Ezra 7:9 - MUKANDA USANDU WA ZAMBI 1975

⁹ Mumu ha tangwa litangu lia kakweji mutangu yakatuka ku Babilonia, mba ha tangwa litangu lia kakweji wamuchitano yaheta ku Yerusaleme nikulita ni kwoko lipema lia Zambi yenyi hali iye.

Ezra 7:9 Iomraidhean Croise

Ezra 7:28

Iye nawa hahetesa kuli yami utu wa zango lienyi kumeso ja mwanangana ni tuliamanga twenyi, ni kumeso ja akwa ndundo alemu a mwanangana. Angutakamishine nikulita ni kwoko lia Yehova Zambi yami hali yami, mba nachijile kuli A-Izalele amwe akwa lutwe aye ni yami.

Ezra 7:6

yono Ezera yakatuka ku Babilonia, mukwa kusonyeka wa kujama mu milimo ya shimbi ja Mose jize Yehova Zambi ya Izalele wahanyine. Mwanangana yamwaha yeswe echile nikulita ni kwoko lia Yehova Zambi yenyi hali iye.

Ezra 7:8

Aye yeza ku Yerusaleme mu kakweji wamuchitano, mu mwaka wamuchishimbiali wa mwanangana.

Ezra 8:18

Mba nikulita ni kwoko lipema lia Zambi hali yetu yatunenena umwe lunga wa mana wa kuli ana ja Mahile, mwana Levi, mwana Izalele; ni Sherebia hamwe ni ana jenyi a malunga ni usoko wenyi, kumi ni nake;

Ezra 8:22

Mumu sonyi nevwile kwita kuli mwanangana mbunga ya maswalale ni tuvwalu kutufunga kuli akwa kole mu jila, se hitwamba kuli mwanangana ngwetu, Kwoko lia Zambi lili hali waze eswe akumufupa kwalinga chipema; alioze tachi jenyi ni Utenu wenyi kuyakulimika ni waze eswe akumwehuka.

Ezra 8:31

Mba yitukatuka ku Lwiji Ahava ha tangwa kumi ni liamuchiali lia kakweji mutangu tukaye ku Yerusaleme. Ni kwoko lia Zambi yetu liapwile hali yetu, yatupulula kuli akwa kole ni akwa kujikinyina mu jila.

Ezra 8:32

Yituheta ku Yerusaleme, hitutwamako matangwa atatu.

Nehemia 2:18

Naambulwilile ha kutwala ku kwoko lia Zambi yami lize liapwile lipema hali yami, ni maliji nawa aze mwanangana wahanjikile ni yami. O yamba ngwo, Tukatukenu, tutungenu! Chocho atakamishine moko jo ha milimo yipema.

Nehemia 2:8

ni mukanda kuli Asafwe, kalayi ka usaki wa mwanangana, akangwehe mitondo ya manguji ni mikambo ya yajilo ya mbonge yize yatwala ku zuwo, ni ya chipanga-cha-mawe cha chihunda, ni ya zuwo lize mungutwama yami. Mba mwanangana yangutayiza nikulita ni kwoko lipema lia Zambi yami hali yami.

Miaso (Masamu) 80:18

Chocho kutuchi kuya kunyima kukuhichika yena. Utuhuzulule mba mututambika ha jina lie.

Izaya 66:14

Munukamona mba mbunge jenu mujikawaha; yifwaha yenu muyikawaha ngwe mwambu. Muchikafumana ngwo, Kwoko lia Yehova lili hamwe ni tuvumbi twenyi; utenu wenyi unalimika ni akwa kole jenyi.