Filipu 1:1 - MUKANDA USANDU WA ZAMBI 1975

¹ Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

Mukanda Wa Zambi 1970

¹ Yami Paulu ni Timoteu, tuvumbi twa Kristu Yesu, tunanusonekena yenu akwa Kristu eswe waze nwatwama mu limbo lia Filipu, waze nwafuliela Kristu Yesu hamwe ni tulayi twa Chikungulwila ni tuvumbi.

Filipu 1:1 Iomraidhean Croise

Marku 13:34

Chinapu ngwe mutu kanayi mu wenyi ku chifuchi chikwo, mahichika zuwo lienyi, mahana chiyulo kuli ndungo jenyi, kuli mweswe milimo yenyi, mamba mukwa kufunga pito, akalé.

Yoano 12:26

Kachi umwe manguvumbika, kachi akangukaule; ni kuze yami nguli, kuze kwene nawa kumakapwa kavumbi kami: kachi umwe manguvumbika, kachi Tata kumakamulemesa.

Yilinga 1:20

mumu chinasonewa mu mukanda wa Masamu ngwo, Chihela chenyi chikapwe cha hululu, kanda akatwamamo niumwe; ni mukwo akatambule chitwamo chenyi.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Yilinga 9:13

Ananiya wakumbulwile ngwenyi, Mwene, hingunevu kuli anji ha kutwala kuli yono lunga, ngwe yipi yinji chikolo hanalingi kuli asandu je ku Yerusaleme:

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

A-ROMA 1:7

Kuli waze eswe ali mu Roma kanaazange chikolo kuli Zambi, hanaatambika asandu: Vumbi kuli yenu ni sambukila ya kuli Zambi Tata yetu ni Mwene Yesu Kristu.

1 Korintu 16:10

Achi, nyi Timoteu meza, nukatale akapwe hamwe ni yenu keshi woma; mumu kakulinga milimo ya Mwene, chizechene ngwe yami nawa nakulinga:

2 Korintu 1:1

Yetu, Paulu postolo wa Yesu Kristu ku upale wa Zambi, ni ndumbu Timoteu, Ku chikungulwila cha Zambi chize chili ku Korindu, hamwe ni asandu waze eswe ali mu chifuchi cha Akeya:

Galashia 1:10

Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.

Galashia 3:26

Mumu yenu eswe muli Kristu nuli ana a Zambi ku Ufulielo.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Efesu 1:1

Yami Paulu, postolo wa Kristu Yesu ku upale wa Zambi, Kuli asandu waze ali ku Efwesu, amwenemwene muli Kristu Yesu:

Efesu 1:15

Ha chikuma chino yami nawa, se hingunevu ha Ufulielo muli Mwene Yesu, uze uli muli yenu, ni zango lize nuli nalio kuli asandu eswe,

Efesu 6:24

Vumbi likapwe hamwe ni waze eswe akuzanga Mwene wetu Yesu Kristu ni zango liamwenemwene.

Filipu 2:19

Ngunatalatala kuli Mwene Yesu ngutume Timoteu kuli yenu kulutwe lia shimbu likepe, hanga ni yami nawa ngukahuzuluke muze mungunyingika ha kutwala kuli yenu.

Filipu 2:5

Kunyonga chino chikapwe muli yenu, chize chapwile nawa muli Kristu Yesu.

Filipu 3:12

Kuchapwile ngwe hingunazuku kulu, hanji hingunapu mungunu, ka; alioze nakukaula, kachi nawa ngukazuke chuma chize ha chiyo anguzukile nawa kuli Kristu Yesu.

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Filipu 3:8

Ewa, chamwenemwene nakunyonga nawa yuma yeswe kupwa ngwe kufulwa ha ulemu wa yinyingi ya Kristu Yesu, Mwene wami; hali iye natokesele yuma yeswe, nakuyinyonga yiswaswa lume, hanga ngukazuke Kristu,

1 Tesalonika 1:1

Yetu, Paulu, ni Selevwanu, ni Timoteu, Ku chikungulwila cha A-Tesalonika muli Zambi Tata ni Mwene Yesu Kristu: Vumbi kuli yenu ni sambukila.

1 Tesalonika 2:2

alioze se twevwile lamba kunyima, kuze atulingile chipi, chizechene ngwe nunanyingika, mu Fwilipu, twahamukine muli Zambi yetu kuhanjika kuli yenu sango lipema lia Zambi, hamwe ni kulitachika chinji.

2 A-TESALONIKA 1:1

Yetu, Paulu, ni Selevwanu, ni Timoteu, Ku chikungulwila cha A-Tesalonika muli Zambi Tata yetu ni Mwene Yesu Kristu:

2 A-TESALONIKA 1:10

muze meza ha tangwa lize, hanga akamuchichimieke muli asandu jenyi, hanga akamukomoke muli waze eswe akwa kufuliela, mumu nwafulielele Shindakenyo yetu kuli yenu.

1 Timoteu 1:2

Kuli Timoteu, mwanami pundu mu Ufulielo: Vumbi, ni keke, ni sambukila ya kuli Zambi Tata yetu, ni Kristu Yesu Mwene wetu.

1 Timoteu 3:8

Tuvumbi chizechene hi akwa levelia ko, hi akwa malimi aali ko, hi akwa kunwa vinyu yinji ko, keshi chipululu cha upite wa sonyi;

Titu 1:1

Yami Paulu, ndungo ya Zambi, kanda postolo wa Yesu Kristu, nikulita ni Ufulielo wa waze a kutongola kuli Zambi, nikulita ni yinyingi ya umwenemwene uze wakulita ni uwayilo;

Titu 1:7

Mumu chatamba kalayi, se iye kaselo ka Zambi, akapwe keshi kapalia; hi mukwa pami ko, hi chitenu ko, hi mukwa kuzwela ko ku vinyu, hi mukwa kumbufula ko, yoze keshi chipululu cha upite wa sonyi;

Filemu 1:1

Yami Paulu, funge ya Kristu Yesu, ni ndumbwetu Timoteu, Kuli Fwilimu, tunamuzange chikolo, mukwa milimo-ni-mukwetu,

Hebreu 13:23

Nyingikenu hanatusula ndumbwetu Timoteu; nyi meza nikawashi mungukanumona hamwe nenyi,

Tiangu (Jake) 1:1

Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.

1 Petulu 2:25

Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Usolwelo 1:1

Usolwelo wa Yesu Kristu, uze Zambi wamuhele mukulweza kuli ndungo jenyi chize chatamba kupwa nikawashi: iye watumine mungelo waulwezele ni yilayi kuli ndungo yenyi Yoano.

Usolwelo 1:20

Chijimbikilo cha matongonoshi shimbiali waze hiwamona ha kwoko liami lia chindume, ni yikwachilo shimbiali ya ndeya ya oru ngwami, Matongonoshi shimbiali, angelo ja yikungulwila shimbiali; ni yikwachilo shimbiali ya ndeya, yikungulwila shimbiali.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.

Usolwelo 2:12

Ni kuli mungelo wa chikungulwila cha ku Perekamu Soneka ngwe, Yino yuma kanambe yoze uli ni katana wa mukwale kanambuka, ngwenyi,

Usolwelo 2:8

Kuli mungelo wa chikungulwila cha ku Semina Soneka ngwe, Yino yuma kanambe mwe mutangu, mwe kasula-songo, yoze wapwile mufu wahindukile ni mwono cheka nawa, ngwenyi,

Usolwelo 22:9

Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, aprofeta, ni waze akufunga maliji a mukanda uno: wayila Zambi.