Ezra 6:3 - MUKANDA USANDU WA ZAMBI 1975

³ Ha mwaka utangu wa mwanangana Siru, mwanangana Siru wasele shimbi ngwenyi, Ha kutwala ku zuwo lia Zambi ku Yerusaleme—atunge lie zuwo kuze mashihila yitapo. Ase fundamentu ya tachi. Chizundamo chalio makumi asambano a mbandu, ni kutoha chalio makumi asambano a mbandu.

Mukanda Wa Zambi 1970

³ “Ha mwaka utangu wa kuyula cha Siruse mwanangana wa Babilonia, mwe mwanangana yahana Shimbi ngwenyi, Ayuda atungulule zuwo lia Zambi mu limbo lia Yerusaleme hanga abwe ni homa ha kulambwila milambu. Chizundamo cha lie zuwo chibwa metro makumi aali ni shimbiali, kutohwa chalio metro makumi aali ni shimbiali.

Ezra 6:3 Iomraidhean Croise

2 Sango Ja Mianangana 36:22

Ha mwaka utangu wa Siru mwanangana wa Persia, hanga liji lia Yehova ku kanwa lia Jeremia likamanunuke, Yehova yasangumuna mbunge ya Siru mwanangana wa Persia akasanyike mutambi ndusu mu wanangana wenyi weswe. Yausoneka nawa ngwenyi,

Usolwelo 21:16

Ni limbo kuliapwa lia mbango jiwana, ni usuhe walio chizechene ngwe utohe walio; iye wesekele limbo ni lumbungu ngwo, Tununu aali a kilometro ni kulakaji atano a kilometro: ni usuhe walio ni utohe walio ni usuku walio kwilu unalite.

Miaso (Masamu) 122:4

Kuze mavungu akukanduka, mavungu a Yehova, chikapwe Shindakenyo kuli Izalele, kusakwila ku jina lia Yehova.

2 Sango Ja Mianangana 2:6

Iya mahasa kumutungila zuwo se lilu ni lilu lia malilu kuliamutele? Ni yami kuchi munguhasa kumutungila zuwo shina kwochelamo insensu wika kumeso jenyi?

Ezra 1:1

Ha mwaka utangu wa Siru mwanangana wa Persia, hanga liji lia Yehova ku kanwa lia Jeremia likamanunuke, Yehova yasangumuna mbunge ya Siru mwanangana wa Persia akasanyike mutambi ndusu mu wanangana wenyi weswe. Yausoneka nawa ngwenyi,

Ezra 3:7

Yahana nawa mbongo kuli akwa kululika mawe, ni kuli akarpinteru; ni kulia ni kunwa ni maji kuli A-Sendone ni A-Teru akachize mitondo ya sedru ku Lebano nikuyineha ku kalungalwiji ku Yopa, nikulita ni shimbi yize Siru mwanangana wa Persia waahele.

2 Sango Ja Mianangana 2:3

Solomone yatuma kuli Hurame mwanangana wa Teru ngwenyi, Walingile kanawa ni tata David nikumutumina mitondo ya sedru akalitungile zuwo lia kutwamamo; hilinga chizechene ni yami.

Ezra 1:2

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda.

Ezra 6:14

Ni makulwana ja A-Yunda yatunga nikusenya kulutwe mumu ha kuprofeteza cha profeta Hagaia ni Zekaria mwana Ido. Yatunga, yamanununa nikulita ni shimbi ya Zambi ya Izalele, nikulita ni chiyulo cha Siru, ni Dariu, ni Artasherke, mwanangana wa Persia.