Ezra 9:3 - MUKANDA USANDU WA ZAMBI 1975

³ Muze nevwile chino chuma nasonyene chikuto chami ni hina liami lia ngungu, nasuchile kambu jami ni wevu wami ni kutwama ni kulishimwoka.

Mukanda Wa Zambi 1970

³ Muze hinevwa chino, yingutanuna mahina jami ni kubihilila, yingusuta wevu wami ni kambu jami, yingutwama mu fufuta ni kulinyenga.

Ezra 9:3 Iomraidhean Croise

2 Samuel 1:11

Henaho David yakwata mazalo jenyi, yaasonya, ni malunga eswe amanyine hamwe nenyi yalinga chimuwika.

1 MIANANGANA 18:37

Henaho Eliakimi mwana Hilekia mukwa kuyula zuwo, ni Shepena mukwa kusonyeka, ni Joa mwana Asafwe mukwa kusoneka sango, yeza kuli Hezekia ni mazalo jo a kusonya. Yamwambulwila maliji a Rabeshaka.

Nehemia 1:4

Ha kwivwa maliji ano natwamine hashi nikulila nikulinyenga matangwa lume. Chatambwile kulia; nalembele kumeso ja Zambi ya mwilu,

Nehemia 13:25

Yingulitachika no, nikwashinga, nikulamba amwe, ni kusuta kambu jo, nikwashingisa ni Zambi ngwami, Kunuchi kuhana anenu a mapwo kuli anó a malunga, chipwe kumbata anó a mapwo hali anenu a malunga hanji hali yenwene.

Jobe 1:20

Aho Jo yakatuka; yapula mazalo jenyi; yalitewula kawewe; yafulamana hashi ni kuwayila ngwenyi,

Miaso (Masamu) 119:53

Utenu wa kusasaminya chikolo hanangukwata mumu hali yingulungulu waze akwehuka shimbi je.

Miaso (Masamu) 143:4

Kashika spiritu yami yinalezumuka muchima liami. Mbunge yami muchima kuyafulwa.

Miaso (Masamu) 66:3

Ambenu kuli Yehova ngwenu, Yitanga ye kuyakukolesa woma! Akwa kole je kumakakuzeyela mumu ha unene wa ndundo je.

Izaya 15:2

Mwana wa Ndibone wa pwo hanakanduka ku manangamo akalile. Moape kanalili mbimbi ha Nebo ni Medeba. Mutwe weswe wa kawewe, ni wevu weswe wa kutewula.

Jeremia 36:24

Chipwe mwanangana, chipwe umwe wa tuvumbi twenyi waze evwile maliji wano eswe kevwile woma, chipwe kupula mazalo jo, ka.

Jeremia 7:29

Tewula kambu je ujimbile; imba lungungu ha milundu ya hululu, mumu Yehova hambila chisemuko cha utenu wenyi; halitunacho.

Ezekiel 3:15

Yingwiza kuli njize ku Telabibe, waze atwamine ku lwiji Chebare, kuze te atunga. Yingutwamako hakachi ko nikulishimwoka matangwa shimbiali.

Ezekiel 7:18

Kakuzala chikeleyi; mwongo waafuka; sonyi jili ha meso eswe; eswe halitewula mitwe.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Alevi 21:5

Kanda alitewula kawewe, hanji kuteta chihanda cha wevu, hanji kulitetateta ha mujimba wenyi.

Mika 1:16

Lipwisenu ni lwole; litewulenu kambu jenu ha mukunda wa ana ja uwahililo wenu. Litewulenu ngwe makuyu, mumu manukatuka nikuya ku unjize.

Yoshua 7:6

Mba Yoshua yasonya mazalo jenyi, yafulamana hashi kumeso ja mushete wa Yehova ndo chingoloshi, ni iye ni makulwana a Izalele. Yasa nawa mavu ha mitwe yo.