Filemu 1:6 - MUKANDA USANDU WA ZAMBI 1975

⁶ hanga kuliendela cha Ufulielo we chikalinge mukutayiza yuma yeswe yipema yize tuli nayo muli Kristu.

Mukanda Wa Zambi 1970

⁶ Ngunalembe ngwami, kuliendela chize tuli nacho yetu akwa kufuliela, chikanehe chinyingi cha yiwape yeswe yize tuli nayo mu kulinunga ni Kristu.

Filemu 1:6 Iomraidhean Croise

Mateu 25:16

Haze hene yoze watambwile mbongo jitano wayile nikusepa najo, mba wafumbwile mbongo jikwo jitano.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

1 Korintu 14:25

Yuma ya kuhengama ya mu mbunge yenyi muyisoloka: chocho makafulamana ha meso jenyi, makawayila Zambi, mambulula ngwenyi, Zambi hwali hakachi kenu pundu.

1 Korintu 16:9

Mumu hanangwazulwila pito linene, lia tachi, alioze kwali akwa kulimika anji.

Filipu 4:8

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

Kolosu 1:9

Ha chikuma chino, ni yetu nawa, chize ku tangwa lize twachivwile, kutushi kulitwamina kunulembela ni kunwichila, hanga nukazale tò ni yinyingi yeswe ya upale wenyi ni mana eswe ni malinjekela ja uspiritu;

Kolosu 3:10

nunazala mutu mwaha, yoze kanamupwisa mwaha ha yinyingi yeswe, nikulita ni kulifwa cha yoze wamutangile:

Titu 3:14

Atu jetu nawa, akalilongese kulalaminya ku yitanga yipema, akahase kukwasa ni yuma yize yinatambe, hanga kechi kapwa ngwe keshi mihuko.

Hebreu 6:10

Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika.

Tiangu (Jake) 2:14

Kufumbuka chika, mandumbu jami, kachi umwe mamba ngwenyi, Ufulielo nguli nawo, aiioze keshi yitanga? Ufulielo muuhasa kumulamwina, nyi?

Tiangu (Jake) 2:17

Chizechene nawa Ufulielo, kachi kuushi yitanga, kachi kuunafu ukawawo.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 3:1

Chizechene, yenu mapwo, zeyelenu kuli akwenu-malunga; hanga chipwe kachi amwe keshi kwononoka ku lie liji, akaazuke ni lie liji liakuhi ku kwenda cha akwo-mapwo,

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.

2 Petulu 1:8

Mumu kachi yuma yino yili muli yenu ya kulumbama, kuyakunupwisa hanga kunuchi kulelumioka chipwe kunuchi kuseka ha kutwala ku yinyingi ya Mwene wetu Yesu Kristu.