Ezra 4:1 - MUKANDA USANDU WA ZAMBI 1975

¹ Achi muze akwa kole ja A-Yunda ni A-Mbenjamine evwile ngwo, Atu ja ku unjize kanatungila tembele Yehova Zambi ya Izalele,

Mukanda Wa Zambi 1970

¹ Akwa kole ja Ayuda ni Abenjamine yeevwa ngwo, atu waze atuhukile mu undungo kaanatungulula zuwo lia Mwene Zambi, Zambi ya Aisraele.

Ezra 4:1 Iomraidhean Croise

Ezra 1:11

Yikwachilo yeswe ya oru ni prata yapwile tununu atano ni kulakaji awana. Yino yeswe Sheshabazare yambata muze akwa unjize akatukile ku Babilonia nikuya ku Yerusaleme.

Ezra 10:16

Chocho atu ja ku unjize yachilinga. Mwe sasendote Ezera ni amwe akwa lutwe mu minyachi ya atato nikulita ni mazuwo ja atato, eswe ku majina jo yaahandununa. Yatwama no ha tangwa litangu lia kakweji wamuchikumi akasope che chikuma.

Ezra 10:7

Yatambika mutambi ndusu mu Yunda ni mu Yerusaleme kuli atu eswe a ku unjize akakungulukile ku Yerusaleme.

Ezra 3:13

Chocho atu kahashile kusa chinyingi hakachi ka zungo lia kulikwiza ni zungo lia kulila cha atu, mumu atu akololokele ni liji linene ni zungo liacho alivwile kusuku.

Ezra 6:16

A-Izalele, ni asasendote, ni A-Levi, ni akwo a ku unjize afungile ni chiseke chiwanyino cha kutumbikila ku usandu zuwo lino lia Zambi.

Ezra 7:9

Mumu ha tangwa litangu lia kakweji mutangu yakatuka ku Babilonia, mba ha tangwa litangu lia kakweji wamuchitano yaheta ku Yerusaleme nikulita ni kwoko lipema lia Zambi yenyi hali iye.

Daniel 5:13

Yaneha Daniel kumeso ja mwanangana. Mwanangana yamba kuli Daniel ngwenyi, Yena uli mwe Daniel, umwe wa njize aze a ku Yunda, mwanangana tata wachijile ku Yunda.

Daniel 9:25

Kashika nyingika Chikulumbunuke, chize ku kuhana liji lia kululika ni kutunga Yerusaleme ndo ku kwiza cha yoze mukwa-kuyula amuwayishile ni maji, kumukukapwa semana shimbiali, ni makumi asambano a semana ni semana jiali. Mayitunga nawa ni malwaza ni matapalo, hindu ha mwaka wa lamba.

1 Korintu 16:9

Mumu hanangwazulwila pito linene, lia tachi, alioze kwali akwa kulimika anji.