Ezra 3:1 - MUKANDA USANDU WA ZAMBI 1975

¹ Ha kuheta kakweji wamuchishimbiali A-Izalele te mu yihunda atwama, atu akungulukile ngwe mutu umuwika ku Yerusaleme.

Mukanda Wa Zambi 1970

¹ Ha kakweji wa muchishimbiali Aisraele eswe yaatwama mu membo jo. Mba ayo eswe yaalikungulula mu limbo lia Yerusaleme.

Ezra 3:1 Iomraidhean Croise

Nehemia 7:72

Mba atu akwo yahana makumi aali a tununu twa mbongo ja oru, ni tununu aali a libra ja prata, ni makumi asambano a uzalo wa asasendote ni uzalo shimbiali.

Nehemia 7:73

Asasendote, ni A-Levi, ni akwa mapito, ni njimba, ni chihanda cha atu, ni A-Netinime, ni A-Izalele eswe atwama mu yihunda yo. Ha kuheta kakweji wamuchishimbiali A-Izalele eswe apwile mu yihunda yo.

Nehemia 8:1

Mba atu eswe akungulukilile ngwe mutu umuwika mu lwaza kulutwe lia chikolo cha meya. Yamba kuli Ezera mukwa kusonyeka anehe we mukanda wa shimbi ja Mose jize Yehova watuminyine A-Izalele.

Nehemia 8:14

Yachiwana mu shimbi chize Yehova watumine Mose, chatamba A-Izalele atwame mu yisakila ha chiwanyino cha kakweji wamuchishimbiali,

Alevi 16:29

Muchipwa chiyulo cha mutolo kuli yenu, ngwami, ha kakweji wamuchishimbiali, ha tangwa liamuchikumi munukafwichisa mbunge jenu. Kanda nulinga milimo niyimwe, chipwe mwenyembo, chipwe njize yoze watwama hakachi kenu.

Alevi 23:24

Amba kuli A-Izalele ngwe, Ha kakweji wamuchishimbiali, ha tangwa litangu lia kakweji, munukafunga tangwa lilemu lia kuhwima. Chikapwe Chiwulwiso cha kuhumuna yitavwi, chikungulwila chisandu.

Zefania 3:9

Ha mwaka uze mungwalumuna kuhanjika cha mavungu chikapwe kuhanjika chipema hanga eswe akatongole jina lia Yehova nikumulingila ni mbunge yimuwika.

Yilinga 2:46

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

Yilinga 4:32

Chizavu cha waze afulielele, apwile ni mbunge yimuwika ni kunyonga chimuwika: mba niumwe wa kuli ayo wambile ngwenyi, Chuma chize nguli nacho nichami mwene; alioze yuma yeswe yapwile ya mbunga.

1 Korintu 1:10

Achi, ngunaliumbu kuli yenu, mandumbu, ku jina lia Mwene wetu Yesu Kristu, nukahanjike chuma chimuwika, kanda nulihandunyona hakachi kenu; alioze nukalinunge hamuwika ni kunyonga chimuwika ni upatwilo umuwika.

Shimbi 16:16

Katatu ha mwaka, katatu ha mwaka, malunga jenu eswe akasoloke kumeso ja Yehova Zambi yenu kuze iye matongola; ku chiwanyino cha mbolo kuyishi futunwiso, ni ku chiwanyino cha masemana, ni ku chiwanyino cha yisakila. Kanda asoloka mokomoko kumeso ja Yehova.

Akwa Kuyula 20:1

Henaho A-Izalele eswe atuhukile, chize ku Ndane ndo ku Mbia-shipa hamwe ni chifuchi cha Ngiliate. Chikungulwila chakungulukile ngwe mutu limuwika kuli Yehova ku Mizepa.