ni waze eswe akuzanga Mwene wetu Yesu Kristu ni zango liamwenemwene.

Filipu 1:16

Wano chamwenemwene ni zango, nikunyingika ngwe hanangusela ha usambiso wa sango lipema;

Filipu 1:6

Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu.

Filipu 2:16

Nukaminyike liji lia mwono; hanga ngukapwe ni chize cha kulisamba nacho ha tangwa lia Kristu, ngwe chazombokele chamokomoko, chipwe chakilikichile chamokomoko.

1 Tesalonika 3:13

hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.

1 Tesalonika 5:21

alioze esekenu yuma yeswe; kakaminyenu ku yize yinapeme.

1 Tesalonika 5:23

Haliapwila Zambi ya sambukila iye mwene akanusele ku usandu liakulu; akafunge maspiritu jenu ni alma jenu ni mijimba yenu ya muwundu, yikapwe kuyishi chitela ha kuheta cha Mwene wetu Yesu Kristu.

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

1 Yoano 4:1

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.

Usolwelo 2:2

Ngunanyingika yitanga ye, ni kukilikita che, ni kunyongonona che, kwahashile kutayiza atu api, hiuneseka waze alitayilile kupwa apostolo, ni hi apostolo ko, hiunaawane akwa mahuza;