Filemu 1:10 - MUKANDA USANDU WA ZAMBI 1975

¹⁰ Ngunaliumbu kuli yena hali mwanami, Onesimu, mwenawo hingunamuseme mu makana jami;

Mukanda Wa Zambi 1970

¹⁰ Ngunaliumbu kuli yena hakutwala kuli mwanami mu ufulielo, Onesimu. Habwa mwanami ku tachi ja Mwiku wa Linanga muno mu zuwo lia lamba.

Filemu 1:10 Iomraidhean Croise

2 Samuel 18:5

Mwanangana yahana shimbi kuli Joabe, ni Abishai, ni Itaia ngwenyi, Lingenu ni vumbi ni mwe mukweze, ngwami, Absalome, mumu hali yami. Atu eswe te kanevu shimbu mwanangana mahana shimbi yino kuli tupitau ha kutwala kuli Absalome.

Marku 9:17

Mba umwe wa ku mbunga wamukumbulwile ngwenyi, Longeshi, nanehanga kuli yena mwanami wa lunga, Spiritu ya kamama akwete;

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

1 Korintu 4:14

Chasonekene yino yuma mukunukolesa sonyi, alioze mukunukanyamisa ngwe ana jami ngunanuzange chikolo.

1 Korintu 4:15

Mumu chipwe munupwa ni kumi lia tununu twa yifumbe muli Kristu, hindu kunushi atatenu anji; mumu muli Kristu Yesu nanusemene ku sango lipema.

Galashia 4:19

Ana jami akepe, hali yenu nakwivwa yikola ya kusema cheka nawa ndo Kristu matengewa muli yenu;

Kolosu 4:9

hamwe ni Onesimu, ndumbwetu wamwenemwene wa zango, iye te wa yenu. O kumakanulweza yuma yeswe ya kuno.

1 Timoteu 1:2

Kuli Timoteu, mwanami pundu mu Ufulielo: Vumbi, ni keke, ni sambukila ya kuli Zambi Tata yetu, ni Kristu Yesu Mwene wetu.

Titu 1:4

Kuli Titu, mwanami pundu mu Ufulielo wa eswe aali, niwe kanda niwami: Vumbi ni sambukila ya kuli Zambi Tata ni Kristu Yesu Chilamwina chetu.

Filemu 1:11

yoze ha miaka ya kunyima kakufumbwileko, aiioze haliapwila kanafumbula kuli yena ni kuli yami.

Filemu 1:13

Nazangile kachi asale hamwe ni yami, hanga akakusalakane ha kunguvumbika mu makana ja sango lipema.

3 Yoano 1:4

Uwahililo wahiana uno chishi nawo shina kwivwa hali ana jami ngwo, Kanende mu umwenemwene.