Ezra 3:9 - MUKANDA USANDU WA ZAMBI 1975

⁹ Henaho kwamanyine Yeshua ni ana jenyi a malunga ni usoko wenyi, ni Kamiele ni ana jenyi a malunga, ana ja A-Yunda a malunga, eswe hamuwika, akalayile akwa milimo mu zuwo lia Zambi; ni ana ja Henadade a malunga hamwe ni ana jo a malunga ni usoko wo A-Levi.

Mukanda Wa Zambi 1970

⁹ Kalevi Yeshua ni ana jenyi a malunga ni usoko wenyi, ni Kadmiele ni ana jenyi a malunga (te jimo lia Hodavia) yaalichinga hanga abwe akwa lutwe a milimo ya kutungulula zuwo lia Zambi. (Alevi a ku jimo lia Henadade te kaakwakwasa.)

Ezra 3:9 Iomraidhean Croise

1 Sango Ja Mianangana 23:4

A kuli wano makumi aali a tununu ni tununu awana aaselele kulayila milimo ya zuwo lia Yehova mba tununu asambano apwile yilolo ni ngaji.

2 Sango Ja Mianangana 34:12

Akwa milimo ahondanganyine ni mbunge. Tulayi twa milimo, akwa kuyisenyesa kulutwe Jahate ni Obadia, A-Levi a ku munyachi wa Merari; ni Zekaria ni Meshulame a ku munyachi wa A-Kohate; ni A-Levi akwo, eswe njimba a yisaji ya miaso.

Ezra 2:40

A-Levi wano: ana a Yeshua ni Kamiele, kuli ana a Hodavia, makumi shimbiali ni awana.

Ezra 3:8

Ha mwaka wamuchiali wa kwiza cho ku zuwo lia Zambi ku Yerusaleme, ha kakweji wamuchiali aputukile Zorobabele mwana Salatiele ni Yeshua mwana Jozadake ni usoko wo asasendote ni A-Levi, ni waze eswe akatukile ku ufunge heza ku Yerusaleme. Yatongola A-Levi, waze hanahete ku makumi aali a miaka akalayile milimo ya mu zuwo lia Yehova.

Nehemia 3:24

Yahatako Binui mwana Henadade, yalulika chihanda chikwo, chize ku zuwo lia Azaria ndo ku chihata cha yipanga-ya-mawe ni ndo ku mbango.

Nehemia 7:43

A-Levi wano: ana a Yeshua, ni Kamiele, kuli ana a Hodavia, makumi shimbiali ni awana.