Ezra 4:4 - MUKANDA USANDU WA ZAMBI 1975

⁴ Mba enya chifuchi ahongesele moko ja A-Yunda nikwahungumiona ha kutunga.

Mukanda Wa Zambi 1970

⁴ Hohene akwa chifuchi yaaheta, yaakumuna moko ja Ayuda nikuvwisa e akwa kutunga woma.

Ezra 4:4 Iomraidhean Croise

2 Samuel 4:1

Ha kwivwa ngwo, Abenere hafwa mu Heprone hamu lieswe lia Isheboshete mwana Saulu liamuhwa, ni A-Izalele eswe yalishimwoka.

Ezra 3:3

Yatwamisa chilumbilo ha umanyino wacho, mumu evwilile woma akwa yifuchi. Yalambwilaho milambu ya kulumba kuli Yehova, milambu ya kulumba chimene ni chingoloshi.

Ezra 4:5

Yafweta akwa mana kulimika no kufuwisa chize A-Izalele apalile kulinga, matangwa eswe a Siru mwanangana wa Persia ndusu ndo ku matangwa a kuyula Dariu mwanangana wa Persia.

Nehemia 4:11

Ni akwa kulimika ni yetu yamba ngwo, Kechi kunyingika chipwe kumona, ndo hitwaheta mukachi ko nikwashiha ni kukwika ye milimo yikafwe.

Nehemia 4:2

Yamba kumeso ja usoko wenyi ni tujita twa Samaria ngwenyi, Wano A-Yunda amokomoko yika analingi? Te kumalikolesa? Te kumalambula yitapo? Te kumamanununa tangwa limuwika? Mahasa kuvumbula mawe mu milumba ya yiswaswa muze hawema?

Nehemia 6:9

Mumu te kanafupu kutukolesa woma ngwo, Mutuhongesa moko jo ku milimo mba kechi kuyilinga. Alioze yena Zambi, ungukolese moko jami haliapwila.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Daniel 10:13

Mukwa kuyula wanangana wa Persia yalimika ni yami makumi aali a matangwa ni tangwa limuwika, alioze Mikele umwe wa akwa lutwe hakachi ka akwa kuyula yeza, yangukwasa, mba yingusalako ni mukwa kuyula wanangana wa Persia.

Daniel 10:20

Mba iye yamba ngwenyi, Unanyingika chize changunehene kuno kuli yena? Alioze haliapwila munguhiluka ngukalitachike ni mukwa kuyula Persia; mba muze hinamana nenyi mukwa kuyula Ngresia meza.