Filemu 1:14 - MUKANDA USANDU WA ZAMBI 1975

¹⁴ Alioze chazangile kulinga nichimwe shina yena mutá; hanga chitanga che chipema kuchichi kapwa cha kuzangisa, aiioze ha upale wa yena mwene.

Mukanda Wa Zambi 1970

¹⁴ Alioze Chazangile kulinga nichimwe nyi yena kuwatayile. Chazangile kukukwachisa ni tachi. Ngunazange uchilinge ni zango lia yena mwene.

Filemu 1:14 Iomraidhean Croise

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

1 Korintu 9:17

Mumu kachi mungulinga chino ku upale wa yami mwene, kachi mungupwa ni fweto: alioze kachi hi ku upale wa yami mwene ko, kanangukunjika uselo.

1 Korintu 9:7

Swalale muka malingila ha kulifweta mwene? Iya matumba munda mba kechi kalia mihuko yawo? Hanji iya mafunga chendo cha yimuna mba keshi kunwa yamwa ya chendo?

2 Korintu 1:24

Kuchapwile ngwe twakuyula Ufulielo wenu, alioze tuli yikwashi ya uwahililo wenu: mumu ku Ufulielo nunamana.

2 Korintu 8:12

Mumu kachi mbunge kuyili, muchipemena chikolo nikulita ngwe mutu mapwa nacho, hi nikulita ko ni chize keshi nacho.

2 Korintu 9:5

Nachinyongene ngwe chinatambe kuliumba kuli mandumbu, hanga atetekele kuli yenu, akamanunune shimbukanda, uwape wenu alilakenyene kulu, hanga ukalulike ngwe uwape, hi ngwe lufutu ko.

2 Korintu 9:7

Mutu ni mutu akahane nikulita ngwe hanalisela mu mbunge yenyi: hi ni chinyengo ko, hanji ha kukapwola: mumu Zambi kakuzanga chihanyi wa kusehejela.