Ezra 1:7 - MUKANDA USANDU WA ZAMBI 1975

⁷ Chikwo nawa mwanangana Siru yatuhwisa yikwachilo ya mu zuwo lia Yehova yize Nabukanezore hachiza ku Yerusaleme nikuyisa mu zuwo lia mazambi jenyi.

Mukanda Wa Zambi 1970

⁷ Mwanangana Siruse yaaha nawa yenga ni mesenge yize mwanangana Nebukanezore achijile mu zuwo lia Zambi mu Yerusaleme ni asele mu zuwo lia mazambi jenyi.

Ezra 1:7 Iomraidhean Croise

1 MIANANGANA 24:13

Mba yachizako upite weswe wa zuwo lia Yehova, ni wa zuwo lia mwanangana. Yateta yipinji yikwachilo yeswe ya oru yize Solomone mwanangana wa Izalele walingile mu tembele ya Yehova, nikulita ni liji lia Yehova.

2 Sango Ja Mianangana 36:10

Ha kwalumuka cha mwaka mwanangana Nabukanezore yatuma, yamutwala ku Babilonia, hamuwika ni yikwachilo yipema ya zuwo lia Yehova. Yapwisa yayo Zedekia mwanangana wa Yunda ni Yerusaleme.

2 Sango Ja Mianangana 36:18

Ni yikwachilo yeswe ya mu zuwo lia Zambi, yinene ni yikepe, ni upite wa mu zuwo lia Yehova, ni upite wa mwanangana ni alemu jenyi—ayo yeswe yayimbata ku Babilonia.

2 Sango Ja Mianangana 36:7

Nabukanezore yambata ku Babilonia nawa yimwe ya yikwachilo ya mu zuwo lia Yehova, yayisa mu tembele yenyi ku Babilonia.

Ezra 5:14

Chikwo nawa yikwachilo ya oru ni prata ya mu zuwo lia Zambi, yize te Nabukanezore hachiza mu tembele mu Yerusaleme nikuyitwala ku tembele mu Babilonia, Siru wayichijile mu tembele ya Babilonia wayikunjikile kuli umwe jina lienyi Sheshabazare nikumupwisa mukwa kuyula.

Ezra 6:5

Chikwo nawa yikwachilo ya oru ni prata ya mu zuwo lia Zambi, yize Nabukanezore wachijile mu tembele ya Yerusaleme nikuyineha ku Babilonia, ayihilwise ayitwale cheka nawa ku tembele ya Yerusaleme; nukayise mu zuwo lia Zambi, chikwachilo cheswe kuma kwacho.

Jeremia 51:44

Mbele mu Babilonia mungumwaha kastigu. Mungumuchiza mu kanwa chize hamina. Mavungu keshi kuya kuli iye nawa ngwe lwiji; chipanga cha Babilonia cha mawe hichapuzuka.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.