Filemu 1:20 - MUKANDA USANDU WA ZAMBI 1975

²⁰ Ewa, ndumbu, nguwahilile muli Mwene hali yena; hwimisa kama mbunge yami muli Kristu.

Mukanda Wa Zambi 1970

²⁰ Ewa, mukwetu, ungutayize vumbi lino ngwe mukwenu mu kulinunga ni Kristu, mumu ha zango lia Kristu.

Filemu 1:20 Iomraidhean Croise

1 Korintu 16:18

Mumu asangulwishile Spiritu yami ni maspiritu jenu nawa: kashika tayizenu atu apwa ngwe wano.

2 Korintu 2:2

Mumu kachi mungunuvwisa chinyengo, iya kevwe yoze manguvwisa chiseke, shina yoze namuvwishile chinyengo yami?

2 Korintu 7:13

Kashika hanatulembekeja. Mba se hatulembejeka twawahililile kuhiana ha uwahililo wa Titu, mumu Spiritu yenyi ayihwimishine kuli yenu eswe.

Filipu 1:8

Mumu Zambi iye chela chami, chize nakunuvwila eswe usona mu zango lia Yesu Kristu.

Filipu 4:1

Kashika, mandumbu jami a zango, nakunuvwila usona, uwahililo wami ni chipangula chami, chocho manenu ngú muli Mwene, akwetu a zanga.

Filemu 1:12

Namutumine cheka nawa kuli yena, iye mwene, te mbunge yami.

Filemu 1:7

Mumu uwahililo wunji ni kulembejeka nguli nacho mumu ha zango lie ndumbwami, mumu wakuhuzulula mbunge ja asandu.

Hebreu 13:17

Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.

1 Yoano 3:17

Alioze yoze mapwa ni yikumba ya hano hashi, mamona ndumbwenyi kanahono, makalisa mbunge yenyi kuli iye, ngwe kuchi zango lia Zambi mulitwama muli iye?

3 Yoano 1:4

Uwahililo wahiana uno chishi nawo shina kwivwa hali ana jami ngwo, Kanende mu umwenemwene.