Ezra 4:3 - MUKANDA USANDU WA ZAMBI 1975

³ Alioze Zorobabele ni Yeshua ni akwo akwa lutwe mu minyachi ya atato mu Izalele yamba kuli ayo ngwo, Enu kunushi nichimwe ni yetu kutungila zuwo Zambi yetu. Yetwene ukawetu mututungila Yehova Zambi ya Izalele ngwe Siru mwanangana wa Persia hatutuma.

Mukanda Wa Zambi 1970

³ Alioze Zerubabele, ni Yoshua, ni miata ja majimo yaakumbulula ngwo: “Kutwazangile nutukwase kutungulula zuwo lia Mwene Zambi, Zambi yetu. Mutulinga yetwene ngwe chize mwanangana Siruse hanatwambe.”

Ezra 4:3 Iomraidhean Croise

2 Sango Ja Mianangana 36:22

Ha mwaka utangu wa Siru mwanangana wa Persia, hanga liji lia Yehova ku kanwa lia Jeremia likamanunuke, Yehova yasangumuna mbunge ya Siru mwanangana wa Persia akasanyike mutambi ndusu mu wanangana wenyi weswe. Yausoneka nawa ngwenyi,

Ezra 1:1

Ha mwaka utangu wa Siru mwanangana wa Persia, hanga liji lia Yehova ku kanwa lia Jeremia likamanunuke, Yehova yasangumuna mbunge ya Siru mwanangana wa Persia akasanyike mutambi ndusu mu wanangana wenyi weswe. Yausoneka nawa ngwenyi,

Ezra 1:2

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda.

Ezra 1:3

Mweswawo uliko hakachi ka yenu eswe atu jenyi, Zambi yenyi apwe hamwe nenyi akanduke ku Yerusaleme mu Yunda, atunge zuwo lia Yehova Zambi ya Izalele mu Yerusaleme (iye mwe Zambi lume).

Ezra 3:8

Ha mwaka wamuchiali wa kwiza cho ku zuwo lia Zambi ku Yerusaleme, ha kakweji wamuchiali aputukile Zorobabele mwana Salatiele ni Yeshua mwana Jozadake ni usoko wo asasendote ni A-Levi, ni waze eswe akatukile ku ufunge heza ku Yerusaleme. Yatongola A-Levi, waze hanahete ku makumi aali a miaka akalayile milimo ya mu zuwo lia Yehova.

Nehemia 2:20

Mba naakumbulwile ngwami, Zambi ya mwilu iye kumatuwahisa, kashika yetu tuvumbi twenyi mutukatuka tutunge, alioze yenu kunushi chihanda, chipwe chiyulo, chipwe chinyingi mu Yerusaleme.

Izaya 44:28

Ha kutwala kuli Siru kakwamba ngwenyi, Iye kafunga kami, kumakamanununa upale wami weswe; ha kutwala ku Yerusaleme kanambe ngwenyi, Kumuyikatungiwa! Ha kutwala ku tembele ngwenyi, Kumakasa fundamentu ye.

Izaya 45:4

Ngunakusanyika ni jina lie ha mukunda wa kavumbi kami Yakomba, Izalele yoze natongwele; ngunakuwezela jina likwo chipwe yena kwangunyingikine.

Mateu 10:16

Nyingikenu, ngunanutumu ngwe mapanga hakachi ka tungunga: kanyamenu kashika ngwe tupela, alioze pwenu akwa kusamba ngwe tutele.

Yoano 4:9

Pwo Ka-Samaria kashika yamba kuli iye ngwenyi, Ngwe kuchi yena, uli Ka-Yunda, unechi meya kuli yami, nguli pwo Ka-Samaria? (Mumu A-Yunda keshi kuliendela nichimwe ni A-Samaria).

Yilinga 8:21

Kushi chihanda chipwe chipinji ha chuma chino: mumu mbunge ye kuyalulamine kumeso ja Zambi.